ફ્લિપકાર્ટ માઈક્રોસાઇટ લાઈવ : નવો મોટોરોલા ફોન એપ્રિલ લોન્ચ તરફ સંકેત

હાલના એક સર્ટિફિકેશન વેબસાઈટ પર દેખાવા મળેલા સંકેતો બાદ , મોટોરોલા હવે તેના નવા સ્માર્ટફોનના ભારતમાં લોન્ચ માટે તૈયારી કરી રહ્યું છે . આ વાત માનવામાં  આવે છે કે આ ડિવાઈસ મોટોરોલા એજ 70 પ્રો સિરીઝનો ભાગ હોઈ શકે છે , જોકે કંપનીએ હજુ સુધી નામની સત્તાવાર પુષ્ટિ કરી નથી . આ વચ્ચે ઈ  - કોમર્સ પ્લેટફોર્મ ફિલ્પકાર્ટ પર ફોન માટે માઈક્રોસાઇટ લાઈવ થઈ ગઈ છે  જેમાં ડિઝાઈન અને કલર વિકલ્પોની ઝલક જોવા મળે છે , જે લોન્ચ નજીક હોવાનો સંકેત આપે છે .  મોટોરોલા સ્માર્ટફોન બ્લુ , ગ્રીન અને વ્હાઈટ    કલરમાં ઉપલબ્ધ થઈ શકે છે .

માઈક્રોસાઈટ પર ફોનના ડિઝાઇન અને કલર વિકલ્પો જોવા મળે છે . આ નવા આવનારો મોટોરોલા સ્માર્ટફોન બ્લુ , ગ્રીન અને વ્હાઈટ    કલરમાં ઉપલબ્ધ થઈ શકે છે . આમાં " ટેઈલર્ડ  - ફેબ્રિક " , " સેટિન - લક્સ " અને " માર્બલ " જેવા અનોખો ફિનિશ આપવામાં આવશે , જે તેને પ્રીમિયમ લુક આપશે . 

ડિઝાઈનની વાત કરીએ તો , આ ફોનમાં ચોરસ આકારના કેમેરા મોડયુલ સાથે ટ્રિપલ રિયર કેમેરા સેટઅપ હોવાની શક્યતા છે .

આ નવી માહિતી પહેલાના લીક થયેલા માર્કેટિંગ મટિરિયલ અને CAD રેન્ડર્સ સાથે મળતી દેખાય છે , જેના કારણે માનવામાં આવે છે કે ખરેખર એજ 70 પ્રો સિરીઝનો  જ ફોન હોઈ શકે છે . તેમ છતાં , જ્યાર સુધી કંપની તરફથી કોઈ સત્તાવાર જાહેરાત ન થાય ત્યાં સુધી આ માહિતી સાચી ન ગણાય .

માઈક્રોસાઇટના URLમાં " Moto Coming Soon April 26" લખેલ જોવા મળે છે , જે સંકેત આપે છે કે 26 એપ્રિલે ફોન વિશે વધુ માહિતી જાહેર થઈ શકે છે , જોકે આ તારીખ  માત્ર ટીઝર પણ હોઈ શકે છે અને તેની લોન્ચ તારીખ બીજી પણ હોઈ શકે છે .

ફીચર્સની વાત કરીએ તો , આ ફોનમાં વક્ર ડિસ્પ્લે અને સેલ્ફી કેમેરા માટે હોલ - પંચ કટઆઉટ હોવાની અપેક્ષા છે . સાથે જ ડિવાઈસના ડાબા ભાગમાં પાવર અને વોલ્યુમ બટન આપવામાં આવશે , જયારે જમણી બાજુએ એક વધારાનો બટન પણ હોઈ શકે છે , જેના ઉપયોગ વિશે હજી સ્પષ્ટતા નથી . આગામી દિવસોમાં  કંપની દ્રારા વધુ સ્પષ્ટ માહિતી અને સ્પેસિફિકેશન જાહેર થવાની શક્યતા છે .