Vivo X500 Pro Max માં મલ્ટિસ્પેક્ટ્રલ સેન્સર અને 144Hz ડિસ્પ્લે મળવાની સંભાવના

Vivo આ વર્ષના અંતમાં તેની નવી ફ્લેગશિપ Vivo X500  સિરીઝ લોન્ચ કરવાની તૈયારીમાં હોવાનું કહેવાય છે . આ નવી સિરીઝ , Vivo X300 અને Vivo X300 Pro પછી આવશે , જે ઓક્ટોબર 2025માં લોન્ચ થયા હતા , જયારે Vivo X300  Ultra માર્ચ 2026 માં રજૂ થયો હતો . નવા લીક્સ મુજબ , X500 સિરીઝમાં ડિસ્પ્લે , કેમેરા અને બેટરીમાં મોટા અપગ્રેડ જોવા મળી શકે છે .   Vivo X500 સિરીઝ સપ્ટેમ્બર 2026માં લોન્ચ થઈ શકે છે , જેમાં 6.4 ઇંચ અને 6.9 ઇંચ ડિસ્પ્લે વિકલ્પો , 200MP પેરિસ્કોપ કેમેરા , 7,000mAh બેટરી અને  Dimensity  9600 Pro ચિપસેટ જેવા અપગ્રેડસ મળવાની શક્યતા છે .

નવા લીક અનુસાર , Vivo X500 સિરીઝ બે અલગ અલગ સ્ક્રીન સાઈઝમાં આવી શકે છે . જે 6.4 ઇંચ અને 6.9 ઇંચ હોઈ શકે છે . એટલે યુઝર્સને નાના અને મોટા બંને વિકલ્પ મળશે . ખાસ કરીને ટોપ મોડલ , જે Vivo X500 Pro Max હોઈ શકે છે , તેમાં નવા કેમેરા ટેક્નોલોજી આપવામાં આવી શકે છે . તેમાં 50MP  નો પ્રાઈમરી કેમેરા મળશે , જે LOFIC ટેક્નોલોજી સાથે આવશે . આ ટેક્નોલોજી ફોટોમાં લાઈટ બેલેન્સ વધારે સારી રીતે મેનેજ કરે છે , જેથી ફોટા વધુ  ક્લિયર અને નેચરલ લાગે .

આ સિવાય , Vivo X500 Pro Max માં 200MP નો પેરિસ્કોપ ટેલિફોટો કેમેરા પણ મળી શકે  છે , જે દૂરની વસ્તુઓને ક્લિયર રીતે ઝૂમ કરીને કેપ્ચર કરવામાં મદદ કરશે . સાથે જ મલ્ટિસ્પેક્ટ્રલ સેન્સરનો ઉપયોગ પણ થઈ શકે છે , જે કલર્સ અને વ્હાઈટ બેલેન્સને વધુ એક્યુરેટ બનાવશે . એવું પણ માનવામાં આવે છે કે તેમાં 50MP નો અલ્ટ્રા - વાઈડ કેમેરા પણ સામેલ હોઈ શકે છે .

પરફોર્મન્સ માટે , આ ફોનમાં Media Tek Dimensity 9600 Pro પ્રોસેસર મળી શકે છે , જે ફાસ્ટ અને સ્મૂથ એક્સપિરિયન્સ આપશે . સાથે જ લગભગ 7000mAhની મોટી બેટરી હોવાની શક્યતા છે , જેથી લાંબા સમય સુધી ફોનનો ઉપયોગ કરી શકાય . ડિસ્પ્લેની વાત કરીએ તો , તેમાં 2K LTPO પેનલ અને 144Hz રિફ્રેશ રેટ મળવાની શક્યતા છે , જે સ્ક્રોલિંગ અને ગેમિંગને વધુ સ્મૂથ બનાવશે .

સિક્યુરિટી માટે તેમાં ઈન ડિસ્પ્લે અલ્ટ્રાસોનિક ફિંગરપ્રિન્ટ સેન્સર પણ મળી શકે છે . રિપોર્ટ મુજબ Vivo X500 સિરીઝ સપ્ટેમ્બર 2026 આસપાસ ચીનમાં  લોન્ચ થઈ શકે છે  . એ જ સમયગાળા દરમિયાન Xiaomi પણ તેની નવી Xiaomi 18 સિરીઝ લોન્ચ કરી શકે છે , જેથી બંને બ્રાન્ડ વચ્ચે કડક સ્પર્ધા જોવા મળી શકે છે