Gmailમાં AI થી ઇમેઇલ લખવું બન્યું વધુ સરળ ,' Help Me Write ' ફીચરનો ઉપયોગ જાણો

Gmail પોતાના યુઝર્સ માટે અનેક સ્માર્ટ AI સુવિધાઓ આપે છે ,જેમ કે ઇમેઇલ લખવાનું કામ વધુ સરળ અને ઝડપી બનાવે છે . આવી જ એક ઉપયોગી સુવિધા " Help Me Write " છે . Google ના જનરેટિવ AI પર આધારિત આ ફીચર માત્ર એક સરળ પ્રોમ્પ્ટના આધારે સંપૂર્ણ ઈમેઈલનો ડ્રાફ્ટ તૈયાર કરી શકે છે . આ ઉપરાંત , જો તમે ઇમેઇલ લખવાનું શરૂ કર્યું હોય , તો તેને વધુ અસરકારક રીતે પૂર્ણ કરવામાં પણ મદદ કરે છે .

આ સુવિધા દ્રારા યુઝર્સ ઈમેઈલનો સ્વર ( Tone ) , લંબાઈ ( Length ) અને ભાષાની સ્પષ્ટતા પણ માત્ર એક ક્લિકમાં બદલી શકે છે . આ કારણે ઓફિશિયલ ઇમેઇલ , ફોલો - અપ  મેસેજ અથવા સામાન્ય નોંધ લખવાનું કામ વધુ સરળ બની જાય છે .

શું છે ' Help Me Write ' ફીચર ?

 ' Help Me Write '   એક AI આધારિત લખવામાં સહાયક છે , જે યુઝર્સને યોગ્ય શબ્દો પસંદ કરવામાં અને ઝડપથી પ્રોફેશનલ ઇમેઇલ તૈયાર કરવામાં મદદ કરે છે . આ ફીચર યુઝર્સના મૂળ વિચાર અને લખાણની શૈલીને જાળવી રાખીને એક મજબૂત ડ્રાફ્ટ તૈયાર કરે છે , જેથી તેઓ મેસેજના મુખ્ય મુદ્દા પર વધુ ધ્યાન આપી શકે .

Google એ આ સુવિધાની જાહેરાત Google I /0 2023 દરમિયાન કરી હતી . હાલમાં તે Gmail ના વેબ વર્ઝન ઉપરાંત Android અને iOS એપમાં પણ ઉપલબ્ધ છે . આ ફીચર નવા ઇમેઇલ તૈયાર કરવા ઉપરાંત પહેલેથી લખાયેલા ડ્રાફ્ટએ વધુ સારો અને અલગ શબ્દોમાં રજૂ કરવાની પણ સુવિધા આપે છે .

 ' Help Me Write '  નો ઉપયોગી કેવી રીતે કરશો ?

• આ ફીચર હાલમાં Google Workspace Labs ટેસ્ટર્સ તેમજ પસંદગીના Workspace અને Gemini પ્લાન ધરાવતા યુઝર્સ માટે ઉપલબ્ધ છે .
• તેનો ઉપયોગ કરવા માટે Gmail નું વેબ વર્ઝન અથવા મોબાઈલ એપ અપડેટેડ હોવી જરૂરી છે .
• Gmail ખોલીને " Compose " વિકલ્પ પર ક્લિક કરો .
• કમ્પોઝ વિન્ડોમાં દેખાતા  ' Help Me Write '  બટનને પસંદ કરો .
• હવે તમારી જરૂરિયાત મુજબનો પ્રોમ્પ્ટ લખો , જેમ કે " મેનેજર સાથે મિટિંગ માટે વ્યસાયિક ઇમેઇલ લખો "
• AI થોડા જ સેકન્ડમાં ઈમેઈલનો ડ્રાફ્ટ તૈયાર કરી આપશે .
• જો તમે પહેલેથી જ ઇમેઇલ લખી રહ્યા હો , તો તેને કમ્પોઝ બોક્સમાં લખો અથવા પેસ્ટ કરો .
• ત્યારબાદ  ' Help Me Write '  પર ક્લિક કરીને Refine વિકલ્પ પસંદ કરો .
• અહીંથી Formalize , Shorten , Elaborate અથવા Rephrase જેવા વિકલ્પોની મદદથી ઈમેઈલને તમારી જરૂરિયાત મુજબ વધુ સુધારી શકો છો .
• જો તૈયાર થયેલો ડ્રાફ્ટ પસંદ ન આવે , તો તેને ફરીથી જનરેટ પણ કરી શકાય છે .
• AI દ્રારા તૈયાર કરાયેલા ડ્રાફ્ટમાં તમે જરૂર મુજબ મેન્યુઅલ ફેરફાર કરી શકો છો .

AI આધારિત  ' Help Me Write '  સુવિધા ઇમેઇલ લખવાની પ્રક્રિયાને વધુ ઝડપી , સરળ અને અસરકારક બનાવે છે .