Huawei Pura 90 Pro સિરીઝ 20 એપ્રિલે લોન્ચ થશે , નવા રંગ અને શક્તિશાળી ફીચર્સ સાથે

Huawei આ મહિનાના અંતમાં તેની નવી ફ્લેગશિપ સ્માર્ટફોન સિરીઝ Huawei Pura 90 Pro અને Huawei Pura 90 Pro  Max ચીનમાં લોન્ચ કરવા માટે તૈયાર છે . કંપનીએ આ નવા હેન્ડસેટના ડિઝાઈન , કલર વિકલ્પો અને સ્ટોરેજ અંગેની કેટલીક મહત્વપૂર્ણ વિગતો જાહેર કરી દીધી છે , જેના કારણે ટેક વર્લ્ડમાં   ભારે ઉત્સાહ જોવા મળી રહ્યો છે . આ સ્માર્ટફોન 20 એપ્રિલે ચીનમાં લોન્ચ થશે અને ચાર આકર્ષક કલરમાં ઉપલબ્ધ થશે.  નોંધ કરવા જેવી વાત એ છે કે , પહેલાની Huawei Pura 80 સિરીઝ જૂન 2025 માં રજૂ કરવામાં આવી હતી .

લોન્ચ તારીખ અને ઉપલબ્ધતા 
કંપનીએ Pura 90 Pro અને Pura 90 Pro  Max  માટે પ્રી ઓર્ડર શરૂ કરી દીધા છે . આ સ્માર્ટફોન 20 એપ્રિલે ચીનમાં લોન્ચ થશે . લોન્ચ ઈવેન્ટ ત્યાંના સમય મુજબ બપોરે  2:30 વાગ્યે શરૂ થશે , જે ભારતીય સમય મુજબ બપોરે 12 વાગ્યે છે .

કલર અને સ્ટોરેજ વિકલ્પો 
 Huawei Pura 90 Pro  ચાર આકર્ષક કલરમાં ઉપલબ્ધ થશે . જેમાં નાળિયેર સફેદ , મલબરી બ્લેક , નારંગી સોડા અને ગુલાબી જામફળનો સમાવેશ થાય છે . સ્ટોરેજની વાત કરીએ તો આ ફોનમાં 12GB + 256GB ,12GB + 512GB , 16GB + 512GB અને 16GB + 1TB જેવા વિકલ્પો ઉપલબ્ધ રહેશે .

બીજી તરફ  Huawei Pura 90 Pro Max એ ડોન ગોલ્ડ , એમેરાલ્ડ લેક , ઓબ્સિડીયન બ્લેક , ઓરેન્જ ઓશન અને સનસેટ પર્પલ જેવા પ્રીમિયમ કલર ઓપ્શન્સમાં આવશે . આ મોડેલમાં પણ Pro  જેવી જ RAM અને સ્ટોરેજ આપવામાં આવશે .

Huawei Pura 90 Pro સફેદ ,  બ્લેક , નારંગી  અને ગુલાબી કલરમાં ઉપલબ્ધ થશે
Photo Credit: Huawei

ડિઝાઈન અને કેમેરા સેટઅપ 
 આ બંને મોડેલ્સની ડિઝાઈન લગભગ સમાન છે . તેમાં ત્રિકોણાકાર કેમેરા મોડયુલ આપવામાં આવ્યું છે . જેમાં ત્રણ ગોળાકાર લેન્સ ઊભી લાઈનમાં છે , જયારે  ત્રીજો મોટો લેન્સ તેમની બાજુમાં મધ્યમાં મુકાયેલો છે . ઉપરની બાજુએ એક નાનું ફ્લેશ યુનિટ પણ આપવામાં આવ્યું છે , જે ડિઝાઈનને વધુ પ્રીમિયમ બનાવે છે .

પ્રોસેસર અને સોફ્ટવેર 
આ નવી સિરીઝમાં kirin 9030 Pro ચિપસેટ આપવામાં આવવાની અપેક્ષા છે , જેમાં 9 કોર સેટઅપ હશે  અને હાઈ પરફોર્મન્સ , મિડ રેન્જ સાથે પાવર એફિશિયન્ટ  કોરનો પણ સમાવેશ હશે . સોફ્ટવેરની વાત કરીએ તો , આ ફોન HarmonyOS 6 પર ચાલશે , જેમાં નવા UI એલિમેન્ટ્સ અને સુધારેલી યુઝર એક્સપિરિયન્સ  મળશે . સાથે જ તેમાં હાઇપરસ્પેસ મેમરી ટેક્નોલીજી પણ હશે , જે મલ્ટીટાસ્કિંગ અને બેકગ્રાઉન્ડ એપ મેનેજમેન્ટને વધુ સ્મૂથ બનાવશે .