Vivo X300 and X300 Pro ભારતમાં ડિસેમ્બરના પહેલા સપ્તાહમાં લોન્ચ થઈ શકે છે

Vivo એ આ મહિનાની શરૂઆતમાં ચીનમાં X300 Pro અને X300 રજૂ કર્યા હતા, જે 2.35x ટેલિકોન્વર્ટર લેન્સને સપોર્ટ કરે છે. ટૂંક સમયમાં તે ભારતમાં લોન્ચ કરાશે જેમાં ચાઇનીઝ વર્ઝન જેવા જ સ્પેસિફિકેશન્સ રહેશે. ભારતીય વેરિઅન્ટ્સ ટેલિફોટો એક્સટેન્ડર કિટને સપોર્ટ કરશે. બંને સ્માર્ટફોન ઘણા સર્ટિફિકેશન પ્લેટફોર્મ્સ, બ્યુરો ઓફ ઇન્ડિયન સ્ટાન્ડર્ડ્સ (BIS) ડેટાબેઝ પર દેખાયા છે, જે વૈશ્વિક સ્તરે રિલીઝ થવાનો સંકેત આપે છે. Vivo X300 and X300 Pro ભારતમાં ડિસેમ્બરના પહેલા સપ્તાહમાં લોન્ચ થઈ શકે છે.Vivo X300 સિરીઝ ભારતમાં Zeiss Telephoto Extender Kits સાથે લોન્ચ કરાશે,Vivo X300 અને X300 Pro ના ભારતીય વેરિઅન્ટ્સ નવા Zeiss Telephoto Extender Kit ને સપોર્ટ કરશે, જેનાથી દેશ આ અદ્યતન કેમેરા એક્સેસરી મેળવનારા પ્રથમ વૈશ્વિક બજારોમાં સામેલ થશે. બંને સ્માર્ટફોન Zeiss 2.35x ટેલિકોન્વર્ટર લેન્સ સાથે પણ સુસંગત છે, જે પિક્ચરની ગુણવત્તાને અસર કર્યા વિના એક્સટેન્ડેડ ઓપ્ટિકલ ઝૂમ કરી શકે છે.
Vivo X300 Pro 8.8x ઓપ્ટિકલ ઝૂમ, જ્યારે X300 લગભગ 7x ઓપ્ટિકલ ઝૂમ સુધી પહોંચે છે. ટેલિકોન્વર્ટર Pro પર ફોકલ લંબાઈ 200mm અને નિયમિત મોડેલ પર 165mm સુધી વધારી દે છે. Vivo એ કેમેરા એપ્લિકેશનમાં એક ખાસ ટેલિકન્વર્ટર મોડ આપ્યો છે, જે ઇન્સ્ટન્ટ લેન્સ ઓળખ અને ઓટોમેટિક એક્ટીવેશનને માટે NFC સપોર્ટ સાથે આવશે.

Vivo X300 સિરીઝનાં સ્પેસિફિકેશન્સ

બંને ફોન MediaTek Dimensity 9500 પ્રોસેસર દ્વારા સંચાલિત છે અને 16GB રેમ અને 1TB સુધી સ્ટોરેજ સાથે આવે છે. બંને ફોન Android 16 પર આધારિત OriginOS પર ચાલે છે. X300 Pro માં 6510mAh બેટરી છે જે 90W વાયર્ડ અને 40W વાયરલેસ ચાર્જિંગને સપોર્ટ કરે છે. X300 માં 6040mAh બેટરી છે.

Vivo X300 શ્રેણીના બંને ફોન ટ્રિપલ કેમેરા સેટઅપ સાથે આવે છે. આમાં 200MP મુખ્ય કેમેરા, 50MP અલ્ટ્રા-વાઇડ કેમેરા અને 50MP ટેલિફોટો કેમેરાનો સમાવેશ થાય છે. સેલ્ફી અને વિડીયો કોલિંગ માટે 50MP કેમેરા પણ ઉપલબ્ધ છે. કંપનીએ આ ફ્લેગશિપ શ્રેણીમાં V3+ ઇમેજ પ્રોસેસિંગ ચિપનો સમાવેશ કર્યો છે.

Vivo X300 માં 6.31-ઇંચ 1.5K OLED ડિસ્પ્લે છે જે 120Hz રિફ્રેશ રેટને સપોર્ટ કરે છે. Pro મોડેલમાં 6.78-ઇંચ FHD+ 1.5K OLED ડિસ્પ્લે છે, જે 120Hz રિફ્રેશ રેટને પણ સપોર્ટ કરે છે.