POCO C85 5G સ્માર્ટફોનનું ભારતીય વેરિઅન્ટ Google Play Console ડેટાબેઝ પર જોવા મળ્યું

ગૂગલ પ્લે કન્સોલ લિસ્ટિંગમાં દર્શાવ્યા પ્રમાણે, POCO C85 5G માં મીડિયાટેકની ડાયમેન્સિટી 6100+ ચિપનો ઉપયોગ કરાયો છે, જોકે તે આ ચિપસેટ સાથે લોન્ચ થવાની શક્યતા ઓછી છે. સપ્ટેમ્બર 2025 માં, Xiaomi એ સત્તાવાર રીતે તેના Redmi 15C 5G સ્માર્ટફોન લોન્ચ કર્યો હતો. જેમાં MediaTek ડાયમેન્સિટી 6300 ચિપ હતી, અને આ ડિવાઈઝમાં તેના જુદા જુદા રિજિયનના વેરિયન્ટ પ્રમાણે '2508CRN2BC', '2508CRN2BG' અને '2508CRN2BE' મોડેલ નંબરો છે. પહેલાથી જ લોન્ચ થયેલા Redmi 15C 5G અને આગામી POCO C85 5G બંનેના મોડેલ નંબરોની તુલના કરીએ તો, એક જ છે. એટલે કે POCO C85 5G સંભવતઃ Redmi 15C 5G નું રિ-બ્રાન્ડેડ વર્ઝન હશે.

Google Play Console દ્વારા જાહેર કરવામાં આવેલી વિગતો હંમેશા સાચી સાબિત થતી નથી, તેને ધ્યાનમાં લેતા, POCO C85 5G કદાચ Dimensity 6100+ ચિપને બદલે Redmi 15C 5G માં રહેલા સમાન Dimensity 6300 ચિપસેટનો ઉપયોગ કરશે (ભલે Google Play Consoleના લિસ્ટિંગ સાથે વિગતો મેળ ખાતી નથી).

POCO C85 5G સ્માર્ટફોનનું ભારતીય વેરિઅન્ટ હવે Google Play Console ડેટાબેઝ પર જોવા મળ્યું છે અને તે પ્રમાણે તેના સ્પેસિફિકેશન પણ જાહેર થયા છે. વધુમાં, ડેટાબેઝ દ્વારા તેનો ફ્રન્ટ લુક પણ જાહેર કરાયો છે.

POCO C85 5G (2508CPC2BI) – Google Play Console લિસ્ટિંગ
Google Play Console ડેટાબેઝ પર, ‘2508CPC2BI' મોડેલ નંબર ધરાવતો POCO C85 5G સ્માર્ટફોન સૂચિબદ્ધ કરવામાં આવ્યો છે, અને મોડેલ નંબરમાં ‘I' દર્શાવે છે કે તે ભારતીય વેરિઅન્ટ છે. આ ઉપકરણનું કોડનેમ ‘ટોર્નાડો' છે, અને તેનું 4GB રેમ વેરિઅન્ટ જોવા મળ્યું છે.

તે MediaTek Dimensity 6100+ ચિપસેટ (મોડેલ નંબર – ‘MT6835'; CPU આર્કિટેક્ચર – 2x ARM Cortex A76 કોર 2.20 GHz + 6x ARM Cortex A55 કોર 2.00 GHz પર ક્લોક્ડ) હોવાનો ઉલ્લેખ છે, અને તે ARM Mali G57 GPU (962 MHz) સાથે આવશે. 720 x 1600 પિક્સલ રિઝોલ્યુશન ડિસ્પ્લે પણ ઉપકરણનો ભાગ હોવાનું બહાર આવ્યું છે, જે 320 xhdpi પિક્સેલ ડેન્સિટીને સપોર્ટ કરે છે. લિસ્ટિંગ મુજબ, આ ડિવાઇસ એન્ડ્રોઇડ 16 બીટા (SDK 36) પર ચાલે છે.

ફ્રન્ટ લુક ડિઝાઇન વિશે વાત કરીએ તો, સ્માર્ટફોનમાં ફ્લેટ ડિસ્પ્લે સ્ક્રીન હશે, અને ત્રણ બાજુ પાતળા બેઝલ્સ હશે. તળિયે જાડી ચિન હશે, અને ડિવાઇસમાં વોટર-ડ્રોપ નોચ હશે જે ફ્રન્ટ-ફેસિંગ કેમેરા ધરાવે છે. જમણી બાજુના પેનલ પર, વોલ્યુમ રોકર્સ અને પાવર બટન પણ આવી શકે છે.