અપગ્રેડેડ ડિસ્પ્લે અને પરફોર્મન્સ સાથે Lumio Vision 9 (2026) આવી રહ્યું છે

લુમિયો ટૂંક સમયમાં ભારતીય બજારમાં તેની વિઝન ટીવી સિરીઝને અપગ્રેડ કરવા તૈયાર છે . કંપનીએ નવા લુમિયો વિઝન 9 (2026) મોડેલને ટીઝ કર્યું છે , જે    હાલના વર્ઝન  કરતાં સુધારેલ અનુભવ આપવાનો સંકેત આપે છે . આ નવું મોડેલ એપ્રિલ 2025 માં રજૂ થયેલા વિઝન 9 (2025)  નું અપગ્રેડેડ વર્ઝન   ગણાય છે . ખાસ વાત એ છે કે આવનારા ટીવી માટેનું એમેઝોન માઈક્રોસાઇટ પહેલેથી જ લાઈવ થઈ ગયું છે , જે સૂચવે છે કે તેની સત્તાવાર લોન્ચિંગ તારીખ હવે નજીક  હોઈ શકે છે . સામાન્ય રીતે આવી માઈક્રોસાઈટ્સ લોન્ચ પહેલા જ લાઈવ કરવામાં આવે છે , જેથી યુઝર્સમાં ઉત્સુકતા વધે .

હાલમાં કંપનીએ લોન્ચ તારીખ કે કિંમત અંગે કોઈ સત્તાવાર જાહેરાત કરી નથી , પરંતુ અપેક્ષા છે કે લુમિયો વિઝન 9 (2026) વધુ સારા પરફોર્મન્સ અને સુધારેલા  વ્યૂઇંગ અનુભવ પર ફોક્સ કરશે . ખાસ કરીને ડિસ્પ્લે , બ્રાઇટનેસ અને પ્રોસેસિંગ પાવરમાં સુધારા જોવા મળી શકે છે .

હાલનો લુમિયો વિઝન 9 (2026) મોડેલ ભારતમાં રૂપિયા 59,999 ની શરૂઆતની કિંમતે લોન્ચ થયો હતો , જેમાં 55 ઈંચનું એક જ વેરિઅન્ટ ઉપલબ્ધ છે . આ ટીવીમાં  4K મીની LED ડિસ્પ્લે સાથે ક્વોન્ટમ ડોટ એન્હાન્સમેન્ટ આપવામાં આવ્યું છે , જે 3840 x 2160 પિક્સલનું રિઝોલ્યુશન આપે છે . IPS પેનલ ટેક્નોલોજી  સાથે 60Hz રિફ્રેશ રેટ સપોર્ટ છે .

બ્રાઇટનેસની વાત કરીએ તો , સામાન્ય રીતે 600 nits અને પીક પર 900 nits સુધી પહોંચે છે . આ સાથે Dolby Vision , HDR10 અને HLG જેવા ફોર્મેટ્સનું સપોર્ટ તેમજ MEMC અને ઓટો લો લેટન્સી મોડ જેવી સુવિધાઓ પણ  આપવામાં આવી છે .

પરફોર્મન્સ માટે , આ ટીવી Lumio ના BOSS ફ્લેગશિપ પ્રોસેસર પર કામ કરે છે , જેમાં 3GB RAM અને 32GB સ્ટોરેજ આપવામાં આવ્યું છે . તે Android 14 આધારિત Google TV પર ચાલે છે અને Google Assistant તથા બિલ્ટ ઈન Chromecast સપોર્ટ પણ આપે છે . ઓડિઓ માટે 24W ક્વાડ સ્પીકર સિસ્ટમ છે જેમાં Dolby Audio સપોર્ટ છે .  

કનેક્ટિવિટીમાં Wi-Fi, Bluetooth 5 , HDMI 2.1 (eARC સાથે ), USB પોર્ટ્સ , ઈથરનેટ અને 3.5mm ઓડિયો  જેક જેવી સુવિધાઓ શામેલ છે . નવી આવનારી  2026 વર્ઝન  આ તમામ સુવિધાઓને વધુ સુધારશે તેવી શક્યતા  છે .