iPad Pro ટેબલેટ ભારતમાં લોન્ચ કરાયું

એપલે ભારતમાં iPad Pro ટેબલેટ લોન્ચ કયું છે. આ તેનું પ્રીમિયમ ટેબલેટ M5 ચિપ સાથે આવશે. કંપનીનું આ નવું ટેબલેટ આ મહિનાના અંતમાં વેચાણ માટે ઉપલબ્ધ થશે અને ચાર સ્ટોરેજ કન્ફિગરેશનમાં મળશે. નવા iPad Proના બેઝ મોડેલમાં 11-ઇંચ OLED ડિસ્પ્લે હશે અને તેની જાડાઈ 5.3mm છે. બીજી તરફ, 13-ઇંચનું મોટું મોડેલ 5.1mm સાઇઝમાં આવશે. Cupertino ટેક જાયન્ટે આ સાથે જ અન્ય નવા iPad Pro સાથે, Cupertino ટેક જાયન્ટે તેનું MacBook Pro મોડેલ પણ લોન્ચ કર્યું છે અને તે પણ M5 ચિપથી પણ સજ્જ છે.

ભારતમાં iPad Pro (2025) ની કિંમત

M5 ચિપ સાથે આવતા iPad Pro ની ભારતમાં કિંમત 11-ઇંચ મોડેલ માટે રૂ. 99,990 થી શરૂ થાય છે, જેમાં Wi-Fi કનેક્ટિવિટી છે. Wi-Fi+Cellular વિકલ્પ રૂ. 1,19,900 થી શરૂ થાય છે. 13-ઇંચ મોડેલના Wi-Fi અને Wi-Fi+Cellular વેરિઅન્ટ અનુક્રમે રૂ. 1,29,900 અને રૂ. 1,49,900 થી શરૂ થાય છે. આ પ્રીમિયમ ટેબલેટ માટેના પ્રી-ઓર્ડર શરૂ થઈ ગયા છે અને તે 22 ઓક્ટોબરથી દેશમાં એપલની વેબસાઇટ, ઓફલાઇન એપલ રિટેલ સ્ટોર્સ અને અન્ય રિટેલર્સ દ્વારા વેચાણ માટે ઉપલબ્ધ થશે. તે 256GB, 512GB, 1TB અને 2TB સ્ટોરેજ વિકલ્પોમાં ઉપલબ્ધ થશે. આઈપેડ પ્રો મોડેલમાં સ્પેસ બ્લેક અને સિલ્વર કલર આવશે.

Apple iPad Proના સ્પેસિફિકેશન્સ

Apple iPad Proમાં 10-કોર GPU અને 16-કોર ન્યુરલ એન્જિન છે, જે 16GB સુધીની RAM અને 2TB સુધીની સ્ટોરેજ સાથે જોડાયેલા છે. 256GB અને 512GB સ્ટોરેજ વેરિઅન્ટમાં ત્રણ પર્ફોર્મન્સ કોર સાથે 9-કોર CPU છે, જ્યારે 1TB અને 2TB મોડેલમાં ચાર પર્ફોર્મન્સ કોર સાથે 10-કોર CPU છે.

તે Octane X માં રે ટ્રેસિંગ સાથે 1.5 ગણું ઝડપી 3D રેન્ડરિંગ અને M4 પ્રોસેસર સાથે તેના પુરોગામી કરતા Final Cut Pro માં 1.2 ગણું ઝડપી વીડિયો ટ્રાન્સકોડ પર્ફોર્મન્સ આપે છે. આ ઉપરાંત, તે iPad માટે Draw Things માં 2 ગણું ઝડપી AI ઇમેજ જનરેશન અને iPad માટે DaVinci Resolve માં 2.3 ગણું ઝડપી AI વિડિઓ અપસ્કેલિંગ કરશે. તેમાં C1X સેલ્યુલર મોડેમ પણ છે, જે N1 વાયરલેસ નેટવર્કિંગ ચિપ સાથે જોડાયેલ છે.

તેમાં ૧૩ ઇંચ સુધીનો અલ્ટ્રા રેટિના XDR OLED ડિસ્પ્લે છે જેમાં પ્રોમોશનહર્ટ્ઝ રિફ્રેશ રેટ 120Hz , ટ્રુ ટોન અને 1600 નિટ્સ પીક બ્રાઇટનેસ છે. વધુમાં, તે એડેપ્ટિવ સિંકને સપોર્ટ કરે છે, જે વપરાશકર્તાઓને 120 હર્ટ્ઝ રિફ્રેશ રેટ સાથે બાહ્ય ડિસ્પ્લેનો ઉપયોગ કરવાની મંજૂરી આપે છે.

કનેક્ટિવિટી માટે, M5 ચિપવાળા iPad Proમાં Wi-Fi 7 અને બ્લૂટૂથ 6 સપોર્ટ છે.

M5 પ્રોસેસરવાળા iPad Pro માં પાછળના ભાગમાં f/1.8 અપર્ચર અને 5x ડિજિટલ ઝૂમ ક્ષમતા સાથે 12-મેગાપિક્સલનો મુખ્ય કેમેરા છે. આગળના ભાગમાં, તે f/2.0 અપર્ચર સાથે 12-મેગાપિક્સલનો સેન્ટર સ્ટેજ સેલ્ફી કેમેરા ધરાવે છે. પાછળનો કેમેરા 60 fps સુધી 4K રિઝોલ્યુશન વીડિયો રેકોર્ડ કરી શકે છે. જ્યારે ફ્રન્ટ કેમેરા 60 fps સુધી 1080p રિઝોલ્યુશન વીડિયો શૂટ કરવામાં સક્ષમ છે.

M5 ચિપવાળા iPad Pro ના બેઝ મોડેલમાં 31.29Wh બેટરી છે, જેમાં Wi-Fi પર 10 કલાક સુધી વેબ સર્ફિંગ અથવા વીડિયો જોઈ શકાશે. વધુમાં, M5 ચિપ સાથેનો iPad Pro વૈકલ્પિક USB Type-C પાવર એડેપ્ટર વડે લગભગ 30 મિનિટમાં 50 ટકા સુધી ચાર્જ કરી શકાય છે. 11-inchના મોડેલની સાઈઝ 249.70x177.50x5.30mm અને 13-inch ના મોડલની સાઇઝ 281.60x215.50x5.10mm છે તેમજતેમનું વજન અનુક્રમે 444 ગ્રામ અને 579 ગ્રામ છે.