ઇલેક્ટ્રિક સ્કૂટરની માંગ વધી , TVS પ્રથમ જયારે Ola Electric પાંચમા સ્થાને પહોંચી

દેશમાં ઇલેક્ટ્રિક ટૂ - વહીલર્સની માંગમાં  સતત વધારો જોવા મળી રહ્યો છે . જુન મહિનામાં ઇલેક્ટ્રિક ટૂ -વહીલર્સના વેચાણમાં નોંધપાત્ર ઉછાળો નોંધાયો હતો . કુલ 1,93,735 યુનિટ્સનું વેચાણ થયું , જે ગયા વર્ષના સમાન મહિનાની સરખામણીએ આશરે 75 ટકા વધુ છે . પેટ્રોલના સતત વધી રહેલા ભાવ અને ઇલેક્ટ્રિક વાહનોમાં ગ્રાહકોના  રસને કારણે આ સેગમેન્ટ ઝડપથી આગળ વધી રહ્યું છે .

ફેડરેશન ઓફ ઓટોમોબાઈલ ડીલર્સ એસોસિએશન ( FADA ) ના આંકડા મુજબ , જૂનમાં સૌથી વધુ ઇલેક્ટ્રિક ટૂ - વહીલર્સ વેચનાર કંપની TVS Motor પ્રથમ સ્થાને રહી હતી . કંપનીએ કુલ 47,064 યુનિટ્સનું વેચાણ કર્યું , જે ગયા વર્ષની સરખામણીએ 76 ટકાથી વધુ વૃદ્ધિ દર્શાવે છે . કંપનીનો લોકપ્રિય iQube ઇલેક્ટ્રિક સ્કૂટર ગ્રાહકોમાં સતત લોકપ્રિય બની રહ્યો છે . તાજેતરમાં TVS એ iQube ના 10 લાખ યુનિટ્સના ઉત્પાદનનો મહત્વપૂર્ણ આંકડો પણ પાર કર્યો છે .

બીજા ક્રમે Bajaj Auto રહી હતી . કંપનીએ તેના Chetak ઇલેક્ટ્રિક સ્કૂટરના 43,306 યુનિટ્સ વેચ્યા હતા . Bajaj ના વેચાણમાં વર્ષદરમિયાન 80 ટકાથી વધુનો વધારો નોંધાયો છે . ત્યારબાદ Ather Energy ત્રીજા સ્થાને રહી હતી . કંપનીએ જૂનમાં 31,230 ઇલેક્ટ્રિક સ્કૂટર્સનું વેચાણ કર્યું , જે ગયા વર્ષની સરખામણીએ લગભગ 95 ટકા વધારે છે . કંપનીનો Rizta ફેમિલી સ્કૂટર આ વૃદ્ધિમાં મહત્વપૂર્ણ યોગદાન આપી રહ્યો છે . તાજેતરમાં Rizta ના કુલ વેચાણે 3 લાખ યુનિટ્સનો આંકડો પાર કર્યો હતો .

Hero MotoCorp એ પણ ઇલેક્ટ્રિક વાહન બજારમાં મજબૂત પ્રદર્શન કર્યું છે . કંપનીએ જૂનમાં 21,820 ઇલેક્ટ્રિક સ્કૂટર્સનું વેચાણ કરીને ચોથું સ્થાન મેળવ્યું હતું . તેની વેચાણ વૃદ્ધિ વર્ષદરમિયાન 175 ટકાથી વધતી હાજરી દર્શાવે છે .

બીજી તરફ , એક સમયના માર્કેટ લીડર રહેલી Ola Electric હવે પાંચમા સ્થાને પહોંચી ગઈ છે . કંપનીના વેચાણમાં ગયા વર્ષની સરખામણીએ લગભગ 22 ટકાનો ઘટાડો નોંધાયો છે . જોકે કંપનીએ તાજેતરમાં EV અને બેટરી ઉત્પાદન ક્ષમતા વધારવા માટે રૂપિયા 2,000 કરોડના રોકાણની જાહેરાત કરી છે . કંપનીને આશા છે કે આ રોકાણ ભવિષ્યમાં ઉત્પાદન ક્ષમતા અને સ્પર્ધાત્મકતા વધારવામાં મદદરૂપ થશે .