AI ફોક્સ સાથે એપલના "ડિસ્પ્લે ફ્રી " સ્માર્ટ ગ્લાસિસ મેટાને ટક્કર આપશે

ઓક્ટોબર 2025 માં ક્યુપરટિનો સ્થિત ટેક જાયન્ટ એપલ પોતાના M5 ચિપસેટ સાથે Apple Vision Pro ને અપડેટ કર્યો હતો , જેમાં વધુ શક્તિશાળી SoC  અને નવી ડિઝાઈનવાળો હેડબેન્ડ રજૂ થયો હતો . ત્યારબાદ એક આંતરિક સ્ટાફ મિટિંગમાં , કંપનીના CEO Tim Cook એ જણાવ્યું હતું કે એપલ હવે AI  આધારિત નવા પ્રોડક્ટ કેટેગરીમાં પ્રવેશવાની યોજના બનાવી રહી છે  . આ દિશામાં , કંપની સ્માર્ટ ચશ્મા પર પણ કામ કરી રહી છે , જે "ડિસ્પ્લે ફ્રી " ડિઝાઈન સાથે આવશે  અને Ray- Ban Meta Glasses  સાથે સ્પર્ધા કરી શકે છે .

અહેવાલો મુજબ , એપલ હાલ "ડિસ્પ્લે ફ્રી " સ્માર્ટ ચશ્માના પ્રોટોટાઈપ પર કામ કરી રહી છે , જેમાં પહેલાના  ચશ્મા જેવી ચાર અલગ અલગ ફ્રેમ ડિઝાઈનનું પરીક્ષણ કરવામાં આવી રહ્યું છે . બ્લૂમબર્ગના પત્રકાર Mark Gurmanના જણાવ્યા મુજબ , કંપની પોતાની ફ્રેમ્સ જાતે ડિઝાઈન કરી રહી છે , જયારે મેટા જેવી કંપનીઓ EssilorLuxottica  પર આધાર રાખે છે .

ડિઝાઈનની વાત કરીએ તો , એપલ મોટા લંબચોરસ ફ્રેમ , પાતળી લંબચોરસ ડિઝાઈન , મોટા ગોળાકાર કે નાના ફ્રેમ , વધુ સારા ગોળાકાર વિકલ્પો પર કામ  કરી રહી છે  . આમાંથી કેટલાક ડિઝાઈન Steve Jobs અને ટિમ કૂક દ્રારા પહેરવામાં આવેલા ચશ્માથી પ્રેરિત હોવાનું કહેવાય છે .

આ સ્માર્ટ ચશ્મા કાળા , આછા ભૂરા અને સમુદ્રી વાદળી જેવા વિવિધ કલરમાં આવી શકે છે . તાજેતરના પ્રોટોટાઈપમાં "એસીટેટ " નામની પ્રીમિયમ સામગ્રીનો  ઉપયોગ કરવામાં આવ્યો છે , જે લકઝરી ફિનિશ માટે જાણીતી છે .

ફીચર્સની વાત કરીએ તો , એપલ આ ચશ્મામાં કેમેરા સિસ્ટમ ઉમેરવાની યોજના બનાવી રહી છે . તેમાં વર્ટિકલ આવેલ લેન્સ સાથે રિંગ લાઈટ હોઈ શકે છે , જે રેકોર્ડિંગ  ફીચર્સ તરીકે કામ કરશે . આ ડિઝાઈન મેટાના સ્માર્ટ ચશ્મા જેવી હોઈ શકે છે .

આ ઉપરાંત , કંપની પોતાના AI આધારિત વિઝ્યુઅલ ઇન્ટેલિજન્સ ફીચર્સ લાવી શકે . જોકે એપલે હજી સુધી આ સ્માર્ટ ચશ્માના લોન્ચ અંગે કોઈ સત્તાવાર તારીખ  જાહેર કરી   નથી .