Instagram માં હવે કોમેન્ટ એડિટ કરવાની સુવિધા શરૂ , 15 મિનિટમાં ફેરફાર શક્ય

Instagram એ યુઝર અનુભવને વધુ સુધારવા માટે એક મહત્વપૂર્ણ નવી સુવિધાની જાહેરાત કરી છે , જેના દ્રારા હવે યુઝર્સ પોતાની કોમેન્ટ્સને એડિટ કરી શકશે  . આ ફીચર ઘણા સમયથી માંગવામાં આવતું હતું , કારણ કે પહેલા યુઝર્સ પોસ્ટ કર્યા પછી તેમની કોમેન્ટમાં કોઈ ફેરફાર કરી શકતા નહોતા . હવે આ મર્યાદા દૂર થતા  આ પ્લેટફોર્મ વધુ લચીલું અને ઉપયોગમાં સરળ બનશે . આ નવી સુવિધા વૈશ્વિક સ્તરે રોલઆઉટ થઈ રહી છે અને તે યુઝર્સને પોસ્ટ કર્યા પછી તરત જ પોતાની કોમેન્ટમાં ફેરફાર કરવાની મંજૂરી આપે છે . ખાસ કરીને ટાઈપિંગ ભૂલો સુધારવા કે  પ્રતિભાવને વધુ સ્પષ્ટ બનાવવા માટે આ ખૂબ ઉપયોગી સાબિત થશે .

અત્યાર સુધી Instagram પોસ્ટ્સ માટે એડિટ વિકલ્પ  ઉપલબ્ધ હતો પરંતુ કોમેન્ટ માટે આ સુવિધા નહોતી .આ નવી અપડેટ મુજબ , યુઝર્સ પોસ્ટ કર્યાના 15 મિનિટની અંદર તેમની કોમેન્ટ્સને એડિટ કરી શકે છે .  મજાની વાત એ છે કે Instagram એ એડિટ કરવાની  સંખ્યાની કોઈ મર્યાદા નક્કી કરી નથી એટલે કે યુઝર્સ જરૂર મુજબ એકથી વધુ વખત ફેરફાર કરી શકે છે , જે તેમને વધુ નિયંત્રણ આપે છે .

ઓરિજિનલ vs સુધારેલી કોમેન્ટ 
Photo Credit: Instagram

કોમેન્ટ્સ એડિટ કરવાની પ્રક્રિયા ખૂબ જ સરળ રાખવામાં આવી છે . યુઝર્સને તેમની પોસ્ટ કરેલી કોમેન્ટની નીચે એક નવું "Edit "વિકલ્પ દેખાશે . તેને ટેપ કરતા  એક પોપ-અપ ખુલશે , જેમાં તેઓ પોતાની કોમેન્ટમાં ફેરફાર કરી શકે છે અને પછી તેને સેવ કરી શકે છે .

પરંતુ આ સુવિધા સાથે કેટલીક મર્યાદાઓ પણ જોડાયેલી છે . ઉદાહરણ તરીકે , યુઝર્સ ફક્ત ટેક્સ્ટ ભાગને જ એડિટ કરી શકે છે . જો કોમેન્ટ ઈમેજ કે અન્ય મીડિયા  શામેલ હોય તો, તેને બદલવાની મંજૂરી આપવામાં આવતી નથી . વધુમાં  એડિટ કરેલી કોમેન્ટમાં બાજુમાં "edited " લેબલ દર્શાવવામાં આવશે , જેથી  અન્ય યુઝર્સને ખબર પડે કે તેમાં ફેરફાર કરવામાં  આવ્યો છે .

જોકે , પ્લેટફોર્મ હિસ્ટ્રી બતાવતું નથી , એટલે કે મૂળ કોમેન્ટ ફરીથી જોઈ શકાશે નહીં . નોંધપાત્ર એ છે કે Meta Platforms ના માલિકીના આ પ્લેટફોર્મ 2014 માં પોસ્ટ કૅપ્શન માટે એડિટ સુવિધા શરૂ કરી હતી , પરંતુ કોમેન્ટ માટે આ ફીચર હવે આવી રહ્યું છે .

આ બદલાવ Instagram ને તેના પ્રતિસ્પર્ધીઓ જેમ કે X (Twitter ) અને Threads સામે વધુ સ્પર્ધાત્મક બનાવે છે , જ્યાં એડિટ સુવિધાઓ પહેલેથી જ જુદા જુદા  સ્વરૂપમાં ઉપલબ્ધ છે .