ગુજરાતમાં ડિજિટલ પેમેન્ટનો વધારો અને કાર્ડ સુરક્ષા માર્ગદર્શિકા

ભારતમાં છેલ્લા કેટલાક વર્ષોમાં ડિજિટલ પેમેન્ટનો ઉપયોગ ઝડપથી વધ્યો છે . સરકારના કેશલેસ ઈકોનોમી અભિયાન બાદ ક્રેડિટ અને ડેબિટ કાર્ડનો ઉપયોગ  સામાન્ય બન્યો છે . ઈ - કોમર્સ વેબસાઈટ્સ અને રિટેલ સ્ટોર્સ દ્રારા મળતા ડિસ્કાઉન્ટ , કેશબેક અને ખાસ ઓફર્સને કારણે પણ કાર્ડ પેમેન્ટ વધુ લોકપ્રિય  બન્યું છે . જોકે , કાર્ડ ખોવાઈ જવું અથવા ચોરી થવી જેવી ઘટનાઓમાં તરત કાર્યવાહી જરૂરી બને છે . લેખમાં કાર્ડ બ્લોક કરવાની તમામ મુખ્ય પદ્ધતિઓ અને સુરક્ષા પગલાં સરળ રીતે સમજાવવામાં આવ્યા છે જેથી યુઝર્સ પોતાના પૈસાને સુરક્ષિત રાખી શકે .

કાર્ડ તરત  બ્લોક કરવું શા માટે જરૂરી ?

• કાર્ડ ખોવાઈ જાય કે ચોરી થઈ જાય તો તેનો ગેરઉપયોગ થઈ શકે છે .
• કાર્ડ નંબર અને CVVની માહિતીથી ઓનલાઈન ટ્રાન્ઝેક્શન શક્ય બને છે .
• PIN માહિતી મળી જાય તો ATM માંથી રોકડ ઉપાડી શકાય છે .
• તમારા નામે ગેરકાયદેસર ખરીદી થઈ શકે છે 
• આર્થિક નુકસાનથી બચવા માટે કાર્ડ તરત બ્લોક કરવું જરૂરી છે .

આજકાલ મોટાભાગની બેંકો મોબાઈલ એપ , ઈન્ટરનેટ બેંકિંગ , SMS અને કસ્ટમર કેર મારફતે કાર્ડ બ્લોક કરવાની સુવિધા આપે છે .

મોબાઈલ બેંકિંગ એપ દ્રારા કાર્ડ કેવી રીતે બ્લોક કરવું ?

• સૌપ્રથમ તમારી બેંકની અધિકૃત મોબાઈલ બેંકિંગ એપમાં લોગ ઈન કરો .
• " Cards " અથવા " Card Services " વિભાગમાં જાઓ .
• જે કાર્ડ બ્લોક કરવું હોય તે પસંદ કરો .
• "Manage Card " , " Support " અથવા સમાન વિકલ્પ પર ક્લિક કરો .
• " Permanent Block and Reissue " અથવા " Disable Card " વિકલ્પ પસંદ કરો .
• જરૂરી માહિતીની પુષ્ટિ કરો .
• આ પ્રક્રિયા પૂર્ણ થયા બાદ કાર્ડ બ્લોક થઈ જશે .
• બેંક તરફથી SMS અથવા ઈમેલ દ્રારા ખાતરી મળશે .

ઈન્ટરનેટ દ્રારા કાર્ડ બ્લોક કરવાની રીત :

• બેંકની સત્તાવાર વેબસાઈટ પર જઈ લોગ ઈન કરો .
• " Cards " અથવા " Card Services " વિભાગ ખોલો .
• સંબંધિત કાર્ડ પસંદ કરો .
• "Manage Cards " અથવા " Support " વિકલ્પ પસંદ કરો 
• "Permanent Block " પર ક્લિક કરો .
• જરૂર હોય તો કાર્ડ બ્લોક કરવાનું કારણ પસંદ કરો 
• વિગતો કન્ફ્રર્મ કર્યા બાદ કાર્ડ બ્લોક થઈ જશે .
• આની સફળ પ્રક્રિયાની જાણ SMS અથવા ઈમેલ દ્રારા કરવામાં આવશે .

SMS દ્રારા કાર્ડ બ્લોક કરવાની રીત :

• બેંકની વેબસાઈટ પરથી અધિકૃત SMS ફોર્મેટ અને નંબર ચકાસો .
• ફોનમાં Messages એપ ખોલો .
• બેંક દ્રારા આપેલ ફોર્મેટ મુજબ મેસેજ તૈયાર કરો .
• કાર્ડના છેલ્લા ચાર અંકો દાખલ કરો .
• મેસેજ બેંકના ટોલ - ફ્રી નંબર પર મોકલો .
• થોડા સમય બાદ કાર્ડ બ્લોક થવાની પુષ્ટિનો સંદેશ મળશે .

ધ્યાનમાં રાખવા જેવી બાબતો :

• કાર્ડ ખોવાઈ જાય કે ચોરી થાય ત્યારે વિલંબ ન કરો .
• શક્ય હોય તો તરત મોબાઈલ એપ અથવા ઈન્ટરનેટ બેંકિંગનો ઉપયોગ કરો .
• કાર્ડ બ્લોક થયા બાદ નવા કાર્ડ માટે રિ - ઈશ્યુની વિનંતી કરી શકાય છે .
• કોઈપણ પ્રક્રિયા માટે માત્ર બેંકના અધિકૃત માધ્યમોનો જ ઉપયોગ કરો .

યોગ્ય સમયે કાર્ડ બ્લોક કરવાથી છેતરપિંડી અને આર્થિક નુકસાનથી બચી શકાય છે . તેથી કાર્ડ ગુમ થાય કે ચોરી થાય તો તરત કાર્યવાહી કરવી સૌથી સુરક્ષિત  વિકલ્પ છે .