મુસાફરો માટે ખાસ Dyson Supersonic Travel હળવું અને સ્માર્ટ હીટ કંટ્રોલ સાથે આવ્યું

ડાયસને મંગળવારે તેનું નવું કોમ્પેકટ હેર ડ્રાયર Dyson Supersonic Travel લોન્ચ કર્યું છે , જે મૂળ Supersonic મોડલનું નાનું અને હળવું વર્ઝન છે . ખાસ કરીને  વારંવાર મુસાફરી કરતાં લોકો માટે બનાવવામાં આવ્યું છે , જેથી જીમ કે નાના ટ્રિપ્સ દરમિયાન સરળતાથી લઈ જઈ શકાય છે . કંપનીનો દાવો છે કે આ ડિવાઈસ પોર્ટેબલ હોવા છતાં પણ  Dyson ની જાણીતી એરફલો અને હીટ કંટ્રોલ પરફોર્મન્સ આપે છે . જેમને મુસાફરી દરમિયાન પણ પ્રોફેશનલ લેવલનું હેર ડ્રાયિંગ અને સ્ટાઇલિંગ જોઈએ  છે .

કિંમત અને ઉપલબ્ધતા 

આ હેર ડ્રાયર હાલ  પસંદગીના વૈશ્વિક બજારોમાં લગભગ $299.99 ( લગભગ 28,000 રૂપિયા )માં ઉપલબ્ધ છે . ભારત માટે કિંમત અને ઉપલબ્ધતા વિશે હજી  કોઈ સત્તાવાર માહિતી આપવામાં આવી નથી .

મુખ્ય ફીચર્સ 

આ મોડલ મૂળ Supersonic કરતાં અંદાજે 32% નાનું  અને 25% હળવું છે અને તેનો વજન માત્ર 330 ગ્રામ છે . નાના કદ હોવા છતાં , કંપની એવું માને છે કે આ ફૂલ સાઈઝ મોડલ જેટલું જ  પાવરફુલ પરફોર્મન્સ આપે છે . તેમાં 3 હીટ સેટિંગ્સ અને 2 સ્પીડ મોડ્સ મળે છે , જેથી યુઝર્સ પોતાની જરૂર મુજબ એરફલો એડજસ્ટ કરી શકે .

હેર ડ્રાયર 11.6 લિટર પ્રતિ સેકેન્ડનો એરફ્લો આપે છે અને 100 - 240V સુધી કામ કરે છે , એટલે કે વિદેશમાં પણ સરળતાથી ઉપયોગ કરી શકાય છે .

આ ડિવાઈસમાં ઇન્ટેલિજન્ટ હીટ કંટ્રોલ ટેક્નોલોજી છે , જે દર સેકન્ડમાં 100 વખત તાપમાન માપે છે . આથી વાળને વધારે ગરમીથી નુકસાન થતું અટકાવી શકાય છે  . સાથે જ Dyson ની Air Multiplier ટેક્નોલોજી અને 110,000rpm સુધી સ્પીડ ધરાવતી મોટર મળીને ઝડપથી અને અસરકારક રીતે વાળ સૂકવવામાં મદદ  કરે છે .

ખાસ વાતો :

તેમાં સ્ટાઈલિંગ કન્સન્ટ્રેટર એટેચમેન્ટ મળે છે , જે ચોક્કસ સ્ટાઇલિંગ માટે કામ આવે છે . આ હેર ડ્રાયર અન્ય Dyson Supersonic અને Supersonic Nural મોડલ્સના  એટેચમેન્ટ્સ સાથે પણ કમ્પેટિબલ છે .

Dyson Supersonic Travel ખાસ કરીને એવા લોકો માટે ડિઝાઈન થયું છે , જેમને મુસાફરી દરમિયાન પણ પ્રોફેશનલ લેવલનું હેર ડ્રાયિંગ અને સ્ટાઇલિંગ જોઈએ  છે .