Samsung Galaxy SmartTag 3માં મળી શકે 500 દિવસની બેટરી અને નવી ડિઝાઈન , રિપોર્ટમાં ખુલાસો

સેમસંગ ટૂંક સમયમાં તેનો સ્માર્ટ ટ્રેકર Samsung Galaxy SmartTag 3 લોન્ચ કરી શકે છે . એક નવા લીકમાં આ ડિવાઈસની ડિઝાઈન અને કેટલાક મુખ્ય ફીચર્સ વિશે માહિતી સામે આવી છે . નવા અહેવાલો મુજબ, આ સ્માર્ટ ટેગ નવા લુક સાથે બજારમાં આવી શકે છે . સાથે જ તેમાં લાંબી બેટરી લાઈફ અને પહેલાના મોડલ કરતા વધુ સારા ફીચર્સ મળવાની શક્યતા છે .

SamMobileના રિપોર્ટ અનુસાર , One UIના કોડમાં Samsung Galaxy SmartTag 3નું આઇકોન જોવા મળ્યું છે . તેના આધારે ડિવાઈસની ડિઝાઇન વિશે કેટલીક માહિતી સામે આવી છે . એવું પણ માનવામાં આવી રહ્યું છે કે કંપની આ સ્માર્ટ ટેગને આવતા Samsung Galaxy Watch 9 જેવી દેખાતી હોવાનું પણ કહેવામાં આવી રહ્યું છે .

લીક મુજબ, Samsung Galaxy SmartTag 3માં ગોળ ખૂણાવાળી ચોરસ ડિઝાઈન મળશે . આ ડિઝાઈન પહેલાં Galaxy SmartTag 2 કરતાં વધુ કોમ્પેકટ હોઈ શકે છે , જેથી તેને પોકેટ કે બેગમાં રાખવી વધુ સરળ બનશે . જોકે , આ વખતે તેમાં કી - ચેઇન લગાવવા માટે બિલ્ટ-ઈન  હોલ ન હોઈ શકે . એટલે તેનો ઉપયોગ કી સાથે કરવા માટે અલગથી કેસ અથવા એક્સેસરી ખરીદવાની જરૂર પડી શકે છે .

નવા સ્માર્ટ ટેગમાં ગ્રીન કલરની LED રિંગ પણ આપવામાં આવી શકે છે . આ સ્માર્ટફોન સાથે પેરિંગ કરતી વખતે આ LED ચાલુ થશે અને જો ટેગ અંધારામાં પડી ગયો હોય તો તેને શોધવામાં પણ મદદ કરશે . ઉપરાંત તેમાં Bluetooth 6.0 કનેક્ટિવિટી મળવાની શક્યતા છે , જે પહેલાના વર્ઝનની સરખામણીમાં વધુ સારી કનેક્ટિવિટી આપી શકે છે .

બેટરી લાઈફની વાત કરીએ તો  Samsung Galaxy SmartTag 3 એક વખત બેટરી બદલ્યા પછી લગભગ 500 દિવસ સુધી ચાલે તેવી શક્યતા છે . આ ઉપરાંત , તેમાં IP67 અથવા IP68 રેટિંગ મળી શકે છે , જેના કારણે તે ધૂળ અને પાણીથી સુરક્ષિત રહેશે . હાલમાં તેના અન્ય ફીચર્સ વિશે વધુ માહિતી સામે આવી નથી . સેમસંગે પણ હજુ સુધી  Galaxy SmartTag 3ના લોન્ચ અથવા તેના સ્પેસિફિકેશન્સ અંગે કોઈ સત્તાવાર જાહેરાત કરી નથી , પરંતુ આવતા દિવસોમાં વધુ વિગતો સામે આવાવની શક્યતા છે .