એપલનો પહેલો ફોલ્ડેબલ iPhone 2026માં iPhone 18 પ્રો સાથે લોન્ચ થવાની સંભાવના

Apple નો પહેલો ફોલ્ડેબલ સ્માર્ટફોન , જેને બીજી રીતે " iPhone Fold " તરીકે ઓળખવામાં આવે છે , તેના લોન્ચ અંગે લાંબા સમયથી ચર્ચા ચાલી રહી છે  . નવી મળતી માહિતી મુજબ , આ હેન્ડસેટ 2026 માં રજૂ થવાની અપેક્ષા છે , જોકે કેટલાક અહેવાલોમાં ટેક્નિકલ મુશ્કેલીઓના કારણે મોડું થવાની સંભાવના  પણ દર્શવવામાં  આવી હતી . છતાં વિશ્વસનીય સૂત્રો હવે સૂચવે છે કે કંપની તેની સમયરેખા મુજબ જ આગળ વધી રહી છે .  શરૂઆતમાં સપ્લાય મર્યાદિત રહેશે પરંતુ લોન્ચ બાદ ટૂંક સમયમાં  વેચાણ શરૂ થવાની શક્યતા છે .

માર્ક ગુરમાન એ તેના Power On ન્યૂઝલેટરમાં જણાવ્યું છે કે Apple હાલ iPhone Fold ના વિકાસમાં કોઈ મોટી તકલીફનો સામનો કરી રહી નથી .તેમના મુજબ  , કંપની સપ્ટેમ્બર 2026 ના શરૂઆતના ભાગમાં આ ડિવાઈસની જાહેરાત કરવા માટે તૈયાર છે . આ લોન્ચ સંભવિત રીતે iPhone 18 Pro અને   iPhone 18 Pro Max સાથે થશે , જયારે સામાન્ય  iPhone 18 મોડલનું લોન્ચિંગ 2027 ની શરૂઆત સુધી લંબાવી શકાય છે .

iPhone Fold માટે શરૂઆતની સપ્લાય મર્યાદિત રહેવાની સંભાવના છે , Apple હજુ  પણ તેને તેના અન્ય ફ્લેગશિપ મોડેલો જેવી જ રીતે બજારમાં લાવવાની યોજના ધરાવે છે . કંપનીનું લક્ષ્ય છે કે લોન્ચ પછી ખુબ જ ટૂંકા સમયમાં આ ડિવાઈસ વેચાણ માટે ઉપલબ્ધ બને .

આ વાતે વધારે તે સમયે જોર મુકાયો હતો જયારે Nikkei Asia એ અહેવાલ આપ્યો હતો કે Apple તેના ફોલ્ડેબલ iPhone માટે એન્જિનિયરિંગમાં કેટલીક મુશ્કેલીઓ આવી રહી છે . ખાસ કરીને શરૂઆતના ટેસ્ટિંગ દરમિયાન ડિઝાઈન અને ટકાઉપણા સંબંધિત સમસ્યાઓ જોવા મળી હતી . અહેવાલ મુજબ આ કારણોસર ઉત્પાદન અને લોન્ચમાં થોડો વિલંબ થઈ શકે છે .

તેમ છતાં Apple તેના સપ્લાયર્સ સાથે વાત કરીને આ મુશ્કેલીઓનું સમાધાન લાવવા માટે લાગેલું છે . હાલની રિપોર્ટ્સ સૂચવે છે કે Foxconn એ આ ફોલ્ડેબલ iPhone નું ટ્રાયલ પ્રોડક્શન શરૂ કરી દીધું છે .

આ ફોનને ઉત્પાદનની દ્રષ્ટિએ જોઈએ તો Apple શરૂઆતમાં આશરે 7 થી 8 મિલિયન યુનિટ બનાવવાની યોજના બનાવી રહ્યું છે . જે તેની કુલ iPhone ઉત્પાદન  ક્ષમતાનો 10 ટકા કરતા ઓછો હિસ્સો દર્શાવે છે . આનાથી આ વાત સ્પષ્ટ થાય છે કે કંપની આ નવા ફોર્મ ફેક્ટર સાથે સાવધાનીથી બજારમાં પ્રવેશવા  માંગે છે .