Asus Pad T3201 માં Dimensity 8300 ચિપ અને 9,000mAh બેટરી , લોન્ચ તારીખ જાહેર

Asus ટૂંક જ સમયમાં ભારતીય બજારમાં પોતાનું નવું ટેબલેટ Asus Pad T3201  લોન્ચ કરવા જઈ રહી છે કે આ ટેબલેટ 6 ઓગસ્ટે ભારતમાં રજૂ કરવામાં આવશે . તેમાં મોટી OLED ડિસ્પ્લે , શક્તિશાળી MediaTek Dimensity 8300 પ્રોસેસર અને લાંબો બેટરી બેકઅપ જેવી સુવિધાઓ મળશે . કંપનીએ હજુ સુધી તેની કિંમત જાહેર કરી નથી . આ ટેબલેટમાં 13 મેગાપિક્સલનો રિયર કેમેરા અને 5 મેગાપિક્સલનો ફ્રન્ટ કેમેરા હશે . આમાં Dolby Atmos સિનેમેટિક સાઉન્ડના સાથે ક્વાડ - સ્પીકર સેટઅપ આપવામાં આવશે .

Asus Pad T3201 કિંમત :

Asus Pad T3201 નું વેચાણ કંપનીના ઓફિશિયલ ઈ - સ્ટોર ઉપરાંત Flipkart, Reliance Digital અને Asus ના અધિકૃત રિટેલ સ્ટોર્સ પર થશે . કિંમત વિશે  હાલમાં કોઈ પણ જાણકારી આપવામાં આવી નથી , પરંતુ લોન્ચ સમયે તેની સંપૂર્ણ વિગતો જાહેર કરવામાં આવશે .

Asus Pad T3201 ડિસ્પ્લે :

આ ટેબલેટમાં 12.2 ઇંચની 2.8K ( 2800 x 1840 પિક્સેલ ) ડયુઅલ-લેયર OLED ડિસ્પ્લે આપવામાં આવી છે . તેમાં 144Hz રિફ્રેશ રેટ , 2,000 nits પીક બ્રાઇટનેસ અને 100 ટકા DCI-P3 કલર ગેમટનો સપોર્ટ મળશે . આંખોની સુરક્ષા માટે TUV સર્ટિફાઈડ Low Blue Light અને Low Flicker ટેક્નોલોજી પણ આપવામા  આવી છે .

Asus Pad T3201  કેમેરા :

ફોટોગ્રાફી માટે ટેબલેટમાં 13 મેગાપિક્સલનો રિયર કેમેરા અને 5 મેગાપિક્સલનો ફ્રન્ટ કેમેરા આપવામાં આવ્યો છે . મનોરંજનનો અનુભવ વધુ સારો બનાવવા માટે તેમાં Dolby Atmos સપોર્ટ સાથે ક્વાડ - સ્પીકર સેટઅપ આપવામાં આવ્યો છે .

Asus Pad T3201 બેટરી :

Asus Pad T3201માં 9,000mAhની બેટરી છે , જે 45W ફાસ્ટ ચાર્જિંગને સપોર્ટ કરે છે . કંપનીના જણાવ્યા મુજબ , બેટરીને માત્ર 30 મિનિટમાં 0 થી 50 ટકા સુધી ચાર્જ કરી શકાય છે . ટેબલેટની જાડાઈ 6.5mm છે અને તેનું વજન અંદાજે 523 ગ્રામ છે . પ્રીમિયમ ડિસ્પ્લે , શક્તિશાળી પ્રોસેસર અને મોટી બેટરીને કારણે આ ટેબલેટ વિધાર્થીઓ તેમજ મલ્ટીમીડિયા ઉપયોગ કરનારા ગ્રાહકો માટે સારો વિકલ્પ બની શકે છે .