રિયલમીનો મોટો નિર્ણય , ચીનમાંથી બ્રેક લઈને ગ્લોબલ માર્કેટમાં વધારશે હાજરી

ચીની સ્માર્ટફોન બ્રાન્ડ Realme એ એક મોટો નિર્ણય લીધો છે . કંપનીએ જાહેરાત કરી છે કે તે ચીનમાં પોતાનું કામકાજ થોડા સમય માટે રોકશે અને હવે વધુ ધ્યાન વૈશ્વિક બજારો પર આપશે . તાજેતરમાં OnePlus દ્રારા અમેરિકા અને યુરોપમાં કેટલાક બજારોમાં કામગીરી ઘટાડવાના અહેવાલો સામે આવ્યા બાદ હવે Realme નો આ નિર્ણય ચર્ચાનો વિષય બની ગયો છે .    Realme પહેલેથી જ યુરોપના કેટલાક ભાગોમાં તેના સ્માર્ટફોન વેચી રહ્યું છે .

રિયલમીએ ચીનમાં પોતાનું કામકાજ થોડા સમય માટે રોકવાનો નિર્ણય લીધો છે . કંપની હવે યુરોપ સહિતના વૈશ્વિક બજારોમાં વધુ ધ્યાન આપશે . જોકે ચીનના હાલના ગ્રાહકોને વેચાણ પછીની સેવા અને સોફ્ટવેર અપડેટ્સ પહેલાની જેમ મળતા રહેશે . 

Weibo પર કરેલી પોસ્ટમાં Realme ના Shen Qi એ જણાવ્યું કે કંપની હવે પોતાના ડિવાઈસો વિદેશી બજારમાં લગાવશે . Realme પહેલેથી જ યુરોપના અનેક દેશોમાં સ્માર્ટફોન વેચે છે અને હવે ત્યાં પોતાની હાજરી વધુ મજબૂત બનાવવાનો પ્લાન છે . ખાસ કરીને ડેનમાર્ક , ફિનલેન્ડ , આઇસલેન્ડ , નોર્વે અને સ્વીડન જેવા નોર્ડિક દેશો પર કંપનીનું ખાસ ધ્યાન રહેશે .

Shen Qi એ જણાવ્યું કે કંપનીએ આ નિર્ણય લાંબા વિચાર પછી લીધો છે . હવે Realme પોતાના ડિવાઈસો પરફોર્મન્સ આધારિત સ્માર્ટફોન , ગેમિંગ અનુભવ અને નવી ટેક્નોલોજી વિકસાવવા માટે ઉપયોગમાં લેશે . કંપનીનો ઉદ્દેશ્ય વૈશ્વિક બજારમાં પોતાની સ્થિતિ વધુ મજબૂત બનાવવાનો છે .

Realme એ આ વાત સ્પષ્ટ કરી છે કે ચીનમાં રહેલા હાલના ગ્રાહકોને કોઈ મુશ્કેલી નહીં પડે . Oppo ની સત્તાવાર ટીમે Realme ના સ્માર્ટફોનની વેચાણ પછીની સેવા અને વોરંટીની જવાબદારી સંભાળશે . આ ઉપરાંત નવા આવતા ColorOS અપડેટ ઉપલબ્ધ થયા બાદ Realme ના ગ્રાહકોને પણ સિસ્ટમ અપડેટ્સ મળતા રહેશે . કંપનીએ જણાવ્યું છે કે ગ્રાહકોના તમામ અધિકારો અને સેવાઓ સંપૂર્ણ રીતે જાળવી રાખવામાં આવશે .