Samsung Galaxy A56 5G ની કિંમતમાં મોટો ઘટાડો , જાણો નવી ઓફર અને ફીચર્સ

Samsungનો  Galaxy A56 5G હવે ખરીદદારો માટે વધુ આકર્ષક ડીલ સાથે ઉપલબ્ધ થયો છે . કંપનીએ આ સ્માર્ટફોનને શરૂઆતમાં રૂપિયા 41,999ની કિંમતમાં લોન્ચ કર્યો હતો . ત્યારબાદ તેની કિંમતમાં ફેરફાર થયા બાદ હાલમાં રૂપિયા 40,999 થઈ હતી . હવે Amazon અને Samsungની સત્તાવાર વેબસાઈટ પર આ ફોન માત્ર રૂપિયા 34,999ની શરૂઆતની કિંમતે ખરીદી શકાય છે . એટલે કે લોન્ચ કિંમતની સરખામણીએ સીધો રૂપિયા 7,000નો ફાયદો મળી રહ્યો છે .

Samsung Galaxy A56 5G ડિસ્કાઉન્ટ :
આ કિંમત 8GB RAM અને 256GB સ્ટોરેજ વેરિઅન્ટ માટે છે . હાલમાં સીધો બેંક ડિસ્કાઉન્ટ ઉપલબ્ધ નથી , પરંતુ પસંદગીના ક્રેડિટ કાર્ડ પર No - Cost EMIનો વિકલ્પ આપવામાં આવ્યો છે . ઉપરાંત Amazon Pay ICICI ક્રેડિટ કાર્ડથી સંપૂર્ણ ચુકવણી કરનાર ગ્રાહકોને લગભગ રૂપિયા 1,750 સુધીનું 5 ટકા ફ્લેટ કેશબેક પણ મળી શકે છે .

Samsung Galaxy A56 5G ડિસ્પ્લે :
Samsung Galaxy A56 5Gમાં 6.7 ઈંચનું Full HD+ Super AMOLED ડિસ્પ્લે આપવામાં આવ્યું છે , જે 120Hz રિફ્રેશ રેટ અને 1080 x 2340 પિક્સલ રિઝોલ્યુશન સાથે આવે છે . સ્માર્ટફોનમાં Exynos 1580 પ્રોસેસર છે . તેમાં 5,000mAhની બેટરી આપવામાં આવી છે , જે 45W ફાસ્ટ ચાર્જિંગને સપોર્ટ કરે છે. ઉપરાંત ધૂળ અને પાણીથી સુરક્ષા માટે IP67 રેટિંગ પણ આપવામાં આવી છે .

Samsung Galaxy A56 5G કેમેરા સેટઅપ :
ફોટોગ્રાફી માટે ફોનમાં ટ્રિપલ રિયર કેમેરા સેટઅપ આપવામાં આવ્યો છે . તેમાં 50 મેગાપિક્સલનો મુખ્ય કેમેરા , 12 મેગાપિક્સલનો અલ્ટ્રા - વાઈડ કેમેરા અને 5 મેગાપિક્સલનો મેક્રો કેમેરો સામેલ છે . સેલ્ફી અને વિડીયો કોલિંગ માટે 12 મેગાપિક્સલનો ફ્રન્ટ કેમેરો આપવામાં આવ્યો છે .

Samsung Galaxy A56 5G કનેક્ટિવિટી :
કનેક્ટિવિટીની વાત કરીએ તો Galaxy A56 5Gમાં  5G, 4G LTE, Wi-Fi, Bluetooth 5.3, GPS, NFC અને  USB Type-C પોર્ટ જેવા તમામ જરૂરી ફીચર્સ આપવામાં આવ્યા છે . જો તમે પ્રીમિયમ મિડ - રેન્જ સ્માર્ટફોન ખરીદવાનું વિચારી રહ્યા છો , તો હાલની આ ઓફર સારો વિકલ્પ બની શકે છે .