Oppo Reno 16 અને Oppo Reno 16F રજૂ , Snapdragon 7 Gen 4 , 120Hz AMOLED ડિસ્પ્લે સાથે આવ્યા

સ્માર્ટફોન નિર્માતા Oppo એ વૈશ્વિક બજારમાં તેની નવી Oppo Reno 16 સિરીઝ લોન્ચ કરી છે . આ સિરીઝમાં Oppo Reno 16, Oppo Reno 16F અને Oppo Reno 16 Pro 5G  સહિત ત્રણ સ્માર્ટફોન રજૂ કરવામાં આવ્યા છે . Reno 16 Pro આ સિરીઝનું ફ્લેગશિપ મોડલ છે , જયારે Reno 16 અને Reno 16F પ્રીમિયમ ફીચર્સ સાથે મિડ - પ્રીમિયમ સેગમેન્ટને ધ્યાનમાં રાખીને રજૂ કરવામાં આવ્યા છે . બંને સ્માર્ટફોનમાં AMOLED ડિસ્પ્લે , 120Hz રિફ્રેશ રેટ , શક્તિશાળી પ્રોસેસર , મોટી બેટરી અને આધુનિક કેમેરા સેટઅપ જેવી સુવિધાઓ આપવામાં આવી છે .

Oppo Reno 16 ની કિંમત :

કંપનીએ હાલમાં Oppo Reno 16  સિરીઝને થાઈલેન્ડ અને મલેશિયા જેવા બજારોમાં લોન્ચ કરી છે . Oppo Reno 16  ના 8GB RAM + 256GB સ્ટોરેજ વેરિઅન્ટની કિંમત THB 19,999 ( લગભગ 56,000 રૂપિયા ) રાખવામાં આવી છે . જયારે 12GB RAM + 256GB મોડેલની કિંમત THB 22,999 ( લગભગ 65,000 રૂપિયા ) છે . સ્માર્ટફોન Pop White , Twilight Violet અને Dream Purple કલર વિકલ્પોમાં ઉપલબ્ધ છે .

Oppo Reno 16F ની કિંમત :

Oppo Reno 16F  બે સ્ટોરેજ વેરિઅન્ટમાં રજૂ કરવામાં આવ્યો છે . તેના 8GB + 128GB મોડલની કિંમત THB 15,999 ( લગભગ 45,000 રૂપિયા ) છે , જયારે 8GB + 256GB વેરિઅન્ટની કિંમત THB 16,999 ( લગભગ 48,000 રૂપિયા ) રાખવામાં આવી છે . આ ફોન પણ  Pop White , Twilight Violet અને Dream Purple કલર વિકલ્પોમાં ઉપલબ્ધ છે .

Oppo Bubble Mag E - Badge ડિસ્પ્લે :

Reno 16 સિરીઝમાં કંપનીએ Oppo Bubble Mag E - Badge નામની નવી મેગ્નેટિક સ્માર્ટ ડિસ્પ્લે ટેક્નોલોજી રજૂ કરી છે . આ ડિસ્પ્લે ફોનના પાછળના ભાગે ચુંબકીય રીતે જોડાય છે અને ColorOS સાથે કામ કરે છે . તેની મદદથી યુઝર્સ રિયર કેમેરાનું લાઈવ પ્રિવ્યૂ જોઈ શકે છે , જેના કારણે સેલ્ફી અને ગ્રુપ ફોટો લેવાનું વધુ સરળ બની જાય છે .

Oppo Reno 16 ના સ્પેસિફિકેશન્સ :

Oppo Reno 16 માં 6.32 ઇંચની 1.5K AMOLED ડિસ્પ્લે આપવામાં આવી છે , જે 120Hz રિફ્રેશ રેટ અને 1800 nits પીક બ્રાઇટનેસ સપોર્ટ કરે છે . ફોનમાં Snapdragon 7 Gen 4 પ્રોસેસર , LPDDR5X  RAM અને UFS 3.1 સ્ટોરેજ આપવામાં આવ્યા છે .

ફોટોગ્રાફી માટે ફોનમાં 50MP મુખ્ય કેમેરા , 50MP અલ્ટ્રા - વાઈડ કેમેરા અને 50MP પેરિસ્કોપ ટેલિફોટો લેન્સ આપવામાં આવ્યો છે , જે 3.5x ઓપ્ટિકલ ઝૂમ સપોર્ટ કરે છે . સેલ્ફી અને વિડીયો કોલિંગ માટે 50MP ઓટોફોક્સ ફ્રન્ટ કેમેરા આપવામાં આવ્યો છે . પાવર માટે ફોનમાં 6,700mAh બેટરી આપવામાં આવી છે , જે 80W SuperVOOC  ફાસ્ટ ચાર્જિંગને સપોર્ટ કરે છે .

Oppo Reno 16F ના સ્પેસિફિકેશન્સ :

Oppo Reno 16F માં 6.57 ઇંચની Crystal Guard AMOLED ડિસ્પ્લે આપવામાં આવી છે , જે Full HD + રિઝોલ્યુશન , 120Hz રિફ્રેશ રેટ અને 1400 nits પીક બ્રાઇટનેસ સપોર્ટ કરે છે . આ સ્માર્ટફોન Media Tek Dimensity 7300 Energy ચિપસેટથી સંચાલિત છે .

ફોનમાં 7000mAhની મોટી બેટરી આપવામાં આવી છે, જે 80W ફાસ્ટ ચાર્જિંગ સપોર્ટ કરે છે . કેમેરા સેટઅપમાં 50MP મુખ્ય કેમેરા , 8MP અલ્ટ્રા વાઈડ કેમેરા અને 50MP પેરિસ્કોપ ટેલિફોટો લેન્સ આપવામાં આવ્યા છે . સેલ્ફી અને વિડીયો કોલિંગ માટે તેમાં 50MP ઓટોફોક્સ ફ્રન્ટ કેમેરા આપવામાં આવ્યો છે .