Find X9 Pro અને Find X9 આગામી અઠવાડિયામાં ભારતમાં લોન્ચ કરવામાં આવશે.

Oppoએ તેના Oppo Find X9 Pro અને Find X9 સ્માર્ટફોન મંગળવારે બાર્સેલોનામાં એક હાર્ડવેર લોન્ચ ઇવેન્ટ દરમિયાન વૈશ્વિક સ્તરે લોન્ચ કર્યા છે. Find X9 Pro અને Find X9 આગામી અઠવાડિયામાં ભારતમાં પણ લોન્ચ કરવામાં આવશે. તેને અગાઉ ચીનમાં 16 ઓક્ટોબરે લોન્ચ કરાયો હતો. બંને હેન્ડસેટ 3nm MediaTek Dimensity 9500 ચિપસેટ દ્વારા સંચાલિત છે, જે 16GB સુધી LPDDR5x RAM અને 512GB સુધી UFS 4.1 ઓનબોર્ડ સ્ટોરેજ સાથે જોડાયેલ છે.Oppo Find X9 સિરીઝની કિંમત,Oppo Find X9 Pro માં 16GB રેમ અને 512GB સ્ટોરેજ ધરાવતા ફોનની કિંમત EUR 1,299 (આશરે રૂ. 1,34,000) થી શરૂ થાય છે. દરમિયાન, 12GB RAM + 512GB સ્ટોરેજવાળા વેરિઅન્ટ માટે Oppo Find X9 ની કિંમત EUR 999 (આશરે રૂ. 1,03,000) છે.

નવો Oppo Find X9 Pro સિલ્ક વ્હાઇટ અને ટાઇટેનિયમ ચારકોલ કલરમાં આવશે, જ્યારે સ્ટાન્ડર્ડ Oppo Find X9 સ્પેસ બ્લેક, ટાઇટેનિયમ ગ્રે અને વેલ્વેટ રેડ કલર વિકલ્પોમાં ઉપલબ્ધ થશે. બંને હેન્ડસેટ કંપનીના ઓનલાઈન સ્ટોર દ્વારા વૈશ્વિક ઢોરને ખરીદી શકાશે.

Oppo Find X9 Pro ના સ્પેસિફિકેશન્સ

Oppo Find X9 Pro ડ્યુઅલ-સિમ સાથે આવે છે અને તે Android 16 પર ચાલે છે, જેમાં Oppo ની ColorOS 16 સ્કિન છે. Oppo Find X9 Pro 80W SuperVOOC વાયર્ડ અને 50W AirVOOC વાયરલેસ ફાસ્ટ ચાર્જિંગ સપોર્ટ સાથે 7,500mAh સિલિકોન-કાર્બન બેટરીથી સજ્જ છે. તેમાં 10W રિવર્સ વાયરલેસ ચાર્જિંગ ક્ષમતા પણ છે. કંપની હેન્ડસેટ માટે પાંચ OS અપગ્રેડ અને છ વર્ષના સિક્યોરિટી અપડેટ્સ આપશે. તેમાં 6.78-ઇંચ 1,272×2,772 પિક્સલ AMOLED ડિસ્પ્લે છે. તે 120Hz સુધીના રિફ્રેશ રેટ, 20:9 આસ્પેક્ટ રેશિયો, 3,600 નિટ્સ પીક બ્રાઇટનેસ અને 450 ppi પિક્સલ ડેન્સિટી સાથે સ્ક્રીનમાં કોર્નિંગ ગોરિલા ગ્લાસ વિક્ટસ 2 પ્રોટેક્શન, 100 ટકા DCI-P3 કલર ગેમટ, 2,160Hz PWM ડિમિંગ અને DC ડિમિંગ, ડોલ્બી વિઝન, HDR10+, HDR વિવિડ અને સ્પ્લેશ ટચ પણ છે. Find X9 Pro માં ધૂળ અને પાણી સામે સુરક્ષા માટે IP66 + IP68 + IP69 રેટિંગ છે, અને તે SGS ડ્રોપ રેઝિસ્ટન્સ પ્રમાણિત છે.

