Realme P4 Lite 5G નો લોન્ચ 19 માર્ચે ડિઝાઇન , બેટરી અને મુખ્ય સ્પેસિફિકેશન્સ જાહેર

ચીનની સ્માર્ટફોન નિર્માતા કંપની Realme એ સોમવારે જાહેરાત કરી હતી કે Realme P4 Lite 5G  આ અઠવાડિયાના અંતમાં ભારતમાં લોન્ચ થશે . આ હેન્ડસેટ  24 ફેબ્રુઆરીએ લોન્ચ થયેલ Realme P4 Lite નો 5G વર્ઝન છે . કંપનીએ ફોનની લોન્ચ તારીખ સાથે કેટલીક મહત્વની સ્પેસિફિકેશન અને ફીચર્સની માહિતી આપી છે . આ સ્માર્ટફોન Flipkart અને Realme ની સત્તાવાર વેબસાઈટ દ્રારા વેચાણ માટે ઉપલબ્ધ થશે  અને આ સ્માર્ટફોન તમને બે કલરના વિકલ્પમાં મળી રહેશે .  કંપનીએ ફોનની ડિઝાઇન પણ ટીઝ કરી છે જે Mosaic  Blue અને Mosaic  ગ્રીન કલરમાં ઉપલબ્ધ છે .

Realme P4 Lite 5G ભારતમાં લોન્ચ તારીખ :
કમ્પનીએ જણાવ્યા અનુસાર Realme P4 Lite 5G  ભારતમાં 19 માર્ચે બપોરે 12 વાગ્યે લોન્ચ કરવામાં આવશે . આ સ્માર્ટફોનમાં 7,000mAh ની મોટી બેટરી હશે  જે એક જ ચાર્જ પર લગભગ 1.47 દિવસ સુધી બેટરી બેકઅપ આપવાનો દાવો કર્યો છે .

ડિઝાઇન અને કેમેરા :
Realme P4 Lite 5G ના પાછળના ભાગમાં ડયુઅલ મેટ્રિક્સ AI કેમેરા સેટઅપ આપવામાં આવ્યું છે . તેમાં 13 મેગાપિક્સલનો મુખ્ય કેમેરા સેન્સર હશે . ફોનમાં  ડયુઅલ ટોન રિયર પેનલ આપવામાં આવી છે જેમાં અલગ અલગ શેડના લંબચોરસ બ્લોક્સ જોવા મળે છે . કંપની આ ડિઝાઇનને " ColorPop " નામ  આપી રહી છે  અને આ ફોનની જાડાઈ લગભગ 8.4mm હશે .

સ્પેસિફિકેશન અને ફીચર્સ :
Realme P4 Lite 5Gમાં Media Tek Dimensity 6,300 5G ઓક્ટા કોર ચિપસેટ આપવામાં આવશે , જે 6nm પ્રકિયા પર આધારિત છે . આ ફોનમાં હીટ મેનેજમેન્ટ માટે તેમાં એરફ્લૉ વેપર  ચેમ્બર મળશે , જેમાં 5,300 સ્કવેર મીમી હીટ ડિસિપેશન એરિયા હશે .

ફોનમાં 144Hz  સુધી રિફ્રેશ રેટને  સપોર્ટ કરતું ડિસ્પ્લે મળે છે , જે 900 nits સુધી પીક બ્રાઇટનેસ આપી શકે છે . કંપની મુજબ આ હેન્ડસેટ IP64 રેટિંગ સાથે આવશે , જે ધૂળ અને પાણીના છાંટાથી સુરક્ષા આપે છે અને સાથે જ તેમાં MIL -STD -810H શોક રેઝિસ્ટન્સ પણ મળશે .

Realme કંપની આ વાતનો દાવો કરી રહી છે કે Realme P4 Lite 5G ચાર વર્ષ સુધી "ઝીરો લેગ " નો અનુભવ આપશે . આ સ્માર્ટફોન Android 16 આધારિત  Realme UI 7.0 સાથે આવશે અને તેમાં AI Boost પરફોર્મન્સ ઓપ્ટિમાઇઝેશન ફીચર પણ આપવામાં આવશે . આ હેન્ડસેટ 6GB RAM અને 128GB સ્ટોરેજ સાથે ઉપલબ્ધ રહેશે .