EPFO 3.0 હેઠળ ઉપાડ પ્રક્રિયા બની વધુ સરળ અને ઝડપી 

પ્રોવિડન્ડ ફંડ ( PF ) માંથી પૈસા ઉપાડવાની પ્રક્રિયા હવે પહેલા કરતાં ઘણી સરળ બની ગઈ છે . કર્મચારી ભવિષ્ય નિધિ સંગઠન ( EPFO ) એ નવા EPFO 3.0  ફ્રેમવર્ક હેઠળ ડિજિટલ ક્લેમ સિસ્ટમ  શરૂ કરી છે , જેના કારણે હવે ઘણા યુઝર્સ એમ્પ્લોયરની મંજૂરી વગર જ ઓનલાઇન PF ક્લેમ કરી શકે છે . જો UAN , આધાર , PAN અને બેંક વિગતો યોગ્ય રીતે લિંક અને વેરિફાઇડ હોય તો OTP આધારિત વેરિફિકેશન દ્રારા સીધો  ક્લેમ સબમિટ કરી શકાય છે .

એમ્પ્લોયરની મંજૂરી વગર કોણ  ક્લેમ કરી શકે ?

EPFO હવે એવા યુઝર્સને ઓનલાઇન PF ઉપાડવાની મંજૂરી આપે છે , જેમની KYC વિગતો પૂરી રીતે વેરિફાઈડ છે . પહેલાના મોટાભાગના PF ક્લેમ માટે   એમ્પ્લોયરની મંજૂરી ફરજિયાત હતી , જેના કારણે પ્રક્રિયામાં લાંબી કે વિલંબ બનતી . હવે આધાર - લિંક્ડ OTP સિસ્ટમથી સીધી વેરિફિકેશન શક્ય  બની છે .

ઓનલાઇન PF ક્લેમ માટે જરૂરી બાબતો :

તમારું ઓનલાઇન PF ક્લેમ માટે આ નીચે પેકી  બાબતો જરૂરી છે ,

• તમારું UAN સક્રિય હોવો જરૂરી છે 
• આધાર , PAN અને બેંક ખાતું UAN સાથે લિંક અને વેરિફાઈડ હોવું જોઈએ 
• આધાર સાથે જોડાયેલ મોબાઈલ નંબર સક્રિય હોવો જોઈએ 
• KYC અધૂરી હોય તો નોકરીદાતાની મંજૂરી હજુ પણ જરૂરી બની શકે 
• નોકરી છોડ્યા બાદ સંપૂર્ણ PF ઉપાડ માટે Exit Date EPFO પોર્ટલ પર અપડેટ હોવી જરૂરી 

EPFO ક્યા પ્રકારના ઓનલાઈન ક્લેમ સ્વીકારે છે ?

• Form 19 દ્રારા સંપૂર્ણ PF ઉપાડ 
• Form 10C દ્રારા પેન્શન  ઉપાડ 
• Form 31 દ્રારા આંશિક PF ઉપાડ 

આંશિક PF ઉપાડ તબીબી સારવાર , ઉચ્ચ શિક્ષણ , લગ્ન , ઘર ખરીદી , હોમ લોન ચુકવણી અથવા ઘર રિનોવેશન જેવા હેતુઓ માટે કરી શકાય છે .

ઓનલાઇન PF ક્લેમ કરવાની સ્ટેપ - બાય - સ્ટેપ પ્રક્રિયા :

• EPFO Member Portal પર જઈ UAN સક્રિય કરો 
• KYC વિભાગમાં આધાર , PAN અને બેંક વિગતો અપડેટ અને વેરિફાઈડ છે કે નહીં તે તપાસો 
• EPFO Member e - Sewa Portal પર UAN અને પાસવર્ડથી લોગિન કરો 
• Manage વિભાગમાં જઈ KYC વિગતો મંજુર છે કે નહીં તે ચકાસો 
• Online Services > Claim વિકલ્પ પસંદ કરો 
• સંપૂર્ણ PF , પેન્શન અથવા આંશિક PF ઉપાડમાંથી યોગ્ય વિકલ્પ પસંદ કરો 
• આધાર - લિંક્ડ મોબાઈલ નંબર પર મળેલ OTP દાખલ કરો 
• ક્લેમ સબમિટ થયા બાદ Track Claim Status દ્રારા સ્થિતિ તપાસી શકાય છે .