Motorola નું ટેબ્લેટ Moto Pad (2026) આવ્યું , Moto Pad 60 Neo રિબ્રાન્ડેડ વર્ઝન

મંગળવારે Motorola  એ યુએસ માર્કેટમાં પોતાનું નવું ટેબ્લેટ Moto Pad (2026) લોન્ચ કર્યું છે . કંપનીએ આ ડિવાઇસને નવા Moto G Stylus  હેન્ડસેટ સાથે રજૂ કર્યો છે . જોકે કંપની તરફથી કોઈ પણ સત્તાવાર રીતે પુષ્ટિ કરવામાં આવી નથી , પરંતુ આ ટેબ્લેટ ગયા વર્ષે ભારતમાં લોન્ચ થયેલા Moto Pad 60 Neo રિબ્રાન્ડેડ વર્ઝન હોવાનું માનવામાં આવે છે , કારણ કે બંનેમાં ડિઝાઈન અને સ્પેસિફિકેશન્સ લગભગ સમાન છે . આ ડિવાઈસ પેન્ટોન - ક્યુરેટેડ બ્રોન્ઝ ગ્રીન કલરમાં આવે છે . 7,040mAh ક્ષમતાવાળી બેટરી છે , જે એક જ ચાર્જ પર લગભગ 12 કલાક સુધી વિડીયો પ્લેબેક આપી શકે.

કિંમત અને ઉપલબ્ધતા  :
વાત કરીએ કિંમતની તો ,  Moto Pad (2026) નો એકમાત્ર 8GB RAM અને 128GB સ્ટોરેજ વેરિઅન્ટ $249.99 (લગભગ રૂપિયા 23,000) માં ઉપલબ્ધ છે . આ ટેબ્લેટ 30 એપ્રિલથી યુએસમાં T-Mobile અને Metro by T- Mobile સ્ટોર્સ પર વેચાણ માટે ઉપલબ્ધ થશે . ઉપરાંત T- Mobile યુઝર્સ તેને Motorola ના ઓનલાઇન સ્ટોર પરથી પણ ખરીદી શકે છે . આ ડિવાઈસ પેન્ટોન - ક્યુરેટેડ બ્રોન્ઝ ગ્રીન કલરમાં આવે છે .

સ્પેસિફિકેશન્સ :
સ્પેસિફિકેશન્સની વાત કરીએ તો Moto Pad (2026)માં 11 ઈંચનું 2.5K રિઝોલ્યુશન (2560 x 1600 પિક્સેલ્સ )ડિસ્પ્લે આપવામાં આવ્યું છે , જે 90Hz રિફ્રેશ રેટ અને 500 nits પીક બ્રાઇટનેસ સાથે આવે છે . આ ડિસ્પ્લે TUV Rheinland લો બ્લુ લાઈટ અને ફ્લિકર ફ્રી સર્ટિફિકેશન સાથે વધુ આરામદાયક વિઝ્યુઅલ  અનુભવ આપે છે . સાથે જ તેમાં Dolby Atmos સપોર્ટ સાથે ક્વાડ સ્પીકર સેટઅપ પણ આપવામાં આવે છે .

પરફોર્મન્સ માટે આ ટેબ્લેટમાં Media Tek Dimensity 6300 ઓક્ટા કોર પ્રોસેસર આપવામાં આવ્યું છે . બેટરીની વાત કરીએ તો તેમાં 7,040mAh ક્ષમતાવાળી બેટરી છે , જે એક જ ચાર્જ પર લગભગ 12 કલાક સુધી વિડીયો પ્લેબેક આપી શકે છે . સાથે જ 20W વાયર્ડ ફાસ્ટ ચાર્જિંગ પણ આપવામાં આવ્યો છે .

કેમેરા :
આ ટેબ્લેટમાં 8MP રિયર કેમેરા અને 5MP ફ્રન્ટ કેમેરા આપવામાં આવ્યા છે , જે વિડીયો કોલિંગ અને સેલ્ફી માટે ઉપયોગી છે . કનેક્ટિવિટી માટે આ ટેબ્લેટમાં  5G, Wi-Fi 5, Bluetooth 5.2, GPS, GLONASS અને Galileo જેવા વિકલ્પો ઉપલબ્ધ છે . આ ટેબ્લેટનું વજન આશરે 480 ગ્રામ અને તેની જાડાઈ 6.99mm છે  , જે તેને સ્લિમ અને પોર્ટેબલ બનાવે છે .