iOS 27 માં સિરી મળશે નવી એપ અને થર્ડ પાર્ટી AI સપોર્ટ

8 જૂનના રોજ Apple તેના iPhone માટેનું આવનારું iOS 27 અપડેટ ને WWDC 2026માં રજૂ કરશે . જોકે સત્તાવાર જાહેરાત પહેલા જ આ નવા અપડેટ સંબંધિત  કેટલીક અગત્યની વિગતો ઓનલાઇન સામે આવી છે . Mark Gurmanએ પોતાના Power On ન્યૂઝલેટરમાં ખુલાસો કર્યો હતો કે Apple હવે સિરી માટે એક નવી  એપ લોન્ચ કરવાની તૈયારીમાં છે . આ એપ વધુ નવીનત્તમ સર્વિસિસ તેમજ ChatGPT , Gemini જેવી AI એપ્સને પણ સપોર્ટ કરશે . એપલ યુઝર્સ માટે ઇન્સ્ટોલ કરેલા AI ચેટબોટ્સ સિરી "એક્સટેન્શન" પ્રદર્શિત કરે છે .

સિરી એપ :
નવા અહેવાલો મુજબ , નવી સિરી એપ iPhone , iPad અને Mac પર ઉપલબ્ધ રહેશે . હાલમાં સિરીને વૉઇસ કમાન્ડ , શોર્ટકટ અથવા સાઈડ બટન દ્રારા ઍક્સેસ  કરી શકાય છે , પરંતુ અગાઉની વાતચીતો જોવા મળતી નથી . iOS 27 સાથે આવું થશે નહીં , આમાં યુઝર્સ સિરી એપ ખોલીને પોતાની જૂની ચેટ હિસ્ટ્રી પણ  જોઈ શકાશે .

નવું સિરી વૉઇસ સાથે ટેક્સ્ટ કમાન્ડ્સને પણ સારી રીતે હેન્ડલ કરી શકશે . હાલમાં iPhone પર સિરી Apple ના ફાઉન્ડેશન મોડેલ્સ પર આધારિત છે , પરંતુ નવા અપડેટમાં તે  વધુ શક્તિશાળી AI ઇન્ટિગ્રેશન સાથે આવશે , જેમાં યુઝર્સ ChatGPT જેવી સેવાઓનો ઉપયોગ કરીને વધુ માહિતી મેળવી શકશે .

"એક્સટેન્શન " સપોર્ટ :
Apple સિરી માટે એક્સટેન્શન સિસ્ટમ પણ લાવી શકે છે . આનો અર્થ એ છે કે યુઝર્સ તેમના ડિવાઈસમાં ઇન્સ્ટોલ કરેલી AI એપ્સ જેવી કે Gemini કે Claude  સાથે સિરીને જોડીને વધુ માહિતી મેળવી શકશે .

આ એક્સટેન્શનને સપોર્ટ કરતી એપ્સ શોધવી સરળ બનાવવા માટે , Apple App Store માં એક ખાસ વિભાગ રજૂ કરી શકે છે . AI ઇન્ટિગ્રેશન હોય તેવી એપ્સ હાઈલાઇટ કરવામાં આવશે . સાથે જ Apple આ એપ્સની ઈન એપ ખરીદી પર પોતાની 30 ટકા કમિશન પોલિસી રાખશે , જે કંપની માટે વધારે આવક  કરશે .

આ બધા ફેરફારો વિષે વધુ માહિતી WWDC 2026 દરમિયાન સામે આવવાની શક્યતા છે . સાથે જ Apple iPadOS 27 અને macOS 27 જેવા બીજા અપડેટ્સ પણ રજૂ કરી શકે છે . ખાસ કરીને નવી સિરી માટેનો આ અપડેટ પહેલાથી જ થોડુ મોડો માનવામાં આવે છે . તેથી ડેવલપરના કોન્ફરન્સમાં તેની જાહેરાત પર  વધારે ધ્યાન રહેશે .