Oppo Reno 15A જાપાનમાં રજૂ , 120Hz AMOLED ડિસ્પ્લે અને 80W ફાસ્ટ ચાર્જિંગ મળશે

ઓપ્પોએ જાપાનમાં પોતાનો નવો સ્માર્ટફોન Oppo Reno 15A  લોન્ચ કર્યો છે . આ ફોનમાં 6.6 ઇંચ AMOLED ડિસ્પ્લે , Snapdragon 6 Gen 1 પ્રોસેસર , 7000mAh બેટરી અને 50MP સેલ્ફી કેમેરા જેવી આકર્ષક સુવિધાઓ આપવામાં આવી છે . કંપનીએ આ ડિવાઇસને Afterglow Pink , Twilight Navy અને Aurora Blue કલર વિકલ્પોમાં રજૂ કર્યો છે . અહેવાલો મુજબ , Oppo Reno 15A  એ Oppo Reno 15F નું રિબ્રાન્ડેડ વર્ઝન હોઈ શકે છે .

જાપાનમાં Oppo Reno 15A ના 8GB RAM + 128GB સ્ટોરેજ વેરિઅન્ટની કિંમત 64,800 યેન ( લગભગ રૂપિયા 38,000) રાખવામાં આવી છે , જયારે 12GB RAM + 256GB સ્ટોરેજ મોડેલ 76,800 યેન ( લગભગ રૂપિયા 45,100 ) માં ઉપલબ્ધ છે . હાલમાં આ સ્માર્ટફોન માત્ર જાપાનના બજારમાં વેચાણ માટે ઉપલબ્ધ છે .

આ ફોનમાં 6.6 ઇંચની AMOLED ડિસ્પ્લે આપવામાં આવી છે , જે Full HD + રિઝોલ્યુશન અને 120Hz રિફ્રેશ રેટને સપોર્ટ કરે છે . ડિસ્પ્લે 10 બીટ કલર ડેપ્થ અને 1,400 nits સુધીની પીક બ્રાઇટનેસ ઓફર કરે છે . સ્ક્રીનની સુરક્ષા માટે AGC Dragontrail STAR D+ ગ્લાસનો ઉપયોગ કરવામાં આવ્યો છે . ઉપરાંત , સુરક્ષા માટે ઈન - ડિસ્પ્લે ફિંગરપ્રિન્ટ સેન્સર પણ આપવામાં આવ્યું છે .

પરફોર્મન્સ માટે આ સ્માર્ટફોન  Snapdragon 6 Gen 1 ચિપસેટથી સજ્જ છે , જે LPDDR4X RAM અને UFS 3.1 સ્ટોરેજ સાથે જોડાયેલ છે . આ ફોનમાં 7,000mAhની મોટી બેટરી આપવામાં આવી છે , જે 80W ફાસ્ટ ચાર્જિંગ તેમજ 55W PPS ચાર્જિંગને સપોર્ટ કરે છે .

ફોટોગ્રાફી માટે Oppo Reno 15A માં ટ્રિપલ રિયર કેમેરા સેટઅપ આપવામાં આવ્યો છે . તેમાં OIS સપોર્ટ સાથે 50MP નો મુખ્ય કેમેરા , 8MPનો અલ્ટ્રા - વાઈડ લેન્સ અને 2MPનો મેક્રો કેમેરો સામેલ છે . જયારે સેલ્ફી અને વિડીયો કોલિંગ માટે આગળની બાજુ 50MPનો કેમેરો આપવામાં આવ્યો છે .

અન્ય ફીચર્સમાં NFC , Bluetooth 5.1, USF Type - C ઓડિયો , માઈક્રોએસડી  કાર્ડ સપોર્ટ અને Android 16 આધારિત ColorOS 16નો સમાવેશ થાય છે . ફોન IP66,  IP68 અને IP69 રેટિંગ સાથે આવે છે , જે ધૂળ અને પાણીથી વધારાની સુરક્ષા પ્રદાન કરે છે .