શાળા કે બોર્ડ ઓફિસ જવાની જરૂર નહીં ! UMANG અને DigiLockerથી મેળવો તમારી માર્કશીટ

જો તમારી ધોરણ 10 કે 12 ની માર્કશીટ ખોવાઈ ગઈ હોય અથવા તમને તેની ડિજિટલ કોપીની જરૂર હોય , તો હવે શાળા કે બોર્ડની ઓફિસના ચક્કર  લગાવવાની જરૂર નથી . સરકારની UMANG એપ દ્રારા તમે જુદા જુદા શિક્ષણ બોર્ડની માર્કશીટ અને અન્ય બીજા દસ્તાવેજો ઓનલાઈન મેળવી શકો છો . UMANG એપ DigiLocker સાથે સંકલિત હોવાથી યુઝર્સ સરળતાથી તેમના ડિજિટલ દસ્તાવેજો જોઈ અને ડાઉનલોડ કરી શકે છે .

UMANG એપ પરથી માર્કશીટ ડાઉનલોડ કરવા માટે શું જરૂરી છે ?

માર્કશીટ ડાઉનલોડ કરતા પહેલા કેટલીક જરૂરી વિગતો તમારી પાસે હોવી જોઈએ . તેમાં UMANG એપ સાથે નોંધાયેલ મોબાઈલ નંબર , DigiLocker એકાઉન્ટ ( જો પહેલેથી ન હોય તો તેને બનાવી શકાય છે ) અને બોર્ડ પરીક્ષાનો રોલ નંબર સામેલ છે . કેટલાક કિસ્સાઓમાં શાળા નંબર , એડમિટ કાર્ડ ID અથવા પરીક્ષાનું વર્ષ જેવી વધારાની માહિતી પણ જરૂરી બની શકે છે .

UMANG એપનો ઉપયોગ કરીને ધોરણ 10 અને 12 ની માર્કશીટ કેવી રીતે ડાઉનલોડ કરવી ?

સ્ટેપ 1: તમારા સ્માર્ટફોનમાં UMANG એપ ખોલો અને લોગિન કરો . જો તમારું એકાઉન્ટ ન હોય તો મોબાઈલ નંબર દ્રારા નોંધણી કરો .

સ્ટેપ 2: એપના સર્ચ બોક્સમાં ' DigiLocker ' અથવા તમારા શિક્ષણ બોર્ડનું નામ , જેમ કે ' CBSE ' શોધો .

સ્ટેપ 3: DigiLocker સેવા પસંદ કરો અને જરૂરી હોય તો તમારા DigiLocker એકાઉન્ટને UMANG એપ સાથે લિંક કરો .

સ્ટેપ 4: ' Education ' વિભાગમાં જઈને માર્કશીટ અથવા પ્રમાણપત્ર સંબંધિત સેવા પસંદ કરો .

સ્ટેપ 5: હવે તમારો રોલ નંબર , પરીક્ષાનું વર્ષ , શાળા નંબર અથવા માંગવામાં આવેલી અન્ય વિગતો દાખલ કરો .

સ્ટેપ 6: માહિતી સફળતાપૂર્વક ચકાસાઈ ગયા બાદ તમારી ડિજિટલ માર્કશીટ સ્ક્રીન પર દેખાશે .

સ્ટેપ 7:ત્યારબાદ તમે માર્કશીટને PDF ફોર્મેટમાં ડાઉનલોડ કરી શકો છો અથવા DigiLockerમાં સેવ કરી શકો છો .

ક્યાં બોડની માર્કશીટ ઉપલબ્ધ છે ?

CBSE સહિત દેશના અનેક શિક્ષણ બોર્ડ DigiLocker અને UMANG પ્લેટફોર્મ મારફતે ડિજિટલ માર્કશીટ અને પ્રમાણપત્રો ઉપલબ્ધ છે .

શું ડિજિટલ માર્કશીટ માન્ય છે ?

DigiLocker દ્રારા જારી કરવામાં આવેલી માર્કશીટ અને પ્રમાણપત્રોને કાનૂની રીતે માન્ય ડિજિટલ દસ્તાવેજો તરીકે સ્વીકારવામાં આવે છે . તેનો ઉપયોગ જુદા જુદા શૈક્ષણિત સંસ્થાઓ , નોકરીની પ્રક્રિયાઓ અને સરકારી સેવાઓ માટે થઈ શકે છે . તેમ છતાં , જરૂર પડયે વિધાર્થીઓ મૂળ હાર્ડ કોપી શાળા અથવા બોર્ડની ઓફિસમાંથી મેળવી શકે છે .