એરટેલ દ્વારા ચૂપચાપ તેનો રૂ. 189નો પ્લાન રદ કરાયો

ભારતી એરટેલે તેનો રૂ. 189નો વોઇસ-ઓન્લી પ્રીપેડ પ્લાન બંધ કરી દેતા હવે તેનો રૂ. 199 ના મૂલ્યનો પ્લાન જ લઘત્તમ રિચાર્જ ધરાવતો પ્લાન બન્યો છે. આ અંગે એરટેલ દ્વારા કોઈ સત્તાવાર જાહેરાત કરવામાં આવી નથી.
બંધ કરાયેલો પ્લાન એવા વપરાશકર્તાઓમાં લોકપ્રિય હતો જેઓ મુખ્યત્વે વોઇસ કોલ પર આધાર રાખતા હતા, વરિષ્ઠ નાગરિકો અને મર્યાદિત ડેટા જરૂરિયાતો ધરાવતા ગ્રામીણ ગ્રાહકો તેમાં મુખ્ય હતા. આ ફેરફાર સાથે, એરટેલના એન્ટ્રી-લેવલ પ્લાનમાં હવે ડેટા અને ડિજિટલ લાભોનો સમાવેશ થાય છે, જે સરળ કોલિંગ સેવાઓ મેળવવા માંગતા ગ્રાહકો માટે માસિક ખર્ચમાં વધારો કરે છે.આ પગલું ડેટા-કેન્દ્રિત ઓફરિંગ તરફના પરિવર્તનનો સંકેત આપે છે, જે ભારતના ટેલિકોમ માર્કેટમાં વ્યાપક વલણ સાથે સુસંગત છે.

એરટેલમાં લઘુતમ રિચાર્જ પ્લાનનું મૂલ્ય રૂ. 199

એરટેલે ચૂપચાપ રૂ. 189નો પ્લાન રદ કર્યો હોવાથી તેનું રિચાર્જ વાપરતા લોકો માટે લઘુતમ રીચાર્જ રૂ. 199 નું કરાવવાનું રહેશે. કંપનીની વેબસાઇટ હવે નવા રૂ. 199 ના પ્લાનને નવા ન્યૂનતમ રિચાર્જ વિકલ્પ તરીકે દર્શાવે છે, જે અગાઉના રૂ. 189 ના વોઇસ-ઓન્લી પ્લાનને બદલે છે.

રૂ. 189ના પ્લાનમાં બધા નેટવર્ક પર અમર્યાદિત કોલિંગની સુવિધા આપવામાં આવી હતી અને તે એવા લોકો માટે બનાવવામાં આવ્યો હતો જેઓ નિયમિતપણે મોબાઇલ ડેટાનો ઉપયોગ કરતા ન હતા. આ પ્લાન દૂર થયા પછી, જે ગ્રાહકોને ફક્ત વૉઇસ સેવાઓની જરૂર હોય છે તેમને હવે વધુ ખર્ચ કરવો પડશે, ભલે તેઓ ડેટા અથવા અન્ય ડિજિટલ સુવિધાઓનો ઉપયોગ ન કરતા હોય. રૂ. 199ના પ્લાનમાં, જે હવે એન્ટ્રી-લેવલ રિચાર્જ તરીકે આવે છે, તેમાં ડેટા અને વધારાના લાભો બંનેનો સમાવેશ થાય છે જે બધા વપરાશકર્તાઓ માટે સુસંગત ના પણ હોય.

નવા બેઝ પ્લાનમાં એરટેલ પ્રીપેડ યુઝર્સને 28 દિવસ માટે અમર્યાદિત વોઇસ કોલ, 100 એસએમએસ પ્રતિ દિવસ અને 2 જીબી ડેટા મળે છે. ડેટા લિમિટનો ઉપયોગ થઈ ગયા પછી, ગ્રાહકો પાસેથી 50 પૈસા/એમબી ચાર્જ લેવામાં આવશે. એરટેલે આ પ્લાન સાથે મફત હેલો ટ્યુન્સ અને પર્પ્લેક્સિટી પ્રો એઆઈ ટૂલનું ૧૨ મહિનાનું સબ્સ્ક્રિપ્શન પણ ઉમેર્યું છે. જે કેટલાક લોકોને આકર્ષિત કરી શકે છે, પરંતુ તે એવા લોકો માટે બહુ ઓછું મૂલ્ય આપે છે જેમને ફક્ત વોઇસ કોલ માટે ઓછી કિંમતના પ્લાનની જરૂર હોય છે.

આ પરિવર્તન ભારતના ટેલિકોમ બજારમાં સ્માર્ટફોનના વપરાશ અંગેની આદત દર્શાવે છે. જેમ વધુ લોકો ઓનલાઇન થઈ રહ્યા છે તેમ તેમ ઓપરેટરો નવી ઉપયોગની આદતોને અનુરૂપ તેમની ઓફરમાં બદલાવ લાવી રહ્યા છે.