PF પર મળશે 8.25% વ્યાજ . UMANG એપથી લઈને SMS સુધી જાણો વ્યાજ ચેક કરવાની સરળ રીત

PF ખાતાધારકો માટે સારા સમાચાર છે . સરકારે નાણાકીય વર્ષ 2025-26 માટે EPF પર 8.25 ટકા વ્યાજ મંજુરી આપી છે . તેનો લાભ 7 કરોડથી વધુ PF ખાતાધારકોને મળશે . જો તમે નોકરી કરો છો અને તમારું PF ખાતું છે , તો તમારા જમા થયેલા ફંડ પર તમને આ વ્યાજનો ફાયદો મળશે . સારી વાત એ છે કે તમે ઘરે બેઠા ઓનલાઈન પણ તમારા PF ખાતામાં જમા થયેલું વ્યાજ ચેક કરી શકો છો .

અહેવાલો મુજબ , આ મહિને PF ખાતામાં વ્યાજ જમા થઈ શકે છે , પરંતુ હજુ સુધી તેની ચોક્કસ તારીખ જાહેર કરવામાં આવી નથી . EPFO જયારે વ્યાજ જમા કરશે , ત્યારે તે તમારા PF બેલેન્સમાં દેખાવા લાગશે . PF ખાતાધારકો UMANG એપ , EPFO Member e- Sewa પોર્ટલ , SMS અને મિસ્ડ કોલ દ્રારા  પોતાના ખાતામાં જમા થયેલું વ્યાજ ચેક કરી શકે છે .

UMANG એપનો ઉપયોગ કરીને વ્યાજ કેવી રીતે તપાસવું :

• સૌથી પહેલા તમારા ફોનમાં " UMANG એપ " ખોલો .
• પછી ઉપર આપેલા " Search Bar " માં EPFO Service પર ક્લિક કરો . 
• ત્યારબાદ " view Passbook " અથવા " Check Balance " વિકલ્પ પસંદ કરો .
• હવે તમારું " Active UAN " નંબર દાખલ કરો અને " Submit " પર ક્લિક કરો .
• ત્યારબાદ તમારી PF Passbook સ્ક્રીન પર દેખાશે , જેમાં તમે વ્યાજની વિગતો જોઈ શકશો .

EPFO સભ્ય ઈ - સેવા પોર્ટલ પર વ્યાજ કેવી રીતે તપાસવું :

• સૌથી પહેલા " EPFO પોર્ટલ " પર જાઓ .
• પછી " For Employees " વિભાગ પર ક્લિક કરો .
• હવે " Member Passbook " વિકલ્પ પસંદ કરો .
• ત્યારબાદ તમારું " UAN અને Password " દાખલ કરો .
• હવે " Captcha " ભરીને " Login " કરો .
• લોગિન થયા પછી તમે તમારા " PF ખાતામાં જમા થયેલું વ્યાજ ચેક કરી શકશો .

SMS દ્રારા વ્યાજ કેવી રીતે ચેક કરવું :

• સૌથી પહેલા ખાતરી કરો કે તમારો " મોબાઈલ નંબર UAN સાથે રજીસ્ટર્ડ " છે .
• પછી 7738299899 નંબર પર " EPFOHOUAN " ફોર્મેટમાં SMS મોકલો .
• ત્યારબાદ તમને તમારા " PF બેલેન્સ અને અન્ય વિગતો " સાથે SMS મળશે .

મિસ્ડ કોલ દ્રારા વ્યાજ કેવી રીતે ચેક કરવું :

• આ સેવા માટે તમારો મોબાઈલ નંબર UAN , આધાર , PAN અને બેંક ખાતા સાથે લિંક હોવો જરૂરી છે .
• ત્યારબાદ 9966044425 નંબર પર મિસ્ડ કોલ આપો .
• થોડા જ સમયમાં તમને PF વિગતો સાથે SMS મળી જશે .