Toshiba Z670SP સિરીઝ આવી ભારતમાં : MIniLED ડિસ્પ્લે અને Dolby Atmos સપોર્ટ સાથે

તોશિબાએ ભારતમાં તેના ટીવી પોર્ટફોલિયોને વધારતા નવી  Z670SP સિરીઝ લોન્ચ કરી છે . તોશિબાની આ નવી સિરીઝ ખાસ છે કારણ કે તેમાં MiniLED  ડિસ્પ્લે સાથે ફ્રન્ટ ફાયરિંગ સ્પીકર્સ આપવામાં આવ્યા છે . આ ટીવી પાંચ અલગ અલગ સાઈઝમાં આવે છે અને દરેક મોડેલમાં Dolby Vision અને Dolby Atmosનો સપોર્ટ મળે છે . સાથે જ 144Hz રિફ્રેશ રેટ હોવાથી ઝડપી મૂવમેન્ટ દરમિયાન પણ સ્ક્રીન સ્મૂથ દેખાય છે . REGZA Intelligence નામની  AI  સિસ્ટમ ટીવીના પિક્ચર અને સાઉન્ડ સેટિંગ્સને આપમેળે એડજસ્ટ કરે છે .

Toshiba Z670SP ભારતમાં કિંમત અને ઉપલબ્ધતા 

Toshiba Z670SP સિરીઝ 55 ઇંચ , 65 ઇંચ , 75 ઇંચ , 85 ઇંચ અને 100 ઇંચની સાઈઝમાં ઉપલબ્ધ છે . તેની શરૂઆતની કિંમત રૂપિયા 64,990 રાખવામાં આવી છે  . ગ્રાહકો ખરીદી વખતે રૂપિયા 10,000 સુધીનું કેશબેક પણ મળી શકે છે . આ ટીવી Amazon  India , Flipkart અને Reliance Digital પર ઉપલબ્ધ  રહેશે . લોન્ચ ઓફરમાં ઝીરો ડાઉન પેમેન્ટ , આકર્ષક કેશબેક અને 2 વર્ષની વોરંટી પણ આપવામાં આવે છે .

Toshiba Z670SP સ્પેસિફિકેશન્સ , સુવિધાઓ 

આ સિરીઝના તમામ ટીવીમાં MiniLED ટેક્નોલોજી આપવામાં આવી છે , જે વધુ સારી બ્રાઇટનેસ , ડીપ બ્લેક અને શાર્પ કોન્ટ્રાસ્ટ આપે છે . આ ટીવી REGZA  Engine ZRi દ્રારા ચાલે છે , જે વિડિઓ કન્ટેન્ટને અપસ્કેલ કરીને વધુ ક્લિયર બનાવે છે .

144Hz રિફ્રેશ રેટ આ ટીવીની મુખ્ય ખાસિયત છે , જેના કારણે સ્પોર્ટ્સ અને ગેમિંગ દરમિયાન મૂવમેન્ટ વધારે સ્મૂથ લાગે છે . તેમાં Game Mode Pro પણ આપવામાં આવ્યો છે  , જે ગેમ રમતી વખતે લેગ ઘટાડે છે અને ઝડપી રિસ્પોન્સ આપે છે .

ઓડિયો માટે ફ્રન્ટ ફાયરિંગ સ્પીકર્સ આપવામાં આવ્યા છે , જે સીધો અવાજ આગળ તરફ  આપે છે . સાથે REGZA Power Audio + અને Eilex Prism ટેક્નોલોજી  સાઉન્ડ અનુભવને વધુ સારું બનાવે છે . આ ઉપરાંત QLED કલર ટેક્નોલોજી વધુ રિચ અને બ્રાઇટ કલર્સ આપે છે .

REGZA Intelligence નામની AI સિસ્ટમ ટીવીમાં ખાસ છે . તે આપમેળે કન્ટેન્ટ મુજબ પિક્ચર અને સાઉન્ડ સેટિંગ્સને એડજસ્ટ કરે છે , જેથી યુઝરને હમેશા બેસ્ટ વ્યૂઇંગ  અનુભવ મળે .