રિયલમી P3 પ્રો 5G અને P3x 5G ભારતમાં લોન્ચ, જાણો ખાસિયતો અને કિંમત

રિયલમીએ પોતાના P સિરીઝના નવા સ્માર્ટફોન્સ, રિયલમી P3 પ્રો 5G અને રિયલમી P3x 5G ભારતમાં લોન્ચ કર્યા છે. આ બંને સ્માર્ટફોન્સ 50MP પ્રાઇમરી કેમેરા અને 6,000mAh બેટરી સાથે આવે છે. રિયલમી P3 પ્રો 5G ક્વાલકોમ સ્નેપડ્રેગન 7s Gen 3 પ્રોસેસર પર કામ કરે છે, જ્યારે રિયલમી P3x 5Gમાં મીડિયાટેક ડાયમેન્સિટી 6400 ચિપસેટ આપવામાં આવ્યું છે. બંને સ્માર્ટફોન એન્ડ્રોઇડ 15 આધારિત રિયલમી UI 6.0 પર ચાલે છે. રિયલમી P3 પ્રો 5Gના વધારાના AI ફીચર્સ તેને વધુ ખાસ બનાવે છે. તેમાં AI બેસ્ટ ફેસ, AI ઇરેઝ 2.0, AI મોશન ડિબ્લર અને AI રીફ્લેક્શન રિમૂવર જેવા ફીચર્સ છે. આ સાથે, આ બંને ફોન IP68+IP69 ડસ્ટ અને વોટર રેસિસ્ટન્ટ રેટિંગ ધરાવે છે, જે તેમને વધુ ટકાઉ બનાવે છે.

રિયલમી P3 પ્રો 5G અને રિયલમી P3x 5G ની કિંમત

રિયલમી P3 પ્રો 5G ની પ્રારંભિક કિંમત ₹23,999 છે, જે 8GB RAM અને 128GB સ્ટોરેજ વેરિઅન્ટ માટે છે. 8GB+256GB અને 12GB+256GB વેરિઅન્ટ માટે કિંમત અનુક્રમેઃ ₹24,999 અને ₹26,999 છે. આ સ્માર્ટફોન ગેલેક્સિ પર્પલ , નેબ્યુલા ગ્લો અને સેટર્ન બ્રાઉન કલર ઓપ્શનમાં ઉપલબ્ધ હશે.

રિયલમી P3x 5G ની કિંમત ₹13,999 થી શરૂ થાય છે, જે 6GB RAM અને 128GB સ્ટોરેજ માટે છે, જ્યારે 8GB+128GB વેરિઅન્ટ માટે ₹14,999 છે. લુનર સિલ્વર , મિડનાઇટ બ્લૂ અને સ્ટેલર પિન્ક કલરમાં આ ફોન મળશે. ગ્રાહકો માટે બેન્ક ઓફર હેઠળ P3 પ્રો 5G પર ₹2,000 અને P3x 5G પર ₹1,000 નું ડિસ્કાઉન્ટ આપવામાં આવશે.
રિયલમી P3 પ્રો 5G અને રિયલમી P3x 5G ના સ્પેસિફિકેશન્સ

ડિસ્પ્લે અને પર્ફોમન્સ

રિયલમી P3 પ્રો 5Gમાં 6.83-inch 1.5K AMOLED ડિસ્પ્લે છે, જે 120Hz રિફ્રેશ રેટ સાથે આવે છે. બીજી તરફ, રિયલમી P3x 5G 6.7-inch Full-HD+ LCD ડિસ્પ્લે આપે છે, જે 120Hz રિફ્રેશ રેટ ધરાવે છે. P3 પ્રો 5G સ્નેપડ્રેગન 7s Gen 3 પ્રોસેસર સાથે 12GB સુધી RAM સપોર્ટ કરે છે, જ્યારે P3x 5G ડાઇમેન્સિટી 6400 ચિપસેટ અને 8GB RAM સાથે આવે છે.

કેમેરા અને બેટરી

રિયલમી P3 પ્રો 5G 50MP સોની IMX896 પ્રાઇમરી કેમેરા OIS સપોર્ટ સાથે આપે છે, જ્યારે 16MP Sony IMX480 ફ્રન્ટ કેમેરા છે. P3x 5Gમાં 50MPનો રિયર કેમેરા અને 8MP સેલ્ફી કેમેરા છે. બન્ને ફોન 6,000mAh બેટરી સાથે આવે છે, જેમાં P3 પ્રો 5G 80W ફાસ્ટ ચાર્જિંગ સપોર્ટ કરે છે અને P3x 5G 45W ફાસ્ટ ચાર્જિંગ સાથે છે.

સ્ટોરેજ અને કનેક્ટિવિટી

P3 પ્રો 5G 256GB સુધીની UFS 2.2 સ્ટોરેજ સાથે આવે છે, જ્યારે P3x 5G 128GB eMMC 5.1 સ્ટોરેજ આપે છે. બન્ને ફોન 5G, 4G LTE, Wi-Fi, બ્લુટૂથ અને GPS સપોર્ટ કરે છે.