ભારતમાં Realme GT 8 Pro 20 નવેમ્બરે લોન્ચ કરાશે

Realme ચાઇનિઝ સ્માર્ટફોન નિર્માતા દ્વારા 21 ઓક્ટોબરના રોજ ચીનમાં Realme GT 8 સિરિઝનું અનાવરણ કરવામાં આવ્યું હતું. જેમાં, ફ્લેગશિપ Realme GT 8 Pro અને સ્ટાન્ડર્ડ Realme GT 8નો સમાવેશ થાય છે. ભારતમાં Realme GT 8 Pro નવેમ્બરમાં લોન્ચ કરાશે તે વાતને કંપનીએ અનુમોદન આપ્યું હતું. કંપનીએ હજુ સુધી ચોક્કસ લોન્ચ તારીખ જાહેર કરી નથી, પરંતુ એક ટિપસ્ટર સૂચવે છે કે ફોન 20 નવેમ્બરના રોજ દેશમાં લોન્ચ થશે. આ હેન્ડસેટ ભારતમાં ફ્લિપકાર્ટ દ્વારા વેચાણ માટે ઉપલબ્ધ થશે. કંપની દ્વારા સ્ટાન્ડર્ડ મોડેલની ઉપલબ્ધતાની હજુ સુધી જાહેરાત કરવામાં આવી નથી.

Realme GT 8 Pro ભારતમાં લોન્ચ તારીખ

X (અગાઉ ટ્વિટર) પર એક પોસ્ટમાં, ટિપસ્ટર યોગેશ બ્રાર દાવો કરે છે કે Realme GT 8 Pro ભારતમાં 20 નવેમ્બરે લોન્ચ થશે. ચીન સ્થિત ટેક કંપનીએ પુષ્ટિ આપી છે કે તેનો ફ્લેગશિપ Realme GT 8 સિરીઝ ફોન નવેમ્બરમાં દેશમાં રજૂ કરવામાં આવશે. આ હેન્ડસેટ ફ્લિપકાર્ટ અને કંપનીના ઓનલાઈન સ્ટોર જેવા અનેક રિટેલ ચેનલો દ્વારા વેચવામાં આવશે.

Realme GT 8 Proના સ્પેસિફિકેશન્સ

Realme GT 8 Pro ના ભારતીય વેરિઅન્ટની મુખ્ય સુવિધાઓ અને કિંમતની વિગતો હજુ જાહેર કરાઈ નથી. ત્યારે એક સમર્પિત માઇક્રોસાઇટ જણાવે છે કે ફોન સ્નેપડ્રેગન 8 એલીટ જેન 5 ચિપસેટ દ્વારા સંચાલિત હશે, જેમાં હાઇપરવિઝન AI ચિપ હશે. તેના ચાઇનીઝ સમકક્ષની જેમ, Realme GT 8 Pro પણ રિકો GR-સંચાલિત ટ્રિપલ રીઅર કેમેરા સેટઅપથી સજ્જ હશે.

અગાઉ ઉલ્લેખ કર્યો છે તેમ, Realme GT 8 સિરીઝમાં, Realme GT 8 Pro અને Realme GT 8નો સમાવેશ થાય છે, 21 ઓક્ટોબરના રોજ ચીનમાં રજૂ કરવામાં આવી હતી. તેમાં બ્લેક, વ્હાઇટ અને ગ્રીન કલર મળે છે. Pro મોડેલમાં 144Hz સુધીના રિફ્રેશ રેટ, 7,000 nits ની ટોચની તેજ, ​​1.07 બિલિયન રંગો, 508ppi પિક્સેલ ઘનતા અને 3,200Hz ટચ સેમ્પલિંગ રેટ સાથે 6.79-ઇંચ QHD+ (1,440×3,136 પિક્સેલ્સ) AMOLED ફ્લેક્સિબલ ડિસ્પ્લે છે.

Realme GT 8 Pro માં Snapdragon 8 Elite Gen 5 ચિપસેટનો ઉપયોગ કરવામાં આવે છે, જે 16GB સુધી LPDDR5X RAM અને 1TB સુધી UFS 4.1 ઇન્ટરનલ સ્ટોરેજ સાથે આવે છે. આ ફોન 120W વાયર્ડ ફાસ્ટ ચાર્જિંગ સપોર્ટ સાથે 7,000mAh બેટરીથી સજ્જ છે.

તેમાં 50-મેગાપિક્સલનો પ્રાઇમરી રીઅર કેમેરા, 50-મેગાપિક્સલનો અલ્ટ્રાવાઇડ કેમેરા અને 200-મેગાપિક્સલનો ટેલિફોટો કેમેરા છે.

તેમાં સ્કાય કોમ્યુનિકેશન સિસ્ટમ અને સ્કાય સિગ્નલ ચિપ S1 છે, જે નબળા નેટવર્ક પર પણ 25% વધુ સારું સિગ્નલ પ્રદાન કરે છે.

આ ફોન WiFi 7, બ્લૂ ટૂથ 6.0, NFC અને 21 ગ્લોબલ 5G બેન્ડને સપોર્ટ કરે છે. સુરક્ષા માટે, તેમાં અલ્ટ્રાસોનિક ઇન-ડિસ્પ્લે ફિંગરપ્રિન્ટ સેન્સર અને ફેસ અનલોક છે.