ભાનુપ્રિયા ભુતેર હોટેલ હવે OTT પર , હોરર- કોમેડી ફિલ્મ 15 એપ્રિલે ZEE5 પર રિલીઝ થશે

સૌથી વધુ રાહ જોવાતી બંગાળી ફિલ્મોમાંની એક ભાનુપ્રિયા ભુતેર હોટેલ હવે સફળ થિયેટર રન બાદ તેની ડિજિટલ રિલીઝ માટે તૈયાર છે . હોરર અને કોમેડીનું અનોખું મિશ્રણ ધરાવતી આ ફિલ્મ શરૂઆતથી અંત સુધી દર્શકોને બાંધી રાખે છે . ફિલ્મની વાર્તા એક નવી શરૂ થયેલી લકઝરી હોટેલની આસપાસ ગોઠવાઈ છે  , જ્યાં રહસ્યમય ઘટનાઓ મહેમાનોને ત્રાસ આપવા લાગે છે અને પરિસ્થિતિ અસ્તવ્યસ્ત બની જાય છે .  આ ફિલ્મ  એક હોન્ટેડ હોટેલ  અને તેની પાછળના રહસ્યોને ઉકેલવા નીકળેલા વકીલની રસપ્રદ કહાનીને રજૂ કરે છે .

ક્યારે અને ક્યાં જોવી 
આ ફિલ્મ 15 એપ્રિલ , 2026 ના રોજ ZEE5 પર સ્ટ્રીમિંગ માટે ઉપલબ્ધ બનશે . દર્શકો ઘરે બેઠા આ ફિલ્મનો આનંદ લઈ શકે છે , પરંતુ તેના માટે તમારો પ્લાન  સક્રિય હોવો જોઈએ . થિયેટરોમાં સફળતા મેળવ્યા પછી હવે OTT પર પણ ફિલ્મ પાસેથી મોટી અપેક્ષાઓ રાખવામાં આવી રહી છે .

ટ્રેલર અને પ્લોટ 
ઉત્તર બંગાળના પર્વતીય વિસ્તારોમાં સેટ થયેલી આ ફિલ્મ ભાનુપ્રિયા દ્રારા શરૂ કરાયેલ એક વૈભવી હોટેલની આસપાસ ફરે છે . આ હોટેલનો ભૂતકાળ ખુબ જ  અંધકારમય હોય છે , કારણ કે આ હોટેલ ઘણા વર્ષો જૂનું કબ્રસ્તાન પર બનાવામાં આવે છે . એક જૂના નકશા દ્રારા ખુલાસો થાય છે કે આ હોટેલ ગેરકાયદેસર  રીતે ઊભી કરવામાં આવી હતી , જેના કારણે આત્માઓ અહીં ભટકતા રહે છે . વાર્તામાં રસપ્રદ વળાંક ત્યારે આવે છે જયારે અરણ્ય નામનો વકીલ  અને તેનો મિત્ર આ રહસ્ય પાછળનું સત્ય જાણવા માટે તપાસ શરૂ કરે છે  અને તેમની તપાસ દરમિયાન અનેક ચોંકાવનારા ખુલાસા થાય છે .

કલાકારો અને ક્રૂ 
આ ફિલ્મનું દિગ્દર્શન અરિત્ર મુખર્જીએ કર્યું છે , જયારે વાર્તા ઝિનિયા સેન અને ગોધુલી શર્માએ લખી છે . ફિલ્મમાં મીમી ચક્રવર્તી , સોહમ મજુમદાર , પ્રિયંકા  ભટ્ટાચાર્ય , બોની સેનગુપ્તા અને સ્વસ્તિક દત્તા જેવા જાણીતા કલાકારો મુખ્ય ભૂમિકામાં છે . સિનેમેટોગ્રાફી પ્રતિપ મુખોપાધ્યાય દ્રારા સંભાળવામાં આવી છે . 

અભિપ્રાય 
23 જાન્યુઆરી , 2026ના રોજ થિયેટરમાં રિલીઝ થયેલી આ ફિલ્મે બોક્સ ઓફિસ પર સારી કમાણી કરી હતી અને દર્શકો તરફથી સારો અભિપ્રાય પણ મેળવ્યો  .  IMDb પર તેને 8.2/10 નું મજબૂત રેટિંગ મળ્યું છે .