વિવો V50 હવે ભારતમાં, જાણો કિંમત અને ફીચર્સ!

વિવો એ ભારતમાં તેનું નવું સ્માર્ટફોન વિવો V50 લોન્ચ કર્યું છે. આ ફોનમાં ક્વાલકોમ સ્નેપડ્રેગન 7 Gen 3 પ્રોસેસર, 6,000mAh ની બેટરી અને 90W વાયર ફાસ્ટ ચાર્જિંગનો સપોર્ટ મળે છે. ડિવાઇસમાં બે 50-મેગાપિક્સલ રિયર કેમેરા અને 50-મેગાપિક્સલ સેલ્ફી કેમેરા આપવામાં આવ્યો છે. IP68 અને IP69 રેટિંગ સાથે આ ફોન ડસ્ટ અને સ્પ્લેશ રેઝિસ્ટન્ટ હોવાનો દાવો છે. 7.39mm થિકનેસ સાથે વિવો V50 તેની કેટેગરીમાં સૌથી પાતળું સ્માર્ટફોન ગણાય છે. તેમાં AI આધારિત ફીચર્સ જેમ કે સર્કલ ટુ સર્ચ, ટ્રાન્સક્રિપ્ટ અસિસ્ટ, અને લાઇવ કોલ ટ્રાન્સલેશન પણ મળે છે.

વિવો V50ની ભારતમાં કિંમત અને ઉપલબ્ધતા

વિવો V50 માટે ભારતમાં 8GB + 128GB વેરિઅન્ટની કિંમત ₹34,999 રાખવામાં આવી છે. 8GB + 256GB મોડેલ ₹36,999 અને 12GB + 512GB વેરિઅન્ટ ₹40,999માં મળશે. આ ફોન Flipkart, એમેઝોન અને વિવો ઇંડિયા ઈ-સ્ટોર પરથી 25 ફેબ્રુઆરીથી ખરીદી શકાશે. પ્રી-બુકિંગ અત્યારથી જ ચાલુ છે.
ફોનની સાથે વિવો TWS 3e માત્ર ₹1,499માં ખરીદી શકાય છે, જ્યારે તેની મૂળ કિંમત ₹1,899 છે. વિવો V50 ત્રણ કલર વેરિઅન્ટ - રોઝ રેડ, સ્ટારી બ્લૂ, અને ટાઈટેનિયમ ગ્રે માં ઉપલબ્ધ છે.

વિવો V50ના ફીચર્સ અને સ્પેસિફિકેશન્સ

વિવો V50માં 6.77-inch નું Full HD+ (1080x2392 pixels) ક્વાડ-કર્વ્ડ AMOLED ડિસ્પ્લે છે. આ સ્ક્રીન 120Hz રિફ્રેશ રેટ, 4,500 nits પીક બ્રાઇટનેસ અને 387ppi ડેન્સિટી સપોર્ટ કરે છે. ક્વાલકોમ સ્નેપડ્રેગન 7 Gen 3 SoC દ્વારા સંચાલિત આ ફોન 12GB LPDDR4X RAM અને 512GB UFS 2.2 સ્ટોરેજ સાથે આવે છે. ફોનમાં Android 15 આધારિત ફનટચ OS 15 આપવામાં આવ્યું છે.

કેમેરાની વાત કરીએ તો, વિવો V50માં 50MPનો પ્રાઇમરી સેન્સર (f/1.88 અપર્ચર, OIS સપોર્ટ) અને 50MPનો અલ્ટ્રાવાઇડ લેન્સ (f/2.0 અપર્ચર) રિયર સાઇડ છે. સેલ્ફી માટે 50MP કેમેરા (f/2.0 અપર્ચર) અપાયેલ છે.
વિવો અને Zeiss ની ભાગીદારી હેઠળ આ ફોનમાં ઓરા લાઈટ અને AI આધારિત ઇરેઝ 2.0 અને લાઈટ પોર્ટ્રેટ 2.0 જેવા ફોટો એડિટિંગ ટૂલ્સ આપવામાં આવ્યા છે.

બેટરી, કનેક્ટિવિટી અને ડિઝાઇન

વિવો V50માં 6,000mAh બેટરી છે, જે 90W વાયર ફાસ્ટ ચાર્જિંગ સપોર્ટ કરે છે. સિક્યુરિટી માટે તેમાં ઈન-ડિસ્પ્લે ઓપ્ટિકલ ફિંગરપ્રિન્ટ સેન્સર આપવામાં આવ્યો છે. કનેક્ટિવિટી માટે ડ્યુઅલ 5G, 4G, Wi-Fi, બ્લુટૂથ 5.4, GPS, OTG, અને USB 3.2 ટાઇપ-સી પોર્ટ ઉપલબ્ધ છે.

ટાઇટેનિયમ ગ્રે મોડેલનું માપ 163.29x76.72x7.39mm અને વજન 189g છે. રોઝ રેડ અને સ્ટારી બ્લૂ વેરિઅન્ટમાં 7.57mm અને 7.67mm થિકનેસ છે અને વજન 199g છે.