50MP કેમેરા અને Snapdragon 8 Elite સાથેનો OnePlus 13s ડિસ્કાઉન્ટમાં ઉપલબ્ધ

Amazon Prime Day Saleનો આજે અંતિમ દિવસ છે અને સ્માર્ટફોન પર આકર્ષક ડિસ્કાઉન્ટ આપવામાં આવી રહ્યા છે . જો તમે OnePlusનો મિડ - રેન્જ સ્માર્ટફોન OnePlus 13s ખરીદવાનું વિચારી રહ્યા છો , તો આ સારો મોકો બની શકે છે . 50MP કેમેરા , શક્તિશાળી Snapdragon પ્રોસેસર અને 5,850mAh બેટરી જેવા ફીચર્સ ધરાવતો આ સ્માર્ટફોન હાલમાં Amazon પર લોન્ચ કિંમત કરતા ઓછી કિંમતે ઉપલબ્ધ છે . ચાલો જાણીએ તેના પર મળતી ઓફર્સ , અસરકારક કિંમત અને સ્પેસિફિકેશન્સ વિશે .

OnePlus 13sની કિંમત અને ઓફર્સ :

OnePlus 13s નો 12GB RAM + 256GB સ્ટોરેજ વેરિઅન્ટ Amazon પર રૂપિયા 49,999માં લિસ્ટેડ છે . જો ગ્રાહકો Amazon Pay ICICI Bank ક્રેડિટ કાર્ડથી ચુકવણી કરે તો તેમને 5 ટકા સુધીનું કેશબેક મળી શકે છે , જેના કારણે અસરકારક કિંમત વધુ ઘટી શકે છે . આ સ્માર્ટફોન ગયા વર્ષે જૂનમાં રૂપિયા 54,999ની શરૂઆતની કિંમતે લોન્ચ થયો હતો . એટલે હાલ તે લોન્ચ કિંમત કરતાં અંદાજે રૂપિયા 5,000 સસ્તો મળી રહ્યો છે .

OnePlus 13sના  ફીચર્સ અને સ્પેસિફિકેશન્સ :

OnePlus 13sમાં 6.32 ઇંચની LTPO ડિસ્પ્લે આપવામાં આવી છે , જે 2640x1216 પિક્સલ રિઝોલ્યુશન અને 120Hz રિફ્રેશ રેટ સાથે આવે છે . પરફોર્મન્સ માટે તેમાં Qualcomm Snapdragon 8 Elite ઓક્ટા - કોર પ્રોસેસર આપવામાં આવ્યું છે . આ સ્માર્ટફોન Android 15 આધારિત OxygenOS 15 પર કાર્ય કરે છે .

પાવર માટે તેમાં 5,850mAhની બેટરી આપવામાં આવી છે , જે 80W ફાસ્ટ ચાર્જિંગને સપોર્ટ કરે છે . ફોનની લંબાઈ 150.8mm , પહોળાઈ 71.7mm , જાડાઈ 8.2mm છે અને તેનું વજન 185 ગ્રામ છે .

ફોટોગ્રાફી માટે ફોનના પાછળના ભાગમાં ડયુઅલ કેમેરા સેટઅપ આપવામાં આવ્યો છે , જેમાં 50MPનો પ્રાઈમરી કેમેરા ( f /1.8 )અને 50MPનો ટેલિફોટો કેમેરા ( f /2.0 ) સામેલ છે . જયારે સેલ્ફી અને વિડીયો કોલિંગ માટે 32MPનો ફ્રન્ટ કેમેરા ( f /2.0 ) આપવામાં આવ્યો છે .