EPFO સભ્યો માટે ઉપયોગી માહિતી :UMANG એપ દ્રારા સરળતાથી મેળવો તમારો UAN

જો તમે કોઈ ખાનગી અથવા સરકારી નોકરીમાં કામ કરો છો અને તમારા પગારમાંથી PF માટે ફાળો કપાય છે , તો UAN એટલે કે યુનિવર્સલ  એકાઉન્ટ નંબર તમારા માટે ખુબ જ મહત્વપૂર્ણ છે . EPFO ની જુદી જુદી સેવાઓ જેમ કે PF બેલેન્સ ચેક કરવું , પાસબુક ડાઉનલોડ કરવી , PF ક્લેમ દાખલ કરવો અથવા ક્લેમની સ્થિતિ તપાસવા માટે UAN જરૂરી હોય છે . જોકે , ઘણા કર્મચારીઓ સમય જતા પોતાનો UAN ભૂલી જાય છે અને તેને મેળવવા માટે HR વિભાગ અથવા EPFO ઓફિસનો સંપર્ક કરવો પડે છે . પરંતુ હવે UMANG એપની મદદથી તમે ઘરે બેઠા તમારો UAN સરળતાથી જાણી શકો છો .

UAN શું છે ?

UAN એ EPFO દ્રારા કર્મચારીઓને આપવામાં આવતો 12 અંકનો એક વિશિષ્ટ નંબર છે . કર્મચારી નોકરી બદલતો હોય તો પણ તેનો UAN નંબર બદલાતો નથી . આ નંબર વ્યક્તિના વિવિધ PF ખાતાઓને એક જ પ્લેટફોર્મ પર જોડવાનું કામ કરે છે .

UAN શોધવા માટે શું જરૂરી છે ?

તમારો UAN શોધતા પહેલા તમારી પાસે કેટલીક જરૂરી માહિતી હોવી જોઈએ . તેમાં આધાર નંબર , PAN નંબર અથવા સભ્ય ID માંથી કોઈ એક માહિતી હોવી જરૂરી છે . ઉપરાંત EPFOમાં નોંધાયેલ મોબાઈલ નંબર પણ તમારી પાસે સક્રિય હોવો જોઈએ , કારણ કે OTP દ્રારા ચકાસણી કરવામાં આવશે .

UMANG એપનો ઉપયોગ કરીને તમારો UAN કેવી રીતે શોધવો ?

સ્ટેપ 1: તમારા સ્માર્ટફોનમાં UMANG એપ ખોલો અને લોગિન કરો . જો એકાઉન્ટ ન હોય તો પહેલા રજિસ્ટ્રેશન પૂર્ણ કરો .

સ્ટેપ 2 :એપના સર્ચ બોક્સમાં ' EPFO ' લખો અને EPFO સેવાઓ વિભાગમાં જાઓ .

સ્ટેપ 3 : અહીં ' Know Your UAN ' અથવા ' તમારા UAN ને જાણો ' વિકલ્પ પસંદ કરો .

સ્ટેપ 4 :તમારો EPFO માં નોંધાયેલ મોબાઈલ નંબર દાખલ કરો અને OTP દ્રારા તેની ચકાસણી કરો .

સ્ટેપ 5: હવે આધાર નંબર , PAN નંબર અથવા સભ્ય ID જેવી જરૂરી વિગતો દાખલ કરો .

સ્ટેપ 6 : વિગતો સફળતાપૂર્વક ચકાસાઈ ગયા પછી તમારો UAN સ્ક્રીન પર દેખાશે .

UAN મેળવ્યા પછી તમે શું કરી શકો છો ?

UAN મળ્યા બાદ તમે PF બેલેન્સ ચેક કરી શકો છો , EPF પાસબુક ડાઉનલોડ કરી શકો છો , PF ક્લેમની સ્થિતિ જાણી શકો છો , ઓનલાઈન ક્લેમ ફાઈલ કરી શકો છો તેમજ KYC વિગતો અપડેટ કરી શકો છો . 

નોંધ :

જો તમારો મોબાઈલ નંબર EPFOના રેકોર્ડમાં અપડેટ ન હોય , તો UAN મેળવવામાં મુશ્કેલી આવી શકે છે . આવી સ્થિતિમાં તમે તમારા HR વિભાગનો સંપર્ક કરી શકો છો અથવા EPFO હેલ્પલાઈન નંબર 14470 પર મદદ મેળવી શકો છો .