Gmailની આ ટ્રિકથી ઈમેઈલ પહોંચશે યોગ્ય સમયે , જાણો Schedule Send ફિચરનો સરળ ઉપયોગ

કોઈને ઈમેઈલ મોકલતી વખતે માત્ર સારો મેસેજ લખવો જ પૂરતો નથી પરંતુ તે યોગ્ય સમયે પહોંચે તે પણ એટલું જ મહત્વનું છે . જો ઈમેઈલ ખોટા સમયે મોકલવામાં આવે , તો તે રિસીવ કરનારાના ઈનબોક્સ માં અન્ય મેસેજિસ વચ્ચે દબાઈ શકે છે અને તેનું ધ્યાન ન જાય . આવી સ્થિતિમાં Gmail ની ' Schedule Send ' સુવિધા ખુબ ઉપયોગી સાબિત થાય છે . આ ફીચર દ્રારા તમે ઈમેઈલ તૈયાર કરીને તેને ભવિષ્યમાં ચોક્કસ તારીખ અને સમયે આપમેળે મોકલવા માટે શેડયૂલ કરી શકો છો . આ માટે તે સમયે Gmail પર ઓનલાઈન રહેવાની પણ જરૂર પડતી નથી .

ઈમેઈલ કેવી રીતે શેડયૂલ કરવો :
સૌપ્રથમ તમારા કમ્પ્યુટર કે લેપટોપમાં Gmail ખોલો . ત્યારબાદ ઉપર ડાબી બાજુ આવેલા ' Compose ' વિકલ્પ પર ક્લિક કરીને નવો ઈમેઈલ તૈયાર કરો .

છુપાયેલ મેનૂ શોધો :
ઈમેઈલ લખાઈ જાય પછી , કંપોઝ વિન્ડોની નીચે ડાબી બાજુમાં આવેલા વાદળી કલરના ' Send ' બટનની બાજુમાં દેખાતા નાના ડાઉન એરો પર ક્લિક કરો .

'શેડયૂલ મોકલો ' પર ક્લિક કરો :
ડાઉન  એરો પર ક્લિક કર્યા પછી ' Schedule Send ' વિકલ્પ પસંદ કરો . હવે તમારી અનુકૂળ તારીખ અને સમય પસંદ કરો . Gmail પસંદ કરેલા સમય ઝોન મુજબ નિર્ધારિત સમયે ઈમેઈલ આપમેળે મોકલી દેશે .

શેડયૂલ કરેલા ઈમેઇલ્સ કેવી રીતે જોશો :
તમારા Gmail ના ડાબા સાઈડબારમાં આવેલા 'Scheduled'  ફોલ્ડર પર ક્લિક કરો . અહીં તમને અત્યાર સુધી શેડયૂલ કરેલા તમામ ઈમેઈલ્સ જોવા મળશે .

જો કોઈ ઈમેઈલમાં ફેરફાર કરવો હોય , તો તે ઈમેઈલ ખોલો અને ઉપર જમણી બાજુમાં દેખાતા ' Cancel Send ' વિકલ્પ પર ક્લિક કરો .

ઈમેઈલ કેવી રીતે ફરીથી શેડયૂલ કરવો :
સૌપ્રથમ ઈમેઈલમા જરૂરી ફેરફારો કરો . ત્યારબાદ ' Send ' બટનની બાજુમાં આવેલા ડાઉન એરો પર ક્લિક કરીને ફરીથી ' Schedule Send ' વિકલ્પ પસંદ કરો . હવે નવી તારીખ અને સમય સેટ કરો . Gmail માં એક સમયે વધુમાં વધુ 100 શેડયૂલ કરેલા ઈમેઇલ્સ લાઈનમાં રાખી શકાય છે .

શેડયૂલ કરેલ ઈમેઈલ કેવી રીતે રદ કરવો :
શેડયૂલ કરેલો ઈમેઈલ રદ કરવા માટે ડાબી બાજુના ' Scheduled ' ફોલ્ડરમાં જાઓ અને સંબંધિત ઈમેઈલ ખોલીને ' Cancel Send ' વિકલ્પ પસંદ કરો . ઈમેઈલ રદ કર્યા પછી તે ડિલીટ  થતો નથી , પરંતુ આપમેળે ' Drafts ' ફોલ્ડરમાં પાછો સચવાઈ જાય છે , જેથી તમે લખેલો મેસેજ સુરક્ષિત રહે અને પછીથી તેમાં ફેરફારો કરી શકો .