ડોલ્બી એટમોસ સપોર્ટ સાથે Samsungના નવા પ્રીમિયમ સ્પીકર ભારતમાં આવ્યા

સેમસંગે ભારતીય બજારમાં Music Studio 5 અને Music Studio 7 નામના નવા પ્રીમિયમ વાયરલેસ સ્પીકર લોન્ચ કર્યા છે . કંપનીનું કહેવું છે કે આ સ્પીકર માત્ર સારી સાઉન્ડ જ નહીં , પરંતુ આધુનિક ડિઝાઈનને કારણે ઘરની સજાવટ સાથે પણ સરળતાથી મેળ ખાય છે . બંને મોડલમાં સ્માર્ટ કનેક્ટિવિટી અને Dolby Atmos જેવી આધુનિક ઓડિયો ટેક્નોલોજી આપવામાં આવી છે .  Samsung Music Studio 5, Music Studio 7 સ્પીકર મોર્ડન ડિઝાઈન સાથે આવે છે . તેની શરૂઆતની ઓફર કિંમત 24,900 રૂપિયાથી શરૂ થાય છે .

કિંમત અને ઉપલબ્ધતા :

ભારતમાં Samsung Music Studio 5 ની કિંમત રૂપિયા 27,900 રાખવામાં આવી છે . જોકે લોન્ચ ઓફર હેઠળ તેને રૂપિયા 24,900માં ખરીદી શકાય છે . બીજી તરફ Music Studio 7ની કિંમત રૂપિયા 39,990 છે . બંને સ્પીકર સેમસંગના અધિકૃત સ્ટોર અને પસંદગીના રિટેલ ચેનલ્સ પરથી ખરીદી શકાય છે .

ફીચર્સ :

Music Studio 5 અને Music Studio 7 બંનેમાં પ્રીમિયમ ફિનિશ સાથે મોડર્ન ડિઝાઈન આપવામાં આવી છે . આ સ્પીકર સેમસંગના ટીવી અને સાઉન્ડબાર સાથે સરળતાથી કનેક્ટ થઈ શકે છે , જેથી હોમ એન્ટરટેઈનમેન્ટનો અનુભવ વધુ સારો બને છે .

Music Studio 7 કંપનીનું ફ્લેગશિપ મોડલ છે . તેમાં 3.1.1 ચેનલ ઓડિયો સિસ્ટમ આપવામાં આવી છે , જે વધુ  સ્પષ્ટ અને આસપાસથી આવતો અવાજ અનુભવ આપે છે . તેમાં સ્પેશિયલ ઓડિયો અને Dolby Atmos  સપોર્ટ પણ ઉપલબ્ધ છે , જેના કારણે ફિલ્મ , સંગીત અને ગેમિંગનો અનુભવ વધુ જીવંત બને છે .

આ ઉપરાંત સ્પીકરમાં Audio Lab Pattern Control  ટેક્નોલોજી અને AI Dynamic Bass Control  જેવી સુવિધાઓ પણ આપવામાં આવી છે . કંપનીનો દાવો છે કે આ ટેક્નોલોજી ઓછી ડિસ્ટોર્શન સાથે ઊંડો અને શક્તિશાળી બેસ આપે છે , જેથી દરેક પ્રકારનું સંગીત વધુ સ્પષ્ટ અને અસરકારક રીતે સાંભળવા મળે છે . નવા Music Studio  સ્પીકર પ્રીમિયમ ડિઝાઈન અને ઉત્તમ સાઉન્ડ ક્વોલિટી ઈચ્છતા ગ્રાહકો માટે સારો વિકલ્પ બની શકે છે .