7000mAh બેટરી અને 50MP કેમેરાવાળો Oppo Reno 15c હવે ઓછી કિંમતે ખરીદવાની તક

હાલમાં Oppo Reno 15c સ્માર્ટફોન પર સસ્તો ડિસ્કાઉન્ટ મળી રહ્યો છે . કંપનીએ આ ફોન જાન્યુઆરી 2026 માં લોન્ચ કર્યો હતો . જો તમે નવો 5G ફોન ખરીદવાનો વિચારી રહ્યા છો તો આ ઓફર તમારા માટે કામની બની શકે છે . ફોનમાં મોટી 7000mAh બેટરી , Snapdragon 6 Gen 1 પ્રોસેસર અને 50MP કેમેરા જેવી ખાસિયતો આપવામાં આવી છે . ખાસ વાત એ છે કે આ ફોન MRP કરતાં ઓછી કિંમતે વેચાઈ રહ્યો છે અને સાથે બેંક ઓફરનો લાભ પણ મળી શકે છે .

Oppo Reno 15c કિંમત :

Oppo Reno 15c નો  8GB RAM અને 256GB સ્ટોરેજ વેરિઅન્ટ સામાન્ય રીતે રૂપિયા 42,999માં લિસ્ટ થાય છે . પરંતુ હાલમાં વિજય સેલ્સ પર આ મોડેલ 2 ટકા ડિસ્કાઉન્ટ સાથે ઉપલબ્ધ છે . ડિસ્કાઉન્ટ પછી તેની સીધી કિંમત રૂપિયા 41,999 થાય છે . એટલે કે ખરીદદારોને સીધી રૂપિયા 1000ની બચત મળે છે . જોકે સાચી મોટી બચત બેંક ઓફરથી થઈ શકે છે .

Oppo Reno 15c બેંક ઓફર્સ :

જો ગ્રાહક SBI ક્રેડિટ કાર્ડ દ્રારા EMI પર ફોન ખરીદે , તો તેને રૂપિયા 4,200 સુધીનું વધારાનું ડિસ્કાઉન્ટ મળી શકે છે . એટલે ડિસ્કાઉન્ટ અને બેંક ઓફર બંનેને મળીને કુલ બચત રૂપિયા 5,200 સુધી પહોંચી શકે છે . આ કારણે Oppo Reno 15c પોતાની સૌથી ઓછી અસરકારક કિંમતે ખરીદવાની તક આપી રહ્યો છે .

Oppo Reno 15c ફીચર્સ અને સ્પેસિફિકેશન્સ :

Oppo Reno 15c ના ફીચર્સની વાત કરીએ તો તેમાં 6.57 ઈંચનું AMOLED ડિસ્પ્લે આપવામાં આવ્યું છે . તેમાં 120Hz રિફ્રેશ રેટ અને 1400 nits સુધીની પીક બ્રાઇટનેસ છે , જેથી સ્ક્રીન પર કન્ટેન્ટ વધુ સ્મૂથ અને બ્રાઇટ દેખાય છે . સુરક્ષા માટે તેમાં ઈન- ડિસ્પ્લે ફિંગરપ્રિન્ટ સ્કેનર પણ છે . આ સ્માર્ટફોન Android 16 આધારિત ColorOS 16 પર ચાલે છે .

Oppo Reno 15c માં Snapdragon 6 Gen 1 પ્રોસેસર આપવામાં આવ્યું છે , જે રોજિંદા ઉપયોગ , સોશિયલ મીડિયા , વિડીયો સ્ટ્રીમિંગ અને સામાન્ય ગેમિંગ માટે સારો અનુભવ આપી શકે છે . કેમેરાની વાત કરીએ તો ફોનના પાછળના ભાગમાં 50MP મુખ્ય કેમેરા , 8MP અલ્ટ્રા - વાઈડ કેમેરા અને 2MP મેક્રો કેમેરા છે . જયારે સેલ્ફી અને વિડીયો કોલિંગ માટે તેમાં 50MP નો ફ્રન્ટ કેમેરા આપવામાં આવ્યો છે .

આ ફોનમાં 7000mAhની મોટી બેટરી છે , જે લાંબા સમય સુધી ચાલવામાં મદદ કરે છે . સાથે 80W SuperVOOC ફાસ્ટ ચાર્જિંગ સપોર્ટ પણ મળે છે . કુલ મળીને જો તમે મોટી બેટરી , સારો કેમેરા અને ડિસ્કાઉન્ટવાળો 5G ફોન શોધી રહ્યા છો, તો Oppo Reno 15c એક સારો ફોન સાબિત થાય છે .