Facebook Messengerમાં Secret Conversations ફીચરનો ઉપયોગ કરવાની સરળ રીત

Meta તેના Messenger એપમાં સતત નવા ફીચર્સ ઉમેરતું રહે છે જેથી યુઝર્સને વધુ સુરક્ષિત અને સરળ અનુભવ મળી રહે . Messengerનું  Secret Conversations ફીચર એવા જ ઉપયોગી વિકલ્પોમાંનું એક છે . તેની મદદથી તમે કોઈપણ વ્યક્તિ સાથે  ખાનગી અને સુરક્ષિત રીતે વાતચીત કરી શકો છો . આ ચેટ એન્ડ - ટુ -એન્ડ એન્ક્રિપ્ટેડ હોવાથી મેસેજ માત્ર મોકલનાર અને પ્રાપ્તકર્તા જ વાંચી શકે છે .

 Secret Conversationsમાં થતી દરેક ચેટ સંપૂર્ણપણે એન્ડ - ટુ - એન્ડ એન્ક્રિપ્ટેડ હોય છે . એટલે કે મેસેજની માહિતી Messenger અથવા અન્ય કોઈ તૃતીય વ્યક્તિ જોઈ શકતી નથી . જોકે , સામેનો વ્યક્તિ સ્ક્રીનશોટ લઈ શકે અથવા ચેટ અન્ય સાથે શેર કરી શકે છે , તેથી સંપૂર્ણ ગોપનીયતા માટે વિશ્વાસપાત્ર વ્યક્તિ સાથે જ આ ફિચરનો ઉપયોગ કરવો જોઈએ .

આ ફીચરમાં એક ખાસ સિક્યોરિટી કી પણ આપવામાં આવે છે , જેના આધારે બંને યુઝર્સ ખાતરી કરી શકે છે કે તેમની વચ્ચેની વાતચીત ખરેખર એન્ડ - ટુ - એન્ડ એન્ક્રિપ્ટેડ છે . છે . ઉપરાંત , મેસેજ ચોક્કસ સમય બાદ આપમેળે ડિલીટ થઈ જાય તે માટે Disappearing Messages Timer પણ સેટ કરી શકાય છે .

હાલમાં  Secret Conversations ફીચર માત્ર Android અને iPhone માટેના Messenger એપમાં જ ઉપલબ્ધ છે . તેને વેબ બ્રાઉઝર , Messenger.com અથવા Facebookની સામાન્ય ચેટમાં ઉપયોગ કરી શકતો નથી . ઉપરાંત , આ ચેટ માત્ર તે જ ડિવાઇસમાં જોવા મળે છે જ્યાંથી વાતચીત શરૂ કરવામાં આવી હોય અને જે ડિવાઈસ પર સામેની વ્યક્તિ મેસેજ પ્રાપ્ત કરે છે .

 Messengerમાં Secret Conversations કેવી રીતે શરૂ કરશો ?

• તમારા ફોન અથવા ટેબ્લેટમાં  Messenger એપ ખોલો . 
• હોમ સ્ક્રીન પર જઈ " + " આઇકન પર ટેપ કરો .
• હવે ઉપર જમણી બાજુ દેખાતા " Lock " આઈકન પર ટેપ કરો .
• ત્યારબાદ જે વ્યક્તિ સાથે ખાનગી ચેટ કરવી હોય તે સંપર્ક પસંદ કરો .
• જો મેસેજ થોડા સમય બાદ આપમેળે ડિલીટ કરાવવા હોય તો ટેક્સ્ટ બોક્સમાં દેખાતા " Clock " આઈકન પર ટેપ કરીને " Disappearing Timer "  સેટ કરો .

આ રીતે તમે Messengerના  Secret Conversations ફીચરનો ઉપયોગ કરીને વધુ સુરક્ષિત અને ખાનગી રીતે વાતચીત કરી શકો છો .