10,200mAh બેટરી અને 2.5K ડિસ્પ્લે ધરાવતું Lenovo Tab Plus Gen 2 વૈશ્વિક બજારમાં રજૂ

લેનોવોએ તેનું નવું પ્રીમિયમ ટેબ્લેટ  Lenovo Tab Plus Gen 2  વૈશ્વિક બજારમાં લોન્ચ કર્યું છે . આ ટેબ્લેટ ખાસ કરીને મનોરંજન અને મલ્ટીમીડિયા અનુભવને ધ્યાનમાં રાખીને ડિઝાઈન કરવામાં આવ્યું છે . તેમાં 12.1 ઇંચની LCD ડિસ્પ્લે આપવામાં આવી છે , જે 2560x 1600 પિક્સલ્સ ( 2.5K ) રિઝોલ્યુશન અને 120Hz રિફ્રેશ રેટ સાથે આવે છે . આ ઉપરાંત ડિસ્પ્લે Dolby Vision અને HDR10 સપોર્ટ કરે છે , જયારે 800 nits સુધીની પીક બ્રાઇટનેસ પણ આપે છે . Lenovo Tab Plus Gen 2 ની કિંમત આશરે રૂપિયા 37,500 રાખવામાં આવી છે .

Lenovo Tab Plus Gen 2 ના સ્પેસિફિકેશન્સ :

આ ટેબ્લેટમાં બિલ્ટ - ઈન 360 ડિગ્રી રોટેટિંગ કિકસ્ટેન્ડ આપવામાં આવ્યું છે , જે યુઝર્સને જુદા જુદા એંગલથી વિડીયો જોવા , વિડીયો કોલિંગ કરવા અથવા કામ કરવા માટે વધુ સુવિધા આપે છે . Lenovo Tab Plus Gen 2 ની સૌથી મોટી ખાસિયત તેની શક્તિશાળી ઓડિયો સિસ્ટમ છે . તેમાં JBL ના 9 યુનિટ પ્રો સ્પીકર્સ અને ડેડિકેટેડ બાસ યુનિટ આપવામાં આવ્યા છે , જે Dolby Atmos સપોર્ટ સાથે સિનેમેટિક સાઉન્ડ અનુભવ આપે છે . આ ઉપરાંત , તેમાં Bluetooth Speaker Mode પણ આપવામાં આવ્યો છે , જેના કારણે તેને સ્માર્ટફોન સાથે કનેક્ટ કરીને પોર્ટેબલ બ્લૂટૂથ સ્પીકર તરીકે ઉપયોગ કરી શકાય છે .

પરફોર્મન્સ માટે આ ટેબ્લેટમાં Media Tek Dimensity 7400 ચિપસેટ આપવામાં આવ્યો છે . ડિવાઈસ 12GB સુધીની RAM અને 256GB સુધીની સ્ટોરેજ સાથે ઉપલબ્ધ છે . જો વધુ સ્ટોરેજની જરૂર હોય તો માઈક્રોએસડી કાર્ડની મદદથી તેને 2TB સુધી વધારી શકાય છે . ટેબ્લેટ Android 16 ઓપરેટિંગ સિસ્ટમ પર ચાલે છે , જે નવા ફીચર્સ અને સ્મૂથ અનુભવ આપે છે .

પાવર બેકઅપ માટે તેમાં 10,200mAhની મોટી બેટરી આપવામાં આવી છે , જે 45W ફાસ્ટ ચાર્જિંગને સપોર્ટ કરે છે . ફોટોગ્રાફી અને વિડીયો કોલિંગ માટે પાછળ 13MP ઓટોફોક્સ કેમેરા અને આગળ 8MP સેલ્ફી કેમેરો આપવામાં આવ્યો છે .

Lenovo Tab Plus Gen 2 ની કિંમત :

કિંમતની વાત કરીએ તો Lenovo Tab Plus Gen 2 ની કિંમત $400 ( આશરે રૂપિયા 37,500) રાખવામાં આવી છે . ટેબ્લેટ હાલમાં વૈશ્વિક બજારમાં રજૂ કરવામાં આવ્યું છે અને કંપનીની સત્તાવાર વેબસાઈટ પર લિસ્ટ કરવામાં આવ્યું છે . શક્તિશાળી ઓડિયો , મોટી ડિસ્પ્લે અને પ્રીમિયમ ફીચર્સને કારણે આ ટેબ્લેટ યુઝર્સ માટે આકર્ષક વિકલ્પ બની શકે છે .