નવા મોડલ પહેલા Galaxy Z Fold 7 મોંઘો થયો , અન્ય સેમસંગ ફોનમાં પણ ભાવવધારો

Samsung એ અમેરિકામાં તેના પ્રીમિયમ ફોલ્ડેબલ સ્માર્ટફોન Samsung Galaxy Z fold 7 ની કિંમતોમાં વધાર્યો કર્યો હોવાનું સામે આવ્યું છે . જુલાઈ 2025 માં લોન્ચ થયેલ આ ડિવાઈસ માટે સામાન્ય રીતે નવા મોડલ પહેલાં કિંમતમાં ઘટાડાની અપેક્ષા રાખવામાં આવે છે , પરંતુ કંપનીએ આ વખતે બિલકુલ વિરુદ્ધ જ  કર્યું છે . આ ભાવવધારો નવા મોડેલના લોન્ચ પહેલા આવ્યો છે . ભારતમાં પણ Samsung Galaxy A06 અને Samsung Galaxy A07   સહિતના મોડેલમાં ભાવવધારો નોંધાયો છે . કંપનીએ તેની નવી Samsung Galaxy S26 સિરીઝ પણ પહેલા કરતા વધુ કિંમતે લોન્ચ કરી છે .

લોન્ચ સમયે Samsung Galaxy Z fold 7 ના 256GB વેરિઅન્ટની કિંમત $1,999.99 હતી , જયારે 512GB અને 1TB મોડેલ અનુક્રમે $2,119.99 અને $2,419.99 માં ઉપલબ્ધ હતા . હવે 1TB વેરિઅન્ટની કિંમત વધારીને $2,499.99 કરવામાં આવી છે એટલે કે લગભગ $80 (લગભગ રૂપિયા 7,500) નો વધારો  થયો છે અને હવે તે $2,199.99 માં મળે છે . આ નવી કિંમતો હવે Samsung ની યુએસ વેબસાઈટ પર દર્શાવવામાં આવી રહી છે .

જોકે આ ફોનનો બેઝ મોડેલ 256GB વેરિઅન્ટ હજુ પણ તેની મૂળ કિંમત $1,999.99 પર જ ઉપલબ્ધ છે , એટલે તેમાં કોઈ ફેરફાર થયો નથી . ખાસ વાત એ છે કે આ  ભાવવધારો તે સમયે આવ્યો છે જયારે આવનારા મહિનાઓમાં Samsung Galaxy Z fold 7 ના કેટલાક અનુગામી મોડેલના લોન્ચની અપેક્ષા છે .

આની સાથે જ , ભારતમાં પણ Samsung એ તેના કેટલાક સ્માર્ટફોનની કિંમતોમાં વધાર્યો કર્યો છે . Galaxy A અને F સિરીઝના કેટલાક મોડેલ જેમ કે Samsung Galaxy A06 અને Samsung Galaxy A07 ના ભાવમાં વધારો નોંધાયો છે . Samsung Galaxy A06ની કિંમતમાં રૂપિયા 1,000 નો વધારો થઈને  રૂપિયા 13,499 થઈ છે , જયારે Samsung Galaxy A07 હવે રૂપિયા 10,999માં ઉપલબ્ધ છે .

આ ઉપરાંત કંપનીએ તેની નવી Samsung Galaxy S26 સિરીઝ પણ પહેલા કરતા વધુ કિંમતે લોન્ચ કરી છે . Galaxy S26ના બેઝ વેરિઅન્ટની કિંમત રૂપિયા  80,999 થી વધીને 87,999 થઈ ગઈ છે , જયારે Plus મોડેલ રૂપિયા 99,999 થી વધીને રૂપિયા 1,19,999 થયો છે .

સેમસંગે આ વધારાના કારણો જાહેર કર્યા નથી પરંતુ નિષ્ણાંતો મુજબ DRAM અને સ્ટોરેજ જેવા ઘટકોના વધતા ખર્ચ અને AI ની વધતી માંગ તેના મુખ્ય  કારણો  હોઈ શકે છે .