પાવર અને પરફોર્મન્સનો નવો બાદશાહ ! Redmi Turbo 5માં Dimensity 8500 Ultra અને 120Hz ડિસ્પ્લે

Redmi એ ભારતમાં તેની નવી Turbo સિરીઝનો પહેલો સ્માર્ટફોન Redmi Turbo 5  લોન્ચ કર્યો છે . આ ફોન પહેલા ચીનમાં રજૂ થયો હતો અને હવે ભારતીય ગ્રાહકો માટે પણ ઉપલબ્ધ છે . Redmi Turbo 5  માં MediaTek Dimensity 8500 Ultra પ્રોસેસર , 7540mAhની મોટી બેટરી , 100W ફાસ્ટ ચાર્જિંગ અને 120Hz રિફ્રેશ રેટ સાથે 1.5K ડિસ્પ્લે આપવામાં આવી છે . આ ઉપરાંત , ફોન IP66 , IP68, IP69 અને IP69K  રેટિંગ સાથે આવે છે , જે તેને ધૂળ અને પાણીથી વધુ સુરક્ષિત બનાવે છે .

Redmi Turbo 5 : કિંમત અને ઉપલબ્ધતા 

Redmi Turbo 5  Asphalt Black , Nitro Blue અને Turbo White કલર વિકલ્પોમાં ઉપલબ્ધ છે . તેનું વેચાણ 19 જૂનથી Amazon , Mi.com અને અન્ય ઓનલાઈન તેમજ ઓફલાઈન સ્ટોર્સ પર શરૂ થશે .

આ ફોનના  8GB RAM + 256GB  સ્ટોરેજ વેરિઅન્ટની કિંમત આશરે રૂપિયા 37,999 રાખવામાં આવી છે . જ્યારે 12GB RAM + 256GB સ્ટોરેજ મોડલની કિંમત લગભગ રૂપિયા 40,999 છે . લોન્ચ ઓફર હેઠળ પસંદગીના બેંક કાર્ડ પર રૂપિયા 2000 સુધીનું વધારાનું ડિસ્કાઉન્ટ પણ મળશે .

Redmi Turbo 5  : મુખ્ય ફીચર્સ 

Redmi Turbo 5  માં 6.59 ઇંચની 1.5K ફ્લુઈડ ડિસ્પ્લે આપવામાં આવી છે , જે 120Hz રિફ્રેશ રેટ , HDR10+ Dolby Vision અને 3500 nits સુધીની પીક બ્રાઇટનેસ સપોર્ટ કરે છે . ડિસ્પ્લે ને Corning Gorilla Glass 7i નું પ્રોટેક્શન આપવામાં આવ્યું છે .

પરફોર્મન્સ માટે આ ફોનમાં Media Tek Dimensity 8500 Ultra ચિપસેટ છે , જે 12GB સુધી LPDDR5X RAM અને 256GB UFS 4.1 સ્ટોરેજ સાથે આવે છે . વર્ચ્યુઅલ RAM ફીચર દ્રારા RAMને વધારાના 12GB સુધી વધારી શકાય છે . લાંબા સમય સુધી સ્મૂથ કામગીરી માટે 3D Ice -Loop Cooling System પણ આપવામાં આવી છે .

ફોટોગ્રાફી માટે , ફોનમાં 50MPનો OIS અને EIS સપોર્ટવાળો મુખ્ય કેમેરા તથા 8MPનો અલ્ટ્રા - વાઈડ કેમેરા છે . સેલ્ફી અને વિડીયો કોલિંગ માટે 20MP નો ફ્રન્ટ કેમેરા આપવામાં આવ્યો છે .

Redmi Turbo 5માં પાવર માટે 7,540mAh ની મોટી બેટરી આપવામાં આવી છે , જે 100W ફાસ્ટ ચાર્જિંગ અને 27W રિવર્સ વાયર્ડ ચાર્જિંગને  સપોર્ટ કરે છે . કનેક્ટિવિટી માટે 5G , Wi - Fi , Bluetooth અને USB Type -C જેવા વિકલ્પો આપવામાં આવ્યા છે . આ ફોન Android 16 આધારિત HyperOS 3 પર ચાલે છે અને તેમાં પ્રીમિયમ એરોસ્પેસ - ગ્રેડ મેટલ ફ્રેમ , IR બ્લાસ્ટર અને 8.18mm જાડાઈ જેવી ખાસિયતો પણ આપવામાં આવી છે .