Poco F8 Ultra અને Poco F8 Pro નજીકના ભવિષ્યમાં લોન્ચ થાય તેવી શક્યતાઓ જોવાઈ રહી છે.

Poco F8 Ultra અને Poco F8 Pro નજીકના ભવિષ્યમાં લોન્ચ થાય તેવી શક્યતાઓ જોવાઈ રહી છે. હજુ તેના અગાઉના સ્માર્ટફોનના લોન્ચને વર્ષ પણ નથી થયું ત્યાં જ પુન: એકવાર પોકો દ્વારા નવા સ્માર્ટફોનનું લોન્ચ હાથ ધરાશે. આ અમે તેના લીક્સ અને સર્ટિફિકેશન અંગેની કામગીરી જોતા જણાવી રહ્યા છે. તેને F8 પ્રોના બોક્સ પર "સાઉન્ડ બાય બોસ" સાથે પણ જોવા મળ્યું છે. સ્ટાન્ડર્ડ પોકો F7 5G ભારતમાં જૂન 2025 માં લોન્ચ કરવામાં આવ્યું હતું.Poco F8 Ultra ગીકબેન્ચના ડેટાબેઝમાં જોવા મળ્યો,Poco F8 Ultra ગીકબેન્ચ 6 બેન્ચમાર્ક ડેટાબેઝ પર દેખાયો છે, જે તેના મુખ્ય સ્પેસિફિકેશન્સ જાહેર કરે છે, જેમાં શક્તિશાળી સ્નેપડ્રેગન 8 એલીટ જેન 5 ચિપસેટ અને 16GB RAMનો સમાવેશ થાય છે. આ સ્માર્ટફોનનું લોન્ચ Xiaomi ના HyperOS 3 સાથે થશે.આમ તેની ચિપસેટ તેમજ મેમરીને ધ્યાનમાં લઈએ તો Poco F8 Ultra ઘણુંસારું ડિવાઈઝ બની રહેશે. જો કે, હજુ સુધી તેના બધા જ ફીચર્સ જાણવા મળ્યા નથી. પરંતુ, તે Redmi K90 Pro Max નું રિબ્રાન્ડેડ વર્ઝન હોઈ શકે છે.

Redmi K90 Pro Maxમાં હતું તે પ્રમાણે આ સ્માર્ટફોનમાં પણ 6.9-ઇંચ 1200x2608 AMOLED ટચ સ્ક્રીન, 120Hz રિફ્રેશ રેટ, 3,500-nit પીક બ્રાઇટનેસ મળશે. આ ઉપરાંત 2,560Hz PWM, 1TB સુધીનું સ્ટોરેજ આવશે. તેમાં ટ્રિપલ રીઅર કેમેરા સિસ્ટમ (OIS સાથે 50MP મુખ્ય, 5x ઓપ્ટિકલ ઝૂમ સાથે 50MP પેરિસ્કોપ ટેલિફોટો, 50MP અલ્ટ્રાવાઇડ), 32MP સેલ્ફી કેમેરા, બે સ્ટીરિયો સ્પીકર્સ સાથે બોસ સાઉન્ડ સિસ્ટમ અને પાછળ એક વૂફર આવશે. 7,560 mAh બેટરી,100W વાયર્ડ અને 50W વાયરલેસ ચાર્જિંગ માટે સપોર્ટ સાથે આવી શકે છે.

ટૂંકમાં, Poco F8 Pro અને Ultra બંને પોતાના પાવરફુલ પ્રોસેસર, ટોચના સ્પેસિફિકેશન્સ અને આકર્ષક ડિઝાઇન સાથે વૈશ્વિક સ્તરે ધમાલ મચાવવા તૈયાર છે. લીક્સ અને સર્ટિફિકેશન લિસ્ટિંગ્સને જોતા એવું લાગી રહ્યું છે કે Pocoની આ નવી શ્રેણી બજારમાં સ્પર્ધા વધારશે અને લોન્ચની જાહેરાત હવે માત્ર થોડા જ અઠવાડિયોની બાબત છે.

કંપનીએ લોન્ચ તારીખ જાહેર કરી નથી. Poco F8 શ્રેણી માર્ચમાં ગ્લોબલી રજૂ થયેલા Poco F7 અને F7 Ultraના અધિકૃત સક્સેસર તરીકે આવશે એમ માનવામાં આવે છે. ભારતીય બજારમાં પણ આ ફોન લોન્ચ થવાની શક્યતા છે, પરંતુ કયા મોડેલ્સ આવશે તે હજુ સ્પષ્ટ નથી.