Vivo X500 Ultraના કેમેરામાં મોટા અપગ્રેડની શક્યતા , નવા લીકમાં થયો ખુલાસો

ભારતમાં સ્માર્ટફોન માર્કેટમાં મજબૂત સ્થિતિ ધરાવતી Vivo તેની નવી Vivo X500 સિરીઝ પર કામ કરી રહી છે . આ સિરીઝના ટોપ મોડેલ Vivo X500 Ultra વિશે નવા લીકમાં તેના કેમેરા સંબંધિત કેટલીક મહત્વની વિગતો સામે આવી છે . આ સ્માર્ટફોન આ વર્ષે મે મહિનામાં લોન્ચ થયેલા Vivo X300 Ultraનું અપગ્રેડેડ વર્ઝન બની શકે છે .

ચીનના માઇક્રોબ્લોગિંગ પ્લેટફોર્મ Weibo પર જાણીતા ટિપસ્ટર Digital Chat Stationના જણાવ્યા અનુસાર , કંપનીએ હજુ સુધી X500 Ultraનો ફાઈનલ કેમેરા સેટઅપ નક્કી નથી . જોકે , ફોનમાં ત્રણ 200MP પેરિસ્કોપ ટેલિફોટો કેમેરા આપવામાં આવી શકે છે . આ કેમેરા માટે અલગ - અલગ સાઈઝના ઇમેજ સેન્સરનો ઉપયોગ થવાની શક્યતા છે , જે ફોટોગ્રાફીને વધુ સારી બનાવી શકે છે .

હાલમાં ઉપલબ્ધ Vivo X300 Ultraમાં 200MP નો પ્રાઈમરી કેમેરા , 200MPનો પેરિસ્કોપ ટેલિફોટો કેમેરા અને 50MPનો અલ્ટ્રા - વાઈડ કેમેરા આપવામાં આવ્યો છે . સેલ્ફી અને વિડીયો કોલિંગ માટે તેમાં 50MPનો ફ્રન્ટ કેમેરો મળે છે . આ ફોનમાં 6,600mAhની બેટરી છે , જે 100W વાયર્ડ અને 40W વાયરલેસ ફાસ્ટ ચાર્જિંગને સપોર્ટ કરે છે .

લીક મુજબ , Vivo X500 સિરીઝમાં Vivo X500 , Vivo X500 Pro , Vivo X500 Pro Max અને Vivo X500e જેવા મોડલ્સ પણ સામેલ થઈ શકે છે . અન્ય એક લીક અનુસાર , Vivo X500 Pro Maxમાં નવો ઇમેજિંગ સિસ્ટમ આપવામાં આવી શકે છે . તેમાં 50MPનો Sony LOFIC પ્રાઈમરી કેમેરા , 85mm ફોકલ લેન્થ સાથે 200MPનો પેરિસ્કોપ ટેલિફોટો કેમેરા અને 50MPનો અલ્ટ્રા - વાઈડ કેમેરો મળી શકે છે .

બીજી તરફ , Vivo X500 Proમાં MediaTek Dimensity 9600 Pro પ્રોસેસર મળવાની શક્યતા છે . આ ફોનમાં 6.37 ઇંચની ડિસ્પ્લે , 50MPનો પ્રાઈમરી કેમેરા , 50MPનો અલ્ટ્રા - વાઈડ કેમેરો અને 64MPનો પેરિસ્કોપ ટેલિફોટો કેમેરો મળી શકે છે . આ ઉપરાંત તેમાં 7,000mAhથી મોટી બેટરી આપવામાં આવી શકે છે . ફોન Android 17 આધારિત OriginOS 7 સાથે આવી શકે છે .