Realme ભારતમાં વધુ એક Narzo સિરીઝ લોન્ચ કરી રહ્યું છે

Realme ભારતમાં વધુ એક Narzo સિરીઝ લોન્ચ કરી રહ્યું છે. આ સિરીઝમાં કેટલા ડિવાઇઝ હશે તે હાલમાં નિશ્ચિત નથી. પરંતુ, Realme દ્વારા તેની Narzo 80 સિરીઝમાં ચાર પ્રકારના સ્માર્ટફોન રજૂ કર્યા હતા. આ ઉપરાંત રિયલમી દ્વારા વધુ એક 'વેનીલા' મોડેલ, Narzo 90 પણ આ વખતે રજૂ કરી રહી છે. એક નવા અહેવાલ મુજબ, આમાં RMX5111 મોડેલ નંબર છે અને તે કાર્બન બ્લેક અને વિક્ટરી ગોલ્ડમાં 6 GB ,8 GB તેમજ 12GB રેમ સાથે ઓફર કરવામાં આવશે.6GB રેમ અને 128GB સ્ટોરેજ સાથે તેનું બેઝ મોડેલ લોન્ચ કરાશે તેમજ તેના હાઇ એન્ડ ફોનમાં મહત્તમ સ્ટોરેજ 256GB મળશે. Narzo 90 માં MediaTek Dimensity 7300 SoC હશે તેવી ધારણા છે. તેમાં 120Hz રિફ્રેશ રેટ સાથે 6.78-ઇંચ FHD+ OLED સ્ક્રીન અને 80W વાયર્ડ ચાર્જિંગ માટે સપોર્ટ સાથે 6,500 mAh બેટરી હોવાની અપેક્ષા છે. મુખ્ય કેમેરા 50MPનો હશે.

Realme એ હજુ સુધી Narzo 90 ની સત્તાવાર અનાવરણ તારીખ જાહેર કરી નથી, પરંતુ તે ચોક્કસપણે ટૂંક સમયમાં આવી રહી છે અને કદાચ એપ્રિલમાં Narzo 80 નો લોન્ચને એક વર્ષ થાય તે અગાઉ આવી શકે છે.

ઈ-કોમર્સ પ્લેટફોર્મ એમેઝોન પર આગામી સ્માર્ટફોન સિરીઝ માટે એક માઇક્રોસાઇટ બનાવવામાં આવી છે. તેના પરના ટીઝરમાં બે સ્માર્ટફોન અલગ અલગ કેમેરા લેઆઉટ સાથે બતાવવામાં આવ્યા છે. આ સ્માર્ટફોનમાંથી એકનું કેમેરા યુનિટ તાજેતરમાં લોન્ચ થયેલા Apple iPhone 16 Pro Max જેવું જ છે. આ Realme Narzo 90 Pro 5G હોઈ શકે છે. આ ટીઝરમાં બીજા સ્માર્ટફોનમાં લંબચોરસ આકારનો કેમેરા યુનિટ છે. આ બંને સ્માર્ટફોનમાં ગોળાકાર ખૂણા છે.

એમેઝોન પર આ સ્માર્ટફોન સિરીઝના ટીઝરમાં "સુપરચાર્જ્ડ" અને "પાવર મેક્સ્ડ" લખેલું છે. જે સૂચવી રહી છે કે, આ સ્માર્ટફોનમાં ઝડપી ચાર્જિંગ માટે સપોર્ટ સાથે મોટી બેટરી આપવામાં આવી છે.

Realme Narzo 80 Pro 5G માં 6.77-ઇંચ ફુલ HD+ ડિસ્પ્લે છે જેનો રિફ્રેશ રેટ 120Hz અને પીક બ્રાઇટનેસ 800 nits છે. આ સ્માર્ટફોન Mediatek Dimensity 7400 પ્રોસેસર દ્વારા સંચાલિત છે. તે Android 15 પર આધારિત Realme UI 6 પર ચાલે છે.