એપલના પ્રથમ ફોલ્ડેબલ iPhone વિશે નવા લીક્સ :1TB સુધી સ્ટોરેજ અને પ્રીમિયમ કિંમતની સંભાવના

તાજેતરમાં એપલનો પહેલો ફોલ્ડેબલ iPhone  ના અનેક લીક્સ સામે આવ્યા છે . જેમાં આ ફોનની સંભવિત કિંમત અને સ્ટોરેજ વિકલ્પો વિશેની વિગતોનો સંકેત આપવામાં આવ્યા છે .અત્યાર સુધીના અહેવાલો મુજબ આ iPhone Fold તરીકે ઓળખવામાં આવે છે પરંતુ નવા લીક્સ પ્રમાણે કંપની આને નવા નામે લોન્ચ કરી શકે છે .  સસ્તા iPhone 17e ના લોન્ચ પછી એપલના પ્રીમિયમ મોડેલ્સ પર વધુ ધ્યાન અપાયો છે . જોકે કંપનીએ હજુ સુધી કોઈ પણ સત્તાવાર  પુષ્ટિ કરી નથી , પરંતુ અહેવાલો મુજબ તે સપ્ટેમ્બર મહિનામાં રજૂ થઇ શકે છે .

'iPhone Ultra ' ની સંભવિત કિંમત :

ચીનના ટિપસ્ટરે Weibo પર શેર કરાયેલા પોસ્ટ મુજબ ,Appleનો ફોલ્ડેબલ iPhone ચીનમાં ત્રણ સ્ટોરેજ વેરિઅન્ટમાં આવી શકે છે .તેમાં 256GB વેરિઅન્ટ કિંમત CNY 15,999(લગભગ  2,14,400 રૂપિયા), 512GB મોડેલની કિંમત CNY 17,999(લગભગ 2,41,100 રૂપિયા ) અને 1TB મોડેલની કિંમત CNY 19,999(લગભગ 2,67,900 રૂપિયા )હોઈ શકે છે . અત્યારના વિનિમય દર પ્રમાણે આ કિંમતો લગભગ $2,330, $2,621 અને $2,913 જેટલી થાય છે .

આ પ્રકારના ભાવમાં તફાવત હોવાના કારણે  કેટલાકનું માનવું છે કે ફોલ્ડેબલ iPhoneની શરૂઆતની કિંમત લગભગ $1,999( લગભગ 1,84,700 રૂપિયા ) હોઈ શકે છે . 512GB અને 1TB મોડેલની કિંમત લગભગ $2,199 અને $2,399 સુધી જઈ શકે છે .

'iPhone Fold ' બદલે ' iPhone Ultra '
Weibo પર એક અન્ય ટિપસ્ટર Whylab એ દાવો કર્યો છે કે એપલ આ iPhone Fold  બદલે  iPhone Ultra નામથી રજૂ કરી શકે છે . Apple Watch Ultra અને  M સિરીઝ ચીપના Ultra વર્ઝન સાથે સુસંગત માનવામાં આવે છે .

તે જ ટિપસ્ટરે  અનુમાન બતાવ્યો છે કે આ ફોનની શરૂઆતની કિંમત CNY 10,000( લગભગ 1,34,100 રૂપિયા ) જેટલી ઓછી પણ હોઈ શકે છે , પરંતુ આ  અન્ય લીક્સ સાથે મેળ ખાતો નથી.

મેમરી:
એક બીજા અહેવાલ મુજબ દક્ષિણ કોરિયન કંપની Samsung આ ફોલ્ડેબલ iPhone માટે 12GB RAM મોડયુલ સપ્લાય કરી શકે છે.જો આ સાચું સાબિત થાય તો  તે આવનારા અન્ય એપલ સ્માર્ટફોન જેમ કે iPhone Air અને iPhone 17 pro સાથે સમાન મેમરી હશે .