તેનો ડિસ્પ્લે TUV Rheinland Intelligent Eye Care 5.0 સર્ટિફિકેશન ધરાવે છે. Find X9 Pro 36,344.4 ચોરસ મીમી કુલ ડિસીપેશન એરિયા સાથે એડવાન્સ્ડ વેપર ચેમ્બર કૂલિંગ સોલ્યુશનનો ઉપયોગ કરે છે. સ્ટાન્ડર્ડ વેરિઅન્ટમાં 7,025mAh બેટરી છે.

Oppo Find X9 Pro Hasselblad-ટ્યુન્ડ ટ્રિપલ-રીઅર કેમેરા યુનિટથી સજ્જ છે. તેમાં 1/1.28-ઇંચ સેન્સર, 23mm ફોકલ લેન્થ અને ઓપ્ટિકલ ઇમેજ સ્ટેબિલાઇઝેશન (OIS) સાથે 50-મેગાપિક્સલ (f/1.5) Sony LYT-828 પ્રાઇમરી કેમેરા છે. તેમાં 15mm ફોકલ લેન્થ સાથે 50-મેગાપિક્સલ (f/2.0) Samsung ISOCELL 5KJN5 અલ્ટ્રાવાઇડ કેમેરા અને 70mm ફોકલ લેન્થ અને OIS સાથે 200-મેગાપિક્સલ (f/2.1) ટેલિફોટો કેમેરા પણ છે. 50-મેગાપિક્સલ (f/2.0) Samsung 5KJN5 સેલ્ફી કેમેરા આપવામાં આવ્યો છે.

કનેક્ટિવિટી જોઈએ તો, બ્લૂટૂથ 6.0, Wi-Fi 7, Oppo RF ચિપ સાથે AI LinkBoost, USB 3.2 Gen 1 Type-C, GPS, GLONASS, QZSS અને ગેલિલિયોને સપોર્ટ છે. તે ચાર-માઈક્રોફોન સેટઅપ સાથે પણ આવે છે. તે 3D અલ્ટ્રાસોનિક ફિંગરપ્રિન્ટ સેન્સરથી સજ્જ છે. હેન્ડસેટની સાઇઝ 161.26×76.46×8.25mm છે અને તેનું વજન લગભગ 224 ગ્રામ છે.

Oppo Find X9 ના સ્પેસિફિકેશન્સ

Oppo Find X9માં પણ ડ્યુઅલ-સિમ છે. તેમાં Oppo Find X9 Pro જેવી ચિપસેટ, ઓપરેટિંગ સિસ્ટમ, IP રેટિંગ્સ, ડ્રોપ પ્રોટેક્શન સર્ટિફિકેશન અને કનેક્ટિવિટી વિકલ્પો છે. તેમાં 6.59-ઇંચ 1,256×2,760 પિક્સલ AMOLED ડિસ્પ્લે છે. તે 120Hz ના ફિક્સ્ડ રિફ્રેશ રેટ, 460 ppi પિક્સેલ ડેન્સિટી અને 19.8:9 આસ્પેક્ટ રેશિયો સાથે અન્ય સ્ક્રીન સુવિધાઓ પણ Find X9 Pro જેવી જ છે. જ્યારે તે Pro મોડેલ જેવા જ VC કૂલિંગ સોલ્યુશનથી સજ્જ છે, ત્યારે સ્ટાન્ડર્ડ મોડેલમાં 32,052.5 ચોરસ મીમીનો નાનો ડિસિપેશન એરિયા છે.

Oppo Find X9 માં OIS સાથે 50 મેગાપિક્સલ (f/1.6) Sony LYT-808 વાઇડ કેમેરા, 50-મેગાપિક્સલ (f/2.0) અલ્ટ્રાવાઇડ કેમેરા અને OIS સાથે 50 મેગાપિક્સલ (f/2.6) Sony LYT-600 ટેલિફોટો કેમેરા મળે છે. તે 32 મેગાપિક્સલનો Sony IMX615 ફ્રન્ટ-ફેસિંગ કેમેરાથી પણ સજ્જ છે.
તેમાં પ્રો મોડેલ જેટલી જ વાયર્ડ અને વાયરલેસ ચાર્જિંગ સ્પીડ સાથે 7,025mAh સિલિકોન-કાર્બન બેટરી છે. Oppo Find X9 ની સાઈઝ 156.98×73.93×7.99mm છે, તેનું વજન લગભગ 203 ગ્રામ છે.