Google લાવ્યું નવું ફીચર : Gmail ID બદલવી હવે બની સરળ 

મંગળવારે Google એ એક મહત્વપૂર્ણ અપડેટ જાહેર કર્યું છે . જેના દ્રારા હવે યુઝર્સ પોતાનું પ્રાથમિક Gmail સરનામું બદલી શકે છે . અત્યાર સુધી , એકાઉન્ટ બનાવ્યા પછી ઇમેઇલ ID બદલવી શક્ય નહતી , જેના કારણે ઘણા યુઝર્સને મુશ્કેલી પડતી હતી . આ નવી સુવિધા Gmail સાથે સાથે Google Calendar , Photos  અને Drive જેવી તમામ સેવાઓ પર લાગુ પડશે , જેથી એક જ એકાઉન્ટ હેઠળ બધું ડેટા સુરક્ષિત રહેશે . હાલમાં આ ફીચર માત્ર યુ . એસ . માં ઉપલબ્ધ છે , પરંતુ આવનારા સમયમાં અન્ય દેશોમાં પણ આવવાની શક્યતા છે .

આ સુવિધા આવવાની વાત કંપનીએ ડિસેમ્બર 2025માં કરી હતી , પરંતુ હવે તે સત્તાવાર રીતે ફેલાઈ રહ્યું છે .

Gmail સરનામું બદલવાની સમજ 
હવે યુઝર્સ નવું @gmail.com ઇમેઇલ પસંદ કરી શકે છે . જૂનું ઇમેઇલ બંદ નહીં થાય , પરંતુ alias તરીકે કામ કરશે , એટલે જૂના સરનામાં પર આવતા બધા ઇમેઇલ્સ તમને  મળતા રહેશે .

યુઝર્સ વર્ષમાં એક વખત અને કુલ ત્રણ વખત પોતાનું ઇમેઇલ બદલી શકે છે . આ પ્રકિયા દરમિયાન ઇમેઇલ્સ , ફોટા , ફાઈલો અને કોન્ટેક્ટ્સ સહિતનું બધું ડેટા  સુરક્ષિત રહેશે . જરૂર પડે તો યુઝર્સ પાછા જુના ઇમેઇલ પર પણ જઈ શકે છે .

શું બદલાશે નહી?

• બધા કોન્ટેક્ટ્સ અને ફાઈલો યથાવત રહેશે 
• YouTube , Maps અને Drive જેવી સેવાઓમાં ઍક્સેસ ચાલુ રહેશે 
• સબ્સ્ક્રિપ્શન અને ખરીદીમાં કોઈ ફેરફાર નહીં થાય 

કોને ફાયદો થશે ?
આ ફીચર ખાસ કરીને લાંબા સમયથી Gmail વાપરતા યુઝર્સ માટે ઉપયોગી છે , જેમને જૂનું અથવા અનપ્રોફેશનલ ઇમેઇલ બદલવું હોય .

Gmail સરનામું બદલવાની રીત :

• myaccount.google.com પર જાઓ 
• "Personal info " પસંદ કરો 
• "Email " પર ટેપ કરો 
• "Google Account email " ખોલો 
• "change email " પસંદ કરો 
• નવું ઇમેઇલ દાખલ કરીને કન્ફ્રર્મ કરો