Apple Siliconમાં મોટો ફેરફાર , M7 Ultra ચિપથી AI પર રહેશે ખાસ ફોક્સ

Apple એ 2020માં M1 ચિપ સાથે Intel પ્રોસેસરથી અલગ થઈ પોતાની Apple Silicon ટેક્નોલોજીની શરૂઆત કરી હતી . ત્યારથી કંપની સતત નવી M સિરીઝ ચિપ્સ રજૂ કરી રહી છે . હવે નવા અહેવાલો મુજબ Apple AI  પર વધુ ધ્યાન આપીને M7 Ultra નામની શક્તિશાળી ચિપ તૈયાર કરી રહી છે .

બ્લૂમબર્ગના રિપોર્ટ અનુસાર Apple હાલમાં AI સર્વર્સ માટે બે નવી ચિપ્સ વિકસાવી રહી છે . તેમાં એક M5 Ultra આધારિત હશે ,જયારે બીજી વધુ શક્તિશાળી M7 Ultra હશે . M5 Ultra આધારિત ચિપ ટૂંક જ સમયમાં ઉપયોગમાં આવી શકે છે , જયારે M7 Ultra આવતા વર્ષોમાં રજૂ થવાની શક્યતા છે .

એક અહેવાલ પ્રમાણે M7 Ultra ચિપ 1.5TB સુધીની મેમરી સપોર્ટ કરી શકે છે . આ ક્ષમતા 2019માં આવેલા Intel આધારિત Mac Pro જેટલી જ છે . Apple Silicon આવ્યા પછી અત્યાર સુધી કોઈ પણ Mac માં આટલી મેમરી આપવામાં આવી નથી .

રિપોર્ટમાં એવું પણ કહેવામાં આવ્યું છે કે Apple એ M8 ચિપ્સ પર પણ કામ શરૂ કરી દીધું છે . " Soko " કોડનેમ ધરાવતી આ નવી ચિપ્સ ભવિષ્યમાં વધુ ઝડપી AI પ્રદર્શન આપી શકે છે . તેની લોન્ચિંગ 2028ની આસપાસ થઈ શકે છે .

પહેલાં એવી ચર્ચા હતી કે Apple M6 Pro  અને M6 Max જેવી કેટલીક હાઈ - એન્ડ ચિપ્સ લોન્ચ નહીં કરે અને સીધું M7 સિરીઝ પર ધ્યાન આપશે . હવે માર્ક ગુરમેનના જણાવ્યા મુજબ તેનું મુખ્ય કારણ AI છે . કંપની ઈચ્છે છે કે આગામી ચિપ્સમાં વધુ શક્તિશાળી Neural Processing ક્ષમતા મળે .

M7 સિરીઝમાં AI માટે મોટા સુધારા જોવા મળી શકે છે . ખાસ કરીને M7 Ultra ચિપ AI કામગીરીમાં નોંધપાત્ર વધારો કરશે અને તેની ક્ષમતા Nvidiaના Blackwell AI Acceleratorની નજીક પહોંચી શકે છે .

અહેવાલ મુજબ Apple એ M6 પર કામ શરૂ થયાના લગભગ છ મહિના પછી M7 ચિપ 2027ના પહેલા ભાગમાં આવી શકે છે , જયારે M7 Pro અને M7 Max 2027 ના અંત સુધી લોન્ચ થવાની શક્યતા છે . સૌથી શક્તિશાળી M7 Ultra 2028માં રજૂ થઈ શકે છે .