iQOO Neo 11માં સ્નેપડ્રેગન 8 એલીટ પ્રોસેસર હોઈ શકે છે, 7,500mAh બેટરી હોઈ શકે છે

iQOO દ્વારા ટૂંક સમયમાં નીઓ 11 લોન્ચ કરવામાં આવે તેવું લાગી રહ્યું છે. ચાઇનિઝ મલ્ટીનેશનલ કંપની વિવોની સબ બ્રાન્ડ iQOOએ હજુ સુધી નવા Neo સિરીઝના લોન્ચ અંગે માહિતી જાહેર કરી નથી. પરંતુ પહેલા તે ચીનમાં લોન્ચ થશે અને ત્યારબાદ વૈશ્વિક સ્તરે તે રજૂ થઈ શકે છે. નવા લોન્ચ થનારા સ્માર્ટફોનમાં Neo 10 સ્માર્ટફોનમાં અનેક અપગ્રેડ કરવામાં આવ્યા હોઈ શકે છે. તેમાં, સ્નેપડ્રેગન 8 એલીટ હોવાનું કહેવાય છે. તેમજ તેમાં 2K રિઝોલ્યુશન ડિસ્પ્લે અને અલ્ટ્રાસોનિક ઇન-ડિસ્પ્લે ફિંગરપ્રિન્ટ સ્કેનર જેવા ફિચર હોવાની ધારણા છે.iQOO Neo 11ના અંદાજિત સ્પેસિફિકેશન્સ,iQOO Neo 11 સ્માર્ટફોન 7,500mAh બેટરીથી સજ્જ રહી શકે છે. વેઈબો પર એક ટિપસ્ટર દ્વારા આપવામાં આવેલી માહિતી મુજબ iQOO 15 જેવું જ 'મોન્સ્ટર સુપરકોર એન્જિન' હશે, જે ગેમ દરમિયાન ફ્રેમ રેટમાં સુધારો દર્શાવશે. તેનું બોડી પ્રમિયમ હશે તેમજ તેની કાર્યક્ષમતામાં પણ નોંધપાત્ર સુધારો જોવા મળશે. તેમાં Snapdragon 8 Elite પ્રોસેસર આપવામાં આવ્યું છે. જે તાજેતરમાં ક્વોલકોમ દ્વારા લોન્ચ કરાયેલા સ્નેપડ્રેગન 8 એલીટ જનરલ 5 પહેલા રજૂ કરાયું હતું.

iQOO Neo 11 ક્યારે રજૂ થઈ શકે

iQOO Neo 11 લગભગ નવેમ્બર અથવા ડિસેમ્બરમાં ચીનમાં iQOO Neo 11 Pro સાથે લોન્ચ થઈ શકે છે. Neo 11 અને Neo 11 Pro બંનેમાં 6.8 ઇંચથી મોટો ડિસ્પ્લે, મેટલ ફ્રેમ અને 100W વાયર્ડ ચાર્જિંગ સપોર્ટ હશે. બંને ફોન એન્ડ્રોઇડ 16 પર ઓરિજિન OS 6 સાથે ચાલી શકે છે. Pro મોડેલમાં ડાયમેન્સિટી 9500 ચિપસેટનો ઉપયોગ થવાની ધારણા છે.

ગયા વર્ષે કંપની દ્વારા iQOO Neo 10 રજૂ કરવામાં આવ્યો હતો. જેમાં, 6.78-ઇંચ (1,260×2,800 પિક્સેલ્સ) 8T LTPO AMOLED કર્વ્ડ ડિસ્પ્લે આપવામાં આવ્યો છે. 6,100mAh બેટરી અને 120W વાયર્ડ ફાસ્ટ ચાર્જિંગ કરી શકાય છે. તેના કેમેરા જોઈએ તો, 50 મેગાપિક્સલ ડ્યુઅલ રીઅર કેમેરા આપવામાં આવ્યા છે. આ ઉપરાંત સેલ્ફી અને વીડિયોકોલિંગ માટે તેમાં 16 મેગાપિક્સલ કેમેરા આપવામાં આવ્યો છે. આ સ્માર્ટફોન ગયા વર્ષે નવેમ્બરમાં ચીનમાં લોન્ચ કરવામાં આવ્યો હતો. તેમાં, Snapdragon 8 Gen 3 પ્રોસેસર અને ગેમિંગ માટે કંપની દ્વારા જે વિકસાવાયેલી Q2 ચિપ આપવામાં આવી છે.

ભારતમાં, iQOO Neo 10 આ વર્ષે મે મહિનામાં આવ્યો હતો અને તેમાં સ્નેપડ્રેગન 8s જેન 4 પ્રોસેસર આપવામાં આવ્યું છે. તેના 8 GB રેમ અને 12GB સ્ટોરેજ ધરાવતા ફોનની કિંમત રૂ. 31,999 કિંમત હતી. તેમાં, 32 મગાપિક્સલના ફ્રન્ટ કેમેરા આપવામાં આવ્યા છે. ફોન 7000 mAh બેટરીથી સજ્જ છે અને 120w ફાસ્ટ ચાર્જિંગને સપોર્ટ કરે છે.