"એવરીબડી લવ્સ સોહરાબ હાંડા " માં મર્ડર મિસ્ત્રીનો અનોખો ટ્વિસ્ટ , દરેક જણ નિર્દોષ !

"એવરીબડી લવ્સ સોહરાબ હાંડા " એક સસ્પેન્સ થ્રિલર વાર્તા છે જેમાં ગુનાખોરીનો સમાવેશ પણ થાય છે . આ ફિલ્મનું દિગ્દર્શન રજત કપૂરે કર્યું છે . આ ફિલ્મ  માનવતાવાદી અભિગમનું ઉત્તમ ઉદાહરણ છે , જેમાં બહારથી સારા લગતા લોકોની અંદર છુપાયેલા રહસ્યોને ઉજાગર કરવામાં આવે છે . ફિલ્મની શરૂઆત  સોહરાબ હાંડાની વર્ષગાંઠની પાર્ટીથી થાય છે , જ્યાં તેના બધા મિત્રો ભેગા થાય છે . વાતાવરણ ખુશી ભર્યું હોય છે , પરંતુ અચાનક જ એક ઘટના આ ફિલ્મને વળાંક આપે છે  જયારે કોઈ સોહરાબ હાંડાની ગળું કાપીને હત્યા કરવામાં આવે છે .

આ ચોંકાવનારી ઘટના પછી સમગ્ર કહાની તપાસ અને રહસ્ય તરફ વળી જાય છે . તપાસ શરૂ થતા દરેક વ્યક્તિ સોહરાબને પ્રેમ કરતો હોવાનું જણાય છે , જેના કારણે ખૂની કોણ છે તે શોધવું વધુ જ મુશ્કેલ બની જાય છે .

ક્યારે અને ક્યાં જોવું 
"એવરીબડી લવ્સ સોહરાબ હાંડા " હવે ZEE5 પર સ્ટ્રીમિંગ માટે ઉપલબ્ધ છે . દર્શકો સરળતાથી ઘરે બેઠા આ સસ્પેન્સભરી ફિલ્મનો આનંદ માણી શકે છે .

ટ્રેલર અને પ્લોટ 
આ ફિલ્મ મિત્રતાની આસપાસ ગોઠવાયેલી છે , જેમાં એક જૂથ સોહરાબ હાંડાની વર્ષગાંઠ ઉજવે છે . શરૂઆતમાં બધું સામાન્ય લાગે છે , પરંતુ રાત્રે જાણવા મળે છે કે  સોહરાબની હત્યા થઈ ગઈ છે . તપાસ દરમિયાન દરેક મિત્ર નિર્દોષ જણાય છે અને સોહરાબ પ્રત્યે લાગણી દર્શાવે છે . આ પરિસ્થિતિમાં ખૂનીને  ઓળખવું અત્યંત મુશ્કેલ બની જાય  છે . ધીમે ધીમે પાત્રોના રહસ્યો સામે આવે છે અને કહાની વધુ રસપ્રદ બને છે .

કલાકારો અને ક્રૂ 
આ ફિલ્મનું લેખન અને દિગ્દર્શન રજત કપૂર દ્રારા કરવામાં આવ્યું છે . નિર્માતાઓમાં રજત કપૂર , સમીર નાયર અને દીપક સેહગલનો સમાવેશ થાય છે . ફિલ્મમાં  વિનય પાઠક , કોયલ પુરી , નીલ ભૂપાલમ , સાદિયા સિદીકી અને રજત કપૂર જેવા પ્રતિભાશાળી કલાકારો છે .

અભિપ્રાય 
આ ફિલ્મને IMDb પર 10 માંથી 6.8 નું રેટિંગ મળ્યું છે , જે સરેરાશ કરતાં વધુ છે . સોશિયલ મીડિયા પર પણ આ ફિલ્મ ચર્ચામાં છે અને તેના સસ્પેન્સ તથા અનોખા  પ્લોટને લઈને દર્શકોમાં ઉત્સુકતા જોવા મળે છે